Қазақша рефераттар

Шаттық шеңбері Шаңырақ құру

Тренинг жоспары Психологиялық ахуал Командалық жұмыс

Бұл тренингтің негізгі мақсаты — ұстаздар арасындағы психологиялық ахуалды нығайту, түрлі жағдаяттардан шыға білу дағдыларын дамыту және өзін үнемі көтеріңкі көңіл-күйде ұстауға баулу. Сонымен қатар, топпен жұмыс істеу мәдениетін жүйелі түрде әрі қарай жетілдіру көзделеді.

Қатысушылар
Мұғалімдер
Жұмыс түрі
Топтық жұмыс
Тақырып
«Мен ғажайыппын»

Тренинг ережелері

  • 1

    Өз ойын ашық айту.

  • 2

    Өзгенің пікірін құрметтеу.

  • 3

    Белсенді әрекет ету.

  • 4

    Уақытпен санасу.

I. Шаттық шеңбері: «Шаңырақ құру»

Сәлеметсіздер ме, қымбатты ұстаздар! Көпшілігіміз шығармашылық табысқа жетіп, биіктен көрінуді қалаймыз. Бүгін сіздерге аздап демалып, бір сәт жан дүниемізге үңіліп, «ғажайып» ұғымын педагогикалық тұрғыдан пайымдауды ұсынамын.

Ең алдымен, қол ұстасып, шаттық шеңберіне тұрайық. Неліктен оны «жылулық шеңбері» дейміз? Өйткені шеңбер — жылу беретін күн сияқты тұтас әрі үйлесімді. Осы қалыпта біз бір-бірімізге жақсылық тілеп, жылулық сыйлауға үйренеміз.

Топтық мәтін

Дөңгеленіп тұрайық,

Керегені құрайық,

Уықтар боп иіліп,

Шаңыраққа киіліп,

Киіз үйді құрайық.

II. «Мінезімнің бір қыры» (жеміс-жидек/көкөніс таңдау)

«Ғажайып» — бойға жинақталған жақсы қасиеттердің ең жоғары деңгейін білдіретін ұғым. Енді осы қасиетті өз бойымыздан іздеп көрейік: ғажайып болмаса да, әрқайсымызда таң қалдыратын бір қырымыз бар.

Әр адамның мінезі — жан дүниесінің айнасы. Ал өз мінезіңді тану — өзіңді басқарудың бастауы. Төмендегі нұсқалардың бірін таңдаңыз.

Таңдау

  1. 1. Банан
  2. 2. Алмұрт
  3. 3. Анар
  4. 4. Апельсин
  5. 5. Мандарин
  6. 6. Алма
  7. 7. Жүзім
  8. 8. Қызанақ
  9. 9. Киви
  10. 10. Құрма
  11. 11. Қара өрік
  12. 12. Шабдалы
  13. 13. Қияр

Түсіндірме

  • Банан — ауыр мінезді
  • Алмұрт — қатты адам
  • Анар — төзімді
  • Апельсин — ұрысқақ
  • Мандарин — сабырсыз
  • Алма — ашық мінезді
  • Жүзім — аңқау
  • Қызанақ — ұялшақ
  • Киви — қыдырымпаз
  • Құрма — көп сөйлейтін
  • Қара өрік — кекшіл
  • Шабдалы — ақылы аздау
  • Қияр — көп ойланбайтын

Ескерту: Бұл тапсырма — өзін-өзі тануға арналған жеңіл форматтағы ойын. Нәтижелерді әзіл-қалжыңмен, бір-біріңізді қолдау мақсатында қабылдаңыз.

III. «Ізшіл-зерттеуші» жаттығуы

Сіздер жаңа мектепке келгендеріңізге 3 ай болды деп елестетіңіз. Енді сұрақтар арқылы байқағыштық деңгейін тексереміз. Әр сұраққа мүмкіндігінше жылдам жауап беріңіз (слайд көрсетуге болады).

Жылдам сұрақтар

  • Кіреберіс жерде қанша баспалдақ бар?
  • Екінші қабатта қанша есік бар?
  • Біздің мектепте қанша сынып бар?
  • АӘД пәні мұғалімінің аты-жөні қандай?
  • Мектеп директорының сүйікті гүлі қандай?
  • Кітапханашының аты-жөні қандай?
  • Мектепте қанша психолог жұмыс істейді?
  • Биология пәні мұғаліміне қандай иіссу ұнайды?
  • Бастауыш бірлестік жетекшісінің қанша мадақтама қағазы бар?

IV. Сезімге психологиялық бақылау: «Суретті сөйлету»

Қатысушыларды үш топқа бөліңіз: Кіші буын, Орта буын, Жоғары буын. Әр топқа үлестірмелі парақтар таратылады. Тапсырма: суретке қарап, оның мағынасын ашып, «суретті сөйлету».

1-тапсырма

Ақ қағаздағы төртбұрыштың ішінде орналасқан қара нүкте.

2-тапсырма

Жарқын күн астында әр ұлттың балалары қол ұстасып тұрған көрініс.

3-тапсырма

Түнгі аспан, жымыңдаған жұлдыздар және жарығы сөнбеген бір үй.

Әр топ өз интерпретациясын қысқа әрі нақты жеткізеді: қандай эмоция көрінеді, қандай ой туады, бұл мұғалімнің ішкі күйімен қалай байланысады?

V. «Тосын сый»: жағдаяттан шығу

Бұл бөлімде қатысушыларға күтпеген жағдаят ұсынылады. Мақсат — қысым кезінде сабыр сақтап, бірлесіп шешім қабылдау, ресурсты дұрыс бөлу және бір-біріне тірек болу.

Талқылау үшін сұрақтар

  • Алғашқы реакцияңыз қандай болды?
  • Жағдаятты шешуде қай әрекет тиімді болды?
  • Командада кім қандай рөл атқарды?
  • Осы тәжірибені жұмыста қалай қолдануға болады?

VI. Қорытынды

«Ғажайып» деген түсінік кейде бір істің аяқталғанын, нәтижеге жеткенін білдіреді. Бірақ біздің жолымыз бітпейді: біз әрдайым қозғалыстамыз. Кез келген мақсатқа жеткен сайын алдымыздан жаңа мүмкіндіктер мен жаңа жаңалықтар ашылады.

Сіз ғажайыпсыз!

Біз әрқайсымыз — ғажайып, қайталанбас тұлғамыз. Осы тренинг барысында сіздер өз бірегей қырларыңызды көрсетіп, бір-біріңізге қолдау білдірдіңіздер. Тренинг соңында қатысушыларға «Сіз ғажайыпсыз!» медальдары ұсынылады.

Қорытынды сөз

Асыл жандар — ұстаздар,

Шын шеберлер — өнерпаздар.

Әр шәкірттің жүрегінде

Сол бір туды жығып алмай ұстаңдар.

Бүгінгі тренинг-сабағымыз осымен аяқталды. Қатысқандарыңызға көп рақмет!

Автор туралы

Өңір

Қарағанды облысы, Жаңаарқа ауданы

Мекеме

Жаңаарқа жалпы білім беретін орта мектеп

Психолог

Елеусизова Жазира Алибековна