Қазақша рефераттар

Оқушыларға Шәкәрім шығармашылығының табиғатын тану, Шәкәрім тұлғасын толыққанды қарастыруға күш салу

Сабақ туралы қысқаша мәлімет

Өңір
Атырау облысы, Қызылқоға ауданы, Сағыз селосы
Мектеп
А. Өміров атындағы балалар саз мектебі
Мұғалім
Кенжеғалиева Айжамал
Тақырып
«Бұл ән бұрынғы әннен өзгерек»
Сабақтың түрі
Жаңа сабақ
Сабақтың типі
Аралас

Сабақтың мақсаттары

Білімділік

Оқушыларға Шәкәрім шығармашылығының табиғатын таныту, Шәкәрім тұлғасын толыққанды қарастыруға бағыт беру.

Тәрбиелік

Ұлтжандылық рухқа, ізгілікке және ізденімпаздыққа үндеу.

Дамытушылық

Дүниетанымды кеңейту, ой ұшқырлығын дамыту, өзіндік пікір айтуға баулу.

Әдістер мен көрнекіліктер

Қолданылатын әдістер

  • Сұрақ-жауап
  • Көрнекілік
  • Іздену
  • Қорытынды жасау
  • Шығармашылық жұмыс

Көрнекіліктер

  • Компьютер
  • Интерактивті тақта
  • Слайдтар
  • Оқулық және қосымша материалдар

Сабақтың барысы

1) Ұйымдастыру кезеңі

  • Оқушыларды түгендеу.
  • Оқу құралдарын тексеру.
  • Үй тапсырмасын бекіту.

2) Үй тапсырмасын тексеру: «Бауырсақ» ертегісі арқылы

Оқушылардың дайындығы «Бауырсақ» ертегісіндегі кейіпкерлер арқылы тексеріледі. Әр кейіпкер екі сұрақ қояды, оқушылар жауап беру арқылы үй тапсырмасын қорытындылайды.

Қоянның сұрақтары

  1. Күйші Дина қай облыста, қай ауданда дүниеге келген?
  2. Абайдың қандай шығармаларын білесіңдер?

Қасқырдың сұрақтары

  1. Динаға он жылдай ұстаздық еткен кім?
  2. Ақан серінің екінші аты қандай?

Аюдың сұрақтары

  1. Динаның күйлерін атаңдар.
  2. «Қараторғай» әнінің авторы кім?

Түлкінің сұрақтары

  1. Қай өңірдің күйшілік мектебін меңгерген?
  2. Үнтаспадан Біржан салдың «Ләйлім шырақ» әнін тыңдап, әсеріңді қысқаша айт.

Ертегі желісі бойынша бауырсақ домалап келе жатқанда алдынан аңшы шығып, Біржан салдың «Ләйлім шырақ» әнін ыңылдап айтып, бауырсақты үйіне алып кетеді. Осы эпизод сабақтың жаңа тақырыбына өткел болады: оқушыларға «Бұл ән бұрынғы әннен өзгерек» әні тыңдатылады.

3) Жаңа сабақ: Шәкәрім Құдайбердіұлы

Шәкәрім Құдайбердіұлы (1858–1931) — ақын, жазушы, аудармашы, композитор, тарихшы және философ. Кейбір деректерде оның есімі Шаһкәрім деп те беріледі.

Туған жері мен әулеті

Ол 1858 жылдың 11 шілдесінде қазіргі Шығыс Қазақстан облысы, Абай ауданына қарасты Шыңғыстау бөктерінде дүниеге келген. Әкесі Құдайберді — Құнанбайдың үлкен бәйбішесі Күнкеден туған. Абаймен әкесі бір, шешесі бөлек болғандықтан, Шәкәрім Абайға немере іні саналады.

Білім алуы мен қалыптасуы

Құдайберді 37 жасында дүниеден өткеннен кейін Шәкәрім атасы Құнанбайдың тәрбиесінде болады. Бес жасынан ауыл молдасынан сабақ алады. Жеті жасынан өлеңге бейімділігін танытып, ерекше зеректігімен көзге түседі. Абайдың қамқорлығымен молда сабағымен қатар орыс тілін де үйренеді.

Өнер мен ізденіс

Шәкәрім ғылым-білімге ұмтылумен қатар домбыра тартып, гармоньда ойнап, ән салған; саятшылық құрып, сурет салу сияқты өнерлерге ден қойған. Оның өнеге алған ортасы — Құнанбай ауылының зиялы қауымы және ұлы Абайдың тағылымы. Абай кеңесімен түрлі кітаптарды жүйелі оқуға дағдыланған Шәкәрімнің ой-өрісі тереңдеп, ақындық болмысы айқындала түседі.

Слайдпен жұмыс

Слайд арқылы Шәкәрімнің еңбектері мен кітаптары таныстырылады.