Жасыл шар
I бөлім
Мотивациялық-қозғаушылық
Сабақ балалардың қызығушылығын оятудан басталады: жылы қарым-қатынас, әңгіме, тосын сый және топтық жұмысқа бағытталған ойын элементтері арқылы орта қалыптастырылады.
1) Қызығушылықты ояту: «Шаттық шеңбері»
Шеңбер болып тұрамыз жылы жүзбен,
Бізге келсін қуаныш нұр іздеген.
Шуақ толған жанымыз, жүрегіміз —
Үлгі алсын көрген жан мына бізден.
2) Интерактивті тақтамен жұмыс: отбасы туралы әңгіме
Тәрбиеші интерактивті тақтадан отбасы суреттерін көрсетіп, балалармен сұрақ-жауап жүргізеді:
- «Бұлар кімдер?»
- «Бұл адамдарды қалай атаймыз?»
Осы отбасындағы Аян есімді бала балалардың математика сабағында немен айналысатынын білгісі келетінін айтады.
3) Тосын сый: шарлар арқылы жыл мезгілдерін қайталау
Аян балаларға түрлі түсті шарлар әкеледі. Балалар «Бір жылда неше мезгіл бар?» сұрағына жауап беріп, түстерді жыл мезгілдерімен сәйкестендіреді:
Ақ шар
Қай мезгілді білдіреді?
Сары шар
Қай мезгілді білдіреді?
Жасыл шар
Шөптердің түсі сияқты. Қай мезгіл?
Қызыл шар
Қай мезгілді білдіреді?
Сабақ сайыс түрінде өтетіндіктен, балалар екі топқа бөлінеді. Үстел үстіндегі геометриялық пішіндерді таңдап, қалаған тобына барып отырады.
II бөлім
Ұйымдастырушылық-ізденістік
Алгоритм әдісі арқылы тапсырмалар ретімен орындалады. Әр дұрыс жауап «сиқырлы пішіннің» пайда болуына көмектеседі: бір бала шарды жарып, тапсырманы шығарады, ал көмекші тақтаға пішіндерді жапсырады.
1-тапсырма: «Пойызға сандарды ретімен қой»
Мақсаты: 1-ден 5-ке дейін тура және кері санау, сандарды тақтаға ретімен орналастыру, үш тілде санау.
2-тапсырма (екі топқа ортақ ойындар)
А) «Көршісін тап»
Мақсаты: санның көршілерін анықтау.
Б) «Қай сан жоғалды?»
Мақсаты: жоғалған санды табу.
3-тапсырма: логикалық есептер
- 1Қоянның неше құлағы бар? (Сурет арқылы.)
- 2Бұл ненің суреті? Қолда қанша саусақ бар?
- 3Ағашта 5 құс отыр. Оның 2-еуі ұшып кетті. Ағашта қанша құс қалды?
- 4Себетте 2 алма, табақта 3 алма бар. Қосқанда барлығы неше алма болады?
4-тапсырма: «Қанша болса, сонша екенін тап»
Мақсаты: 5-ке дейін санауды бекіту, «Қанша? — Сонша» сәйкестігін табу.
Балалар Аянның тапсырмаларын орындағаннан кейін тақтада «сиқырлы пішін» пайда болады. Осы сәтте балалар Аяннан өзінің отбасы туралы қысқаша әңгімелеп беруін сұрайды және оған көмектесуге дайын екенін айтады.
Шығармашылық жұмыс: дастарханды ұлттық өрнекпен әшекейлеу
Тәрбиеші ұлттық ою-өрнектерді ататып, дастарханды қызғалдақ гүлі және құс қанаты өрнектерімен әшекейлеу керектігін түсіндіреді, үлгісін көрсетеді.
Қию
Тікбұрыштан шаршы қияды.
Қию
Шаршыдан үшбұрыш қияды.
Жапсыру
Дайын дөңгелек пішінге өрнектерді шеңбер бойымен орналастырып жапсырады.
Сергіту сәті: «Көңілді күн»
Бейнежазба арқылы қимыл-қозғалыс жасалып, балалардың зейіні мен белсенділігі қалпына келтіріледі.
Сайысты қорытындылау
Екі топтың нәтижесі салыстырылып, жеңімпаз анықталады.
III бөлім
Рефлексивтік-жинақтаушы
Сабақ соңында тәрбиеші балалардың жұмыстарын бағалап, БҮҮ стратегиясы арқылы ой толғаныс жүргізеді. Аян сыйлықтарын таратып, балалармен қоштасады.
Білемін
Бұған дейін меңгерген білімін еске түсіреді.
Үйрендім
Сабақта алған жаңа дағдысын атап өтеді.
Үйренгім келеді
Келесі сабақта нені тереңдеткісі келетінін айтады.
Күтілетін нәтиже
- Тапсырмаларды ретімен орындап, 5-ке дейін санай алады.
- 5-ке дейін санауды, тікбұрыштан шаршыны және шаршыдан үшбұрышты қиып алуды түсінеді.
- Ойын барысында өз білімін қолдана алады.