Жоғалған дыбыс және әріп ойыны
Сауат ашу сабағы: «Ю» дыбысы мен әрпі
Бұл жоспар 1-сыныптағы сауат ашу сабағына арналған. Негізгі мақсат — оқушыларды «Ю» дыбысы мен әрпімен таныстырып, оның жасалу ерекшелігін түсіндіру және оқу-жазу дағдыларын дамыту.
Білімділік
«Ю» дыбысын дұрыс айтқызу, әріп таңбасымен таныстыру, «Ю» — шет тілдерінен енген дауысты дыбыс екенін түсіндіру.
Дамытушылық
Оқушылардың ой-өрісін, сөйлеу тілін және сөздік қорын дамыту.
Тәрбиелік
Ұқыптылыққа, тапқырлыққа және ұлттық тәрбиеге баулу.
Сабақтың көрнекілігі
- Суреттер
- Әріптер жиынтығы
Оқыту әдістері мен түрі
Әдістері: көрсету, түсіндіру, сұрақ-жауап.
Сабақ түрі: жаңа сабақ.
Сабақтың барысы
I. Ұйымдастыру кезеңі
Психологиялық ахуал
Қуанамын мен де,
Қуанайық күнге,
Шуақ шашқан елге,
Бәріміз де бірге.
- Оқушыларды түгендеу.
- Партаға дұрыс отыруды қадағалау.
- Сабаққа зейін аударту.
II. Үй тапсырмасын тексеру
Өткен сабақ бойынша білімді бекіту және оқушылардың түсіну деңгейін анықтау.
- «Я» дыбысы қандай дыбыс?
- «Сұр қоян» өлеңін жатқа айту.
- Оқулықпен жұмыс: кісі аттарын айтқызу.
Мақсат қою: бүгінгі сабақтың тақырыбын хабарлау.
III. Жаңа сабақ
Жұмбақ
Қыс бойы жатады, тәтті ұйқыға батады. (Аю)
Сергіту сәті
Орман — аюдың,
Құлпынайы көп екен.
Теріп-теріп алайық,
Қалтамызға салайық.
Сұрақ: Бізге таныс емес қандай дыбысты естіп тұрсыңдар?
Жауап: «Ю» (бірнеше рет қайталап айтқызу).
Түсінік
«Ю» — дауысты дыбыс, шет тілдерінен енген. Ол екі дыбыстың қосылуынан жасалады: й + у.
Мысалдар
- айу — аю
- ойу — ою
Әріппен таныстыру
«Ю» әрпінің баспа және жазба түрін көрсету, дұрыс жазылу бағытын түсіндіру.
Оқулықпен жұмыс
- Суретке қарап әңгімелеу.
- Бағандағы сөздерді оқыту және мағынасын ашу.
Сөздер (1)
Сөздер (2)
«Ою» мәтінін оқыту, мазмұнын түсіндіру. «Жақсы көрем» өлеңін жаттау.
Дәптермен жұмыс
- Әріп элементтерімен таныстыру.
- Әуеде жазып көрсету.
- Тақтаға жазу.
- Дәптерге «Ю» әрпін жаздыру.
IV. Қорытындылау және бағалау
Қорытынды сұрақ: Біз бүгін қандай дыбыс және әріппен таныстық?
Жауап: «Ю» — дауысты дыбыс, шеттен енген, й және у дыбыстарының қосындысынан жасалған.
Ойын: «Жоғалған дыбыс және әріп»
Берілген сөздердегі түсіп қалған бөлікті толықтырыңдар:
Үй тапсырмасы
«Ю» дыбысы мен әрпін қайталау. Сөздерді оқып, «Ю» әрпі бар сөздерге мысал келтіру.