Құйрығы қысқа
Сабақтың қысқаша сипаттамасы
Бөлімі
Ғажайып ертегілер
Білім беру саласы
Қатынас
Тақырыбы
«Мақтаншақ қоян» ертегісі
Мақсаты
Балалардың шығармашылық қабілетін дамыту.
Міндеттері
- Ертегілер туралы түсініктерін кеңейту.
- Кейіпкерлердің сөзін, дауысын, интонациясын келтіріп айтуға дағдыландыру.
- Мықтылыққа және шыншылдыққа тәрбиелеу.
Әдіс-тәсілдер
Ой толғаныс, салыстыру, көрсету, түсіндіру, сергіту сәті, ойын.
Көрнекіліктер
Қояндардың, иттердің, қарғаның бетперделері; іздердің суреттері.
Сөздік жұмыс
Билингвальды компонент
- қоян — заяц
- үй қояны — кролик
- қарға — ворона
- көжек — зайчонок
Сабақ барысы
Шаттық шеңбері
Күлімдеп күн бүгін
Қарады маған да.
Күлімдеп күн бүгін
Қарады саған да.
Шуағын төгіп нұр,
Сәлем, күн ана!
Жұмбақ
Қалқиып ұзын құлағы,
Елеңдеп қорқып тұрады.
Жауабы: қоян
Сұрақ-жауап
-
Қоянның баласын қалай атайды?
Көжек (зайчонок).
-
Қоянның құлағы қандай? Құйрығы қандай?
Құлағы ұзын, құйрығы қысқа.
-
Жазда терісі қандай түске өзгереді? Қыста ше?
Жазда сұр, қоңыр; қыста ақ.
-
Қоян не жейді?
Сәбіз жейді, ағаш бұтақтарын кеміреді.
-
Қоянның терісінен не жасайды?
Малақай жасайды.
«Қоян» сөзін жаңғырық әдісімен қайталату ұсынылады.
Ертегімен таныстыру
Бүгін балалар «Мақтаншақ қоян» ертегісімен танысады. Тәрбиеші мультфильм желісімен көрсете отырып, мазмұнын әңгімелейді.
Талқылау сұрағы: Ертегі сендерге ұнады ма?
Тіл ұстарту жаттығуы
- Ян-ян-ян — қорқақ қоян
- Ек-ек-ек — кішкене көжек
- Лақ-лақ-лақ — ұзын құлақ
Сергіту сәті
Ұзын құлақ сұр қоян,
Естіп қалып сыбдырды.
Ойлы-қырлы жерлермен,
Ытқып-ытқып жүгірді.
Қарап еді артына,
Қиығын сап көзінің,
Келе жатқан томпаңдап —
Көжегі екен өзінің.
Талқылау
- Қоян қалай мақтанды?
- Қоян қайда өмір сүреді?
Маусымдық сұрақтар
- Қазір бізде қай мезгіл?
- Табиғатта қандай өзгерістер болады?
Балалардың жауабы: қыс. Қар жауады, күн суытады.
Ойындар арқылы бекіту
Ойын: «Қай аңдардың ізі?»
Қыста қар үстінде әртүрлі іздер көрінеді. Балалар іздер арқылы секіре отырып, қай аңның ізі екенін анықтайды және жасырынған аңды табады.
Ойын: «Айырмашылығын тап»
Балалар үй қояны мен жабайы қоянның айырмашылықтарын салыстырып табады.
Рөлдік ойын
Ертегіні рөлдерге бөліп ойнаймыз. Осылайша балалар қоянның «мақтаншақ» болғанымен, шын мәнінде батылдығы мен тапқырлығын көрсете алғанын түсінеді.
Сұрақ: Қоян мықтылығын қалай көрсетті?
Балалардың жауабы: Иттерді алдап, қарғаны құтқарды.
Қорытынды
Оқу іс-әрекеті аяқталды. Сабақ барысында балалар ертегі кейіпкерлерін дауыс ырғағымен жеткізіп айтуға жаттықты, сөздік қорын толықтырды және шыншылдық пен батылдықтың маңызын талқылады.