Қазақша рефераттар

Ток күшін өлшеуге арналған құрал

Сабақ тақырыбы

Физика – біздің болашағымыз!

Сабақ түрі

Сайыс сабақ.

Технологиялар

АКТ (ақпараттық-коммуникациялық технологиялар).

Негізгі идея

Білімді сайыс форматы арқылы бекіту, ынтымақтастық пен жылдам ойлауды дамыту.

Мақсат пен міндеттер

  • Әрбір оқушының физика пәніне қызығушылығын арттыру.
  • Шығармашылық қабілетін дамыту.
  • Өз бетінше және топпен жұмыс істеуге үйрету.
  • Шапшаңдыққа, ұқыптылыққа, зеректікке тәрбиелеу.

Ұйымдастыру бөлімі

  1. 1 Сәлемдесу.
  2. 2 Оқушыларды түгендеу.
  3. 3 Оқушыларды екі топқа бөлу.
  4. 4 Әділқазы алқасын сайлау.

Сайыс кезеңдері

I. Таныстыру

Әр топтан топбасшысы шығып, эмблеманы таныстырады. Эмблемаға сүйене отырып, топ атауы нақтыланады.

II. «Білім минуты» (сұрақ-жауап)

Қысқа әрі нақты жауап беруді талап ететін жылдам сұрақтар.

III. «Формулалар елінде»

Физикалық формулаларды дұрыс жазу және қолдану.

IV. «Кім жылдам?!» (жұмбақтар)

Физикалық ұғымдарды жұмбақ арқылы табу.

V. «Білім құмарлар» (есеп шығару)

Есептер арқылы заңдылықтарды дәлелдеу және есептеу дағдыларын жетілдіру.

VI. «Білгенге маржан» (сөзжұмбақ)

Терминдер мен ұғымдарды бекітуге арналған тапсырма.

VII. «Адасқан әріптер»

Әріптерді дұрыс орналастырып, сөздер мен ұғымдарды құрастыру.

VIII. Қорытынды және марапаттау

Жеңімпазды анықтау, марапаттау, мектеп әкімшілігінің құттықтау сөзі.

Сабақ барысынан

Кіріспе шумақ

Ойла-ойла тереңнен,

Жақсы емес көп бөгелген.

Заңдылықты білмесең,

Өте алмайсың көпірден.

II. «Білім минуты»: I топ сұрақтары

  1. Алғаш рет электр тогы ұғымын енгізген кім? Жауап: Ампер.
  2. Тізбектегі кедергіні өлшеуге арналған құрал? Жауап: реостат.
  3. ρ әрпімен белгіленетін шама? Жауап: меншікті кедергі.
  4. Бірінші өткізгіштің соңы екінші өткізгіштің басымен жалғанса, бұл қандай жалғау? Жауап: тізбектей жалғау.
  5. Кернеуді өлшеуге арналған құрылғы? Жауап: вольтметр.

II. «Білім минуты»: II топ сұрақтары

  1. Ток күшінің кернеу мен кедергіге тәуелділік заңын кім ашты? Жауап: Г. Ом.
  2. Ток күшін өлшеуге арналған құрал? Жауап: амперметр.
  3. Кернеу барлық бөлікте бірдей, ток күші тармақтар бойынша қосылады, жалпы кедергі әр өткізгіш кедергісінен кем болса — бұл қандай жалғау? Жауап: параллель жалғау.
  4. Тәжірибе жүзінде токтың жылулық әсерін зерттеген ғалымдар? Жауап: Джоуль мен Ленц.
  5. Тарихта алғаш рет ток көзін ойлап тапқан кім? Жауап: Вольт.

Сайыс рухын көтеретін шумақ

Сынның да сыны бар, сыналатын,

Әр түрлі білім сырын ұға алатын.

Жылдамдық керек мұнда әрі өткірлік,

Әр секундпен сыналып, алға басатын.

IV. «Кім жылдам?!» — физикалық жұмбақтар

Жердің жүзін шарлайсың,
Онсыз еш жерге бармайсың.
Көлікпен де, жаяу да,
Саралайсың, таңдайсың.

Жауабы: Жол

Қозғалысқа келтіріп,
Жылдамдығын береді.
Өлшемдерін қарасаң,
Ньютонға ол келеді.

Жауабы: Күш

Көп болса, асықпайсың,
Мезеттен қашықтайсың.
Асықсаң, аз болады,
Табасың мұны қайсың?

Жауабы: Уақыт

Барлық денелерге тән,
Онсыз болмайды сән.
Әр затта болады әр түрлі,
Өлшеуге болады дәл.

Жауабы: Масса

V. «Білім құмарлар» — есептер

I топ

  1. Тізбекке 2 минут қосылған ток күші 12 мА гальванометр катушкасы арқылы қанша электр заряды өтеді?
  2. 1,2 кВ кернеудегі желіге қосылған теледидар секцияларының біріндегі ток күші 50 мА. Осы секцияның кедергісін есепте.

II топ

  1. Кедергісі 20 Ом өткізгіштегі ток күші 0,4 А. Өткізгіш ұштарындағы кернеуді тап.
  2. Ток күші 5 А электр плиткасы 30 минутта 1080 кДж энергия шығындайды. Плитканың кедергісін тап.

VI. «Білгенге маржан» — сөзжұмбақ

Адам бол — білімі асқан, өнері асқан,

Өзіңе сүйсіндірер барлық жанды.

Сүйкімді, ақылды бол, иман жүзді,

Ғылымды үйрене біл — небір түрлі.

VII. «Адасқан әріптер»

2030 — біздің бағдарымыз,

Болашаққа бастайды әр ісіміз.

Егемен елімізді көркейтетін,

Білім шыңына шығу — парызымыз.

Қорытынды және марапаттау

Нәтиже

Кеш соңында жеңіске жеткен топ анықталып, марапатталады.

Кері байланыс

Оқушылардың белсенділігі мен командалық жұмысы талқыланады.

Құттықтау

Мектеп әкімшілігіне қорытынды сөз беріледі.