Кім биші
2013
«Жігіт сұлтаны» — ұлттық салт-дәстүрді дәріптеп, оқушылардың өнерін, білімін және шеберлігін танытатын тәрбиелік сайыс.
Мақсаты
- Ұлттық салт-дәстүр негізінде білім көкжиегін кеңейту.
- Адамгершілікке, ұлтжандылыққа, имандылыққа тәрбиелеу.
- Ұлттық дүниетанымды қалыптастыру.
- Татулыққа, ынтымаққа, бірлікке шақыру.
Көрнекілігі
Негізгі ой
Сайыс барысында қатысушылар тек өнерін ғана емес, ұлттық ойындар мен салт-дәстүрге қатысты білімі мен шеберлігін де көрсетеді.
Барысы
Жүргізушілер сөзі
Қайырлы күн, құрметті ұстаздар, ата-аналар, оқушылар! Бүгін сіздер «Жігітке жеті өнер де аз» атты «Жігіт сұлтаны» сайысына қош келдіңіздер.
Бүгінгі сайыста жігіттеріміз өз өнерін көрсетіп қана қоймай, салт-дәстүрімізді, ұлттық ойындарымызды, шеберлігін, сонымен бірге білімділігін де танытады.
Олай болса, қатысушыларымызға сәт-сапар тілей отырып, «Жігітке жеті өнер де аз» атты «Жігіт сұлтаны» сайысын ашық деп жариялауға рұқсат етіңіздер!
Уа, халайық, халайық, мұнда назар салайық. Ата жолын жалғамақ, ел дәстүрін қолдамақ, ел намысын қорғамақ — жігіттер шықсын ортаға, бүгін сұлтан атанбақ!
Қайсысы күйші? Кім биші? Талабына қарайық. Кім зерек, кім жылдам — таланттарын табайық.
Құрметті көрермен қауым, енді сайысқа түсетін жігіттерді қол соғып, қошеметпен шақырайық!
Қатысушыларды таныстыру
Сахнаға шақыру
Абзал (7 «А»)
Білімді, алғыр, жан-жақты. Ақылы мен айбыны қатар, сөзге де, іске де мығым. Ортамызға 7 «А» сыныбынан Абзалды шақырайық!
Әділбек (7 «Б»)
Спорт пен білімді қатар ұстаған, таланты мен табандылығы үйлескен палуан, күрескер. Алдарыңызда 7 «Б» сыныбынан Әділбек!
Нұржан (8 «А»)
Өнерлі, талапты, ұлтжанды. Шындық үшін шырылдап, әділдікті ту еткен. 8 «А» сыныбынан Нұржанды ортамызға шақырайық!
Еркебұлан (8 «Б»)
Жақсы мен жаманды айыра білетін, өнерімен талайды тәнті еткен жігіт. 8 «Б» сыныбынан Еркебұланды ортаға шақырайық!