Қазақша рефераттар

Мәтіндегі Қаныш Сәтбаев кім

Сымбат ЖМ

Бастауыш сынып мұғалімі: Бақтыбаева Гүлшат Санақбайқызы

Пәні: Әдебиеттік оқу • Сыныбы: 2

Тақырыбы: «Қажымұқан» (Н. Есенов)

Сабақтың мақсаты

  • Мәтіннің мазмұнын ашу, автордың ойы мен идеясын түсіндіру.
  • Оқушылардың сөздік қорын дамыту, тіл байлығын молайту.
  • Күштілікке, ептілікке, ұйымшылдыққа тәрбиелеу.

Сабақ туралы қысқаша

Сабақтың түрі
Дәстүрлі сабақ
Типі
Жаңа білім енгізу
Әдісі
Сұрақ-жауап, топтық жұмыс
Көрнекілігі
Слайдтар, мәнжазбалар, бағалау парағы

Сабақтың барысы

I. Ұйымдастыру кезеңі

Психологиялық тренинг (өлең жолдары):

Көк аспанда күн күлсін,

Бірге күлсін бүлдіршін.

Көк аспанда күн күлсін,

Жерге ұдайы нұр құйсын!

II. Топтарға бөлу

Оқушылар 1, 2, 3 сандарын таңдау арқылы топтарға бөлінеді. Топ ережелері еске түсіріледі.

Топ мүшелері бір-бірімен амандасады (өлең жолдары):

Қайырымды жандар айнала,

Шеңберге келсін жайлана.

Жалықпастан қайта біз

Махаббат сөзін айтамыз.

Сүйеміз барлық баланы,

Бақыттымыз осы біз —

Қасымызда досымыз.

III. Үй тапсырмасын тексеру

Тұрсын Жұртбаевтың «Мысойған» мәтіні бойынша жоспар арқылы мазмұндау:

I топ

Геолог пен қарттың кездесуі

II топ

Мысойған туралы аңыз

III топ

Қаныштың аңыздың шын екеніне көз жеткізуі

Қорытынды: қысқа көрініс көрсету және мадақтау.

IV. Үй тапсырмасын бекіту (сұрақтар)

  • Мәтіндегі ғалымның мамандығы туралы не білесің?
  • Жезқазған, Мысойған сияқты атақты жерлер туралы қандай мәлімет айта аласың?
  • Қаныш Сәтбаев кім?

V. Сергіту сәті

Қысқа қимыл-қозғалыс жаттығулары орындалады.

VI. Өткенді байланыстыру және жаңа тақырыпқа кіріспе

Сұрақ: Қаныш Сәтбаев сияқты ұлы зерттеушіден басқа қандай ұлы тұлғаларды білесіңдер?

Қажымұқан Мұңайтпасов туралы қысқаша таныстырылым жасалады: өмірбаяны айтылып, мәнжазба тыңдалады.

Жаңа сабақ: «Қажымұқан» (Нұрлан Есенов)

Оқулықпен жұмыс: мәтін аудиотаспадан тыңдатылады.

VII. Топтық тапсырмалар

Тапсырмалар топтарға бөлінеді, орындаған соң шапалақтау арқылы мадақталады.

1-топ

«Көктөбедегі тас»

2-топ

«Амандық атаның әңгімесі»

3-топ

«Тас туралы әңгіме»

VIII. Сөздік жұмыс

Сөздердің мағынасы талқыланып, дәптерге жазылады:

Сөз

Жасыл құрақ

Сөз

Тәнті етті

Сөз

Алақанының табы қалған

IX. Ой толғаныс

Топтық жұмыс: мәтіннен мақалды тауып, мағынасын түсіндіру.

Мақал: «Күш атасын танымас»

Мағынасы: күш-қуат асып-тасқанда адам шектен шығып кетпеуі керек; күш те, ерлік те ақылмен, тәрбиемен ұштасуы тиіс.

X. Жаңа тақырыпты бекіту

Топтық талқылауға арналған сұрақтар:

  1. 1 Мәтін тақырыбын басқаша қалай атар едің?
  2. 2 Оқиға қай заманда болған?
  3. 3 Әңгімеде таңданыс сезімін тудырған тұс қай жер?

XI. Үй тапсырмасы

  • Мәтіннің мазмұнын әңгімелеу.
  • Қажымұқан туралы деректер жинау.

XII. Бағалау

Өзін-өзі бағалау парағы арқылы бағалау жүргізіледі.

Қорытынды: нәтижелер талданып, слайд жүктеледі.