Қазақша рефераттар

Құжаттамамен қамтамасыздандырудың автоматтандырылған жүйесі

Сабақтың тақырыбы

Құжаттамамен қамтамасыздандырудың автоматтандырылған жүйесі

Сабақтың мақсаты

  • Білімділік: оқушыларға құжаттамамен қамтамасыздандырудың автоматтандырылған жүйесі туралы түсінік беру және білімдерін жетілдіру.
  • Тәрбиелік: бір-біріне көмектесуге, ынтымақтастыққа және еңбекқорлыққа тәрбиелеу.
  • Дамытушылық: оқушылардың ой-өрісін дамыту.

Сабақтың түрі

Аралас сабақ

Сабақтың әдісі

Сұрақ-жауап, көрсете түсіндіру

Көрнекіліктер

Компьютер, мультимедиялық тақта, оқулық, слайдтар

I. Ұйымдастыру кезеңі

  1. Оқушылармен амандасу.
  2. Оқушыларды түгендеу.
  3. Оқушылардың назарын жаңа сабаққа аудару.

II. Өткен тақырыпты тексеру

Оқушыларға диктант түрінде тапсырма беріледі. Төмендегі анықтамаларға сәйкес келетін ұғымдарды жазыңыз.

1-тапсырма

___________ — автор жөніндегі мәліметі, жасалған уақыты мен орны құжаттың өзінде сақталатын немесе басқа жолмен табылған, шығу тегіне күмән тудырмайтын құжат.

2-тапсырма

___________ — түпнұсқа құжаттағы ақпаратты толық және оның сыртқы белгілерін (немесе заңды күші жоқ бөлігін) көшірмелейтін құжат.

3-тапсырма

___________ — ұйымның күнделікті қызметінде пайдаланылатын ресми құжат.

4-тапсырма

___________ — белгіленген тәртіпке сай қажетті деректемелері қойылып, заңдық күш берілетін құжат көшірмесі.

5-тапсырма

___________ — қоғам үшін маңыздылығына байланысты сақталып тұрған немесе сақтауға жататын, сондай-ақ иесі үшін құнды болып табылатын құжат.

6-тапсырма

___________ — жұмыскерлердің еңбек қызметін растайтын құжаттар және оларды зейнетақымен қамтамасыз етуге ақша аудару жөніндегі мәліметтер кешені.

III. Жаңа сабақты түсіндіру

Бүгінгі таңда есептеу техникасы ақпаратты өңдеудің автоматтандырылған жүйелерінің әртүрлі саласында кеңінен қолданылады. Мұндай жүйелер басшылар мен мамандарды шығармашылық емес жұмыстардан босатып, ең бастысы — ақпарат қорын өте жылдам әрі ыңғайлы түрде игеруге мүмкіндік береді.

Негізгі ұғымдар

ЭЕМ (электрондық есептеуіш машина)
Адамға қажетті, пайдалы және толық ақпаратты уақытында ұсынуға қабілетті, ақпаратты өңдеуге арналған құрал.
Машинограмма
Есептеу техникасы құралдарымен жазба түрде қағазға түсірілген және белгіленген тәртіппен рәсімделген құжат.
Машинадан оқылатын құжат
Ондағы ақпаратты автоматты түрде оқуға жарамды құжат.

Машинадан оқылатын құжаттарды дайындау кезінде қолданылатын жазбалардың негізгі түрлері: перфорациялық және магниттік жазу құралдары.

Міндетті деректемелер

Машинадан оқылатын құжаттар мен машинограммалар үшін міндетті деректемелер кешені және олардың орналасу тәртібі белгіленген. Міндетті деректемелер құрамына төмендегілер кіреді:

  • Құжатты жасаған ұйымның коды және атауы
  • Ұйымның орналасқан жері немесе пошталық мекенжайы
  • Құжат нысанының коды
  • Құжаттың атауы
  • Жасалған күні
  • Дұрыс рәсімделуіне жауапты адамның қолы

Нормативтік талаптар және мұрағаттау

Арнаулы ережелер қолданылатын ұйымдар құжаттар мен машинограммаларда міндетті түрде болуы тиіс деректемелерді сол ережелерге сәйкес көрсетуі қажет. Басқару қызметінде ерекше маңызы бар (бұйрықтар, есептер, жоспарлар және т.б.) заңдық және тарихи құндылығы жоғары құжаттардың деректері машиналық жазуға түсіріліп, мемлекеттік мұрағаттарда тұрақты сақтауға жіберіледі.

Автоматтандырылған жүйедегі құжаттармен жұмыс

Құжаттамамен қамтамасыздандырудың автоматтандырылған жүйесінде құжаттармен жүргізілетін негізгі жұмыс түрлері:

  • құжаттарды тіркеу;
  • құжаттарды іздестіру;
  • бақылау және анықтамалық жұмыстар;
  • ақпарат пен құжаттарды сақтау;
  • құжаттарды жасау (құрастыру) процестері және басқа да операциялар.

IV. Жаңа сабақты бекіту

Бекіту сұрақтары

  1. Машинограмма дегеніміз не?
  2. Машинадан оқылатын құжаттар мен машинограммаларға қойылатын міндетті деректемелерді атаңыз.
  3. Автоматтандырылған жүйеде құжаттармен жүргізілетін негізгі жұмыс түрлеріне нелер жатады?
  4. Құжаттамамен қамтамасыздандырудың автоматтандырылған жүйесі туралы не айта аласыз?

V. Үй тапсырмасы

Оқу: 8–11-беттер.

VI. Оқушыларды бағалау

Оқушылардың сабаққа қатысу белсенділігі, сұрақтарға жауап беруі және тапсырмаларды орындау сапасына қарай бағаланады.

Сау болыңыздар! Сабақ аяқталды.