Қазақша рефераттар

Деңгейлік тапсырмалар қолдану арқылы білімдерін тексеру

Пән туралы мәлімет

Пән

Биология

Сынып

8

Сабақ тақырыбы

Жүректің құрылысы. Қан тамырлары. №11 зертханалық жұмыс

Сабақтың мақсаттары

I. Білімділік

Оқушылардың білім-білік дағдыларын қалыптастыра отырып, жүрек пен қан тамырларының құрылысы және қызметі туралы түсінік беру. Артерия, вена, капилляр ұғымдарымен таныстыру.

II. Дамытушылық

Оқушылардың өз бетімен жұмыс істеу іскерлігін дамыту, ой қорыту және бірлесіп талқылау дағдыларын жетілдіру.

III. Тәрбиелік

Жеке бас тазалығын сақтауға, денсаулықты қадірлеуге және салауатты өмір салтын ұстануға тәрбиелеу.

Сабақ ресурстары мен форматы

Көрнекіліктер

  • Суреттер
  • Сызбалар
  • Схемалар

Сабақ сипаттамасы

Сабақтың түрі
Жаңа сабақ
Сабақтың әдістері
Түсіндіру, мазмұндау, сұрақ-жауап және т.б.

Сабақ барысы

I. Ұйымдастыру кезеңі

  • Амандасу, оқушыларды түгелдеу.
  • Оқушылардың назарын сабаққа шоғырландыру.
  • Сабақтың мақсатымен таныстыру.

II. Үй тапсырмасын тексеру

1) Деңгейлік тапсырмалар арқылы білімді тексеру

  • «Қауіп дәрежесі» тесті
  • «Аңыз ба, әлде шындық па?» тапсырмасы
  • Венн диаграммасы: «Табиғи — Жасанды»
  • Иммундық жүйені тірек-сызба арқылы ашу

2) Білімді пысықтау

Қайталау тесті және кестелік тапсырмалар арқылы өткен тақырыптарды бекіту.

Жаңа сабақ

I. Қызығушылықты ояту

Оқушыларға жұмбақтар ұсынылады. Жауаптары арқылы сабақтың негізгі тақырыбы ашылады.

Жұмбақ 1

«Жанды мотор сынбайды, күні-түні тынбайды. Кейде оның жүрісін дәрігерлер тыңдайды».

Жауабы: Жүрек

Жұмбақ 2

«Тарам-тарам бір ғалам, айқыш-ұйқыш шырғалаң. Толған ағыс тоқтаса, жоғалады бар адам».

Жауабы: Қан тамырлары

Бүгінгі сабақта жүректің құрылысы және қан тамырларының түрлері мен қызметі туралы танысамыз.

II. Ой шақыру

  • «Жүрек» туралы ойыңызға не келеді? Білетіндеріңізді дәптерге жазыңыз (жеке жұмыс).
  • Мәтінмен жұмыс: жұптасып негізгі ойларды толықтырып, қағазға түсіріңіз.
  • «Кез келген организмнің қалыпты тіршілік әрекеті неге байланысты?» деген сұраққа жауап беріңіз.

Негізгі ұғымдар

Жүрек

Жүрек конус тәрізді. Орташа салмағы 250–300 г.

Қан тамырлары

Қан ағымын қамтамасыз ететін тамырлар жүйесі.

Түрлері

Артериялар, веналар, капиллярлар.

Бекіту

№11 зертханалық жұмысты орындау арқылы тақырып бойынша білімді бекіту.

Нәтиже күтілімі

Оқушылар жүректің құрылысы мен қызметін, сондай-ақ артерия, вена және капиллярдың айырмашылықтарын ажырата алады.

Бағалау

Оқушылардың жұмысы белсенділігіне, тапсырмаларды орындау сапасына және зертханалық жұмыс нәтижесіне қарай бағаланады.

Үй тапсырмасы

  • Жүректің құрылысы мен қан тамырларының түрлерін қайталау.
  • Артерия, вена, капилляр туралы қысқаша салыстырмалы кесте құрастыру.