Қазақша рефераттар

Заттарды топқа бөл

Сабақтың тақырыбы: 10 саны

Бұл сабақта оқушылар 10 саны туралы түсінігін кеңейтіп, 10-ға дейінгі реттік санауды (тура және кері) меңгереді. Сонымен қатар, 10 цифрының баспа түріндегі жазылуымен танысып, ұқыптылыққа тәрбиеленеді.

Сабақтың мақсаты

10-ға дейін реттік санауды меңгерту.

Міндеттері

  • 10 саны бойынша тура және кері санауды үйрету.
  • Математика пәніне қызығушылықты арттыру.
  • 10 цифрының баспа түріндегі жазылуымен таныстыру, ұқыптылыққа тәрбиелеу.

Құралдар мен әдістер

Көрнекіліктер:

Жаңа тақырыпқа байланысты суреттер, кеспе сандар, түрлі түсті текшелер, магнитті көрнекіліктер.

Әдіс-тәсілдер:

Сұрақ-жауап, ойын арқылы түсіндіру, көрсету.

Сабақтың барысы

I. Ұйымдастыру кезеңі

Оқушылардың сабаққа дайындығы тексеріледі. Мұғалім: «Балалар, қазір бізде математика сабағы. Алдымен шаттық шеңберін құрып, бір-бірімізге жақсы тілек айтайық».

Шаттық шеңбері

Оқып-білім аламыз,
Біздер зерек баламыз.
Математика пәнінде
Тапқыр, алғыр боламыз.

Топқа бөлу: 1, 2, 3 сандарын санату арқылы оқушылар 3 топқа бөлініп отырады.

  • «Неше топ болдық?»
  • «Топ басшысын сайлап алыңдар.»
  • «Енді топ ережесімен танысамын.»

Алтын ереже

  1. Тыныштық сақтау.
  2. Бір-бірін тыңдау.
  3. Өз ойын ашық айту.
  4. Уақытты үнемдеу.

II. Өткен сабақты қайталау

I топ

«Балалар, біз нешеге дейін санауды үйрендік?»

II топ

1-ден 9-ға дейін санау (тура және кері санау).

III топ

«9 саны қай санға ұқсайды?»

III. Жаңа сабақ

Мұғалім: «Ал енді, балалар, 9 санына 1-ді қоссақ, неше болады?» Оқушылардың жауабынан кейін сабақтың негізгі тақырыбы ашылады: бүгін біз 10 санымен танысамыз.

Негізгі түсінік

  • 10 саны 1 және 0 цифрларынан құралады.
  • 10 — екі таңбалы сан.
  • 10-ға дейін санау: тура және кері.

Оқушылар 10-ға дейін және 10-нан кері қарай санайды. Кейін санды нақтылау үшін:

  • түрлі түсті текшелерді санайды;
  • магнитті көрнекіліктер арқылы заттарды санайды.

№1 тапсырма: Суретпен жұмыс

Суретте 10-ға дейінгі әртүрлі заттар берілген. Оқушылар заттарды атайды, топқа бөледі және әр топтың атауын айтады.

  • Неше бас киім бар?
  • Етік, киім ілгіш, қолғап сияқты заттарды санап шық.
  • Тиісті цифрді жаз.

Сергіту сәті

Мұғалім: «Шаршаған болармыз, бойымызды сергітіп алайық».

Оң қолымда 5 алама,
Сол қолымда 5 алама.
5-ті 5-ке қосқанда,
Болады екен 10 алама.

Ойын: «Кім жылдам?»

№2 тапсырма 7 санының құрамын бекітуге бағытталған. Топтар берілген қосындыларды жылдам құрастырып, жауаптарын айтады.

I топ

2 + 5

II топ

1 + 6

III топ

4 + 3

Өздік жұмыс

Қарағанды облысы, Атасу кенті, М. Жұмажанов селосы, Жаңаарқа жалпы білім беретін орта мектебінің бастауыш сынып мұғалімі: Тажикенова Назгуль Муратовна.