Байбосын Тамабаевтың өмірден кеткеніне 100 жылМақсаты: Қазақ халқының 1916 жылғы ұлт - азаттық көтерілісіне қатысқан Байбосын Тамабаев туралы мәлімет беру

Байбосын Тамабаевтың өмірден кеткеніне 100 жыл
Мақсаты:
 Қазақ халқының 1916 жылғы ұлт - азаттық көтерілісіне қатысқан Байбосын Тамабаев туралы мәлімет беру.
 Оқушылардың сабаққа деген белсенділігін, қызығушылығын арттырып, ойлау, сөйлеу, ізденімпаздық қасиеттерін арттыру.
 Қазақ халқының тарихын оқып білуге үйрете отырып, ұлтжандылық пен патриоттық тәрбие беру.
Сабақтың түрі: жаңа сабақ
Сабақтың әдісі: әңгімелеу, сұрақ - жауап

Сабақтың барысы
І. Ұйымдастыру. Сәлемдесу, Гимн орындау, түгендеу.
Шаттық шеңбері
Болайықшы осындай. ( А. Меңжанованікі)
Жақсы бала еңбекшіл,
Ер азамат болады.
Қиындықты жеңіп кіл,
Құшағы гүл толады.
Еңбекшіл осындай,
Болайықшы, досы - ай!
Таза бала мұнтаздай,
Сүйсінеді қараған,
Ұқыпты деп бұл қандай,
Жақсы көрер бар адам.

ІІ. Негізгі бөлім. Әңгімелеу.
Байбосын Тамабаев 1856 жылы бұрынғы Жетісу облысы, Верный уезі, Үлкен Алматы болысының, І ауылында (Қаратөбе) туылған. Жетісудағы ұлт - азаттық көтерілісті ұйымдастырушылар - дың бірі.
Тегі Ұлы жүздің Дулат – Ботбай – Жаңғойлық атасынан шыққан.
1898 - 1900 және 1901 - 1903 жылғы сайлауларда өзі тұрған Үлкен Алматы болысының Қаратөбедегі №1 ауылына би болып сайланады. Ал 1904 - 1906 жылдары осы болыстың болыс басқарушысы болады.
Үлкен Алматы болысының бұрынғы болыс басқарушысы Байбосын Тамабаев Ресей патшасы І Николайдың 1916 жылғы 25 маусымда жарияланған 19 бен 43 жас арасындағы бұратана халықты тыл жұмысына алу туралы Жарлығына қарсы үндеп, топ құрады. Топ құрамында Жүсіп Бабаев, Қораласбай Шобалов, Әлсейіт Байғабатов, Жүмәділ Ақымжанов, Еспай Кереев, Омар Нартбаев т. б. болды.
Байбосын Тамабаев Верный қаласының округтік дала сотының Жетісу облыстық әскери штабының капитаны Ильинский, 1916 жылы 30 тамызда №1739 істі жүргізуші прапорщик Гавриловтың қолы қойылған өкімімен өлім жазасына келісіп, 1916 жылы 9 қыркүйекте Бекболат Әшекейұлымен бірге Боралдай жотасында дарға асылды.

ІІІ. Қорытынды: Дәйексөз
 Бүгінгі сабағымызда не туралы білдік?
 Мектебіміз кімнің атымен аталған?
 Байбосын Тамабаев кім болған?

Алматы облысы, Қарасай ауданы, Қаратөбе ауылы,
"Б. Тамабаев атындағы орта мектебі"
коммуналдық мемлекеттік мекемесі
бастауыш сынып мұғалімі
Жалгасова Лаура Сайлаубаевна