Қазақша рефераттар

Қырық өтірік ертегісі

БҚО, Ақсай қаласы

№5 ЖОББМ қазақ тілі мен әдебиеті пәні мұғалімі: Насретденова Анаргүл Елдосқызы

Пән / сынып

Әдебиет, 5-сынып

Сабақ тақырыбы

«Қырық өтірік» ертегісі

Керекті жабдықтар

  • 5-сынып оқулығы
  • Кері байланыс парағы

Қамтылатын тақырыптар

  1. «Қырық өтірік» ертегісі
  2. Ахмет Байтұрсынұлы — «Екі шыбын»
  3. «Тазша баланың тапқырлығы»

Сабақтың мақсаты мен күтілетін нәтижелері

Мақсаты

Ертегінің мазмұнын сұрау, басқа ертегілермен ұқсастығы мен айырмашылығын ажырата білуге үйрету.

Күтілетін нәтиже

  • А: Ертегінің мазмұнын айта алады.
  • Б: Басты кейіпкерге мінездеме береді.
  • С: Өз ойын еркін жеткізеді, тапқырлыққа дағдыланады.

Әдіс-тәсілдер

СТО

Жоғары және төмен дәрежелі сұрақтар

Жаңа тәсілдер

«Екі жұлдыз, бір ұсыныс» арқылы бағалау

Сабақ барысы

Кіріспе

2 минут

  • Оқушыларды топқа бөлу.

Үй тапсырмасын тексеру

15 минут

1-топ

«Керқұла атты Кендебай» ертегісін композициялық құрылысына талдау:

  1. Кендебайдың дүниеге келуі
  2. Керқұланың тағдыры
  3. Кендебай мен жетім бала
  4. Кендебайдың аралға баруы
  5. Кендебайдың биені күзетуі
  6. Ханның бұйрығы
  7. Кендебайдың бұйрықты орындауы
  8. Кендебай мен ханның бір-біріне қоятын шарттары
  9. Баланың ата-анасымен қауышуы
  10. Керқұла атты Кендебайдың еліне оралуы

Шығармашылық тапсырма

5 жолды өлең: «Батыр»

2-топ

Тапсырма

Венн диаграммасы: Кендебай және Ер Төстік

Тақырып және идея

Тақырыбы:
Керқұла атты Кендебайдың ерлік істері.
Идеясы:
Жақсылықтың жамандықты жеңуі.

3-топ

Кубизм әдісі бойынша сұрақтарға жауап береді:

  1. Сипаттама қай ертегіден?
    «Ол өзгеше болып өседі. Бір айда бір жастағы баладай, екі айда екі жастағы баладай, бір жылда жаңа өспірімдей алып бала болып өсіпті».
  2. «Керқұла атты Кендебай» ертегісінен үзінді. Кімнің сөзі?
    «Ардақтаған анаңды алса, төгілмей ме ырысың. Асқар таудай әкеңді алса, көрген күнің құрысын».
  3. Ертегіде Қазанғаптың баласының аты қандай?
  4. Кендебайдың орнында болсаң, қозы баққан балаға қандай жақсылық жасар едің?
  5. «Керқұла атты Кендебай» қандай ертегі түріне жатады?
  6. Кендебайдың аты қалай аталады? Жылқы туралы мақал айт.

Тұсаукесер

3 минут

Талқылау сұрақтары

  • «Өтірік» дегеніміз не?
  • Өтірік айтуға бола ма?

Сабаққа кіріспе

Бүгінгі сабағымыздың тақырыбы — «Қырық өтірік». Әңгімені топтарға бөліп беремін, тапсырма «әткеншек» әдісі арқылы орындалады.

Негізгі бөлім

10 минут

«Қырық өтірік» ертегісінің тууына себепші болған оқиғаны баяндап, мәтіннен тауып оқы.

Сөздікпен жұмыс

5 минут

Мәтін бойынша жаңа сөздер мен тіркестерді анықтау, мағынасын түсіндіру және сөйлемде қолдану.

Қорытынды

5 минут

Үй тапсырмасы

  • «Қырық өтірік» ертегісін оқып келу.
  • Ертегіні бірнеше бөлімге бөліп, әр бөлімге тақырып қою.

Бағалау

Оқушылардың жұмысы «Екі жұлдыз, бір ұсыныс» тәсілі арқылы қорытындыланады: екі күшті тұсы және бір жақсартуға арналған ұсыныс беріледі.