Қазақша рефераттар

Дауыссыздар тобы

Сабақ туралы мәлімет

Мұғалім
Бурибасова Гүлжамал Аманжановна

Ақтөбе қаласы, №40 орта мектеп, физика пәнінің мұғалімі

Сабақтың тақырыбы
«Білімділер керуені»

Мақсаты

Оқушылардың теориялық білімін шыңдау және физикаға қызығушылығын арттыру.

Түрі

Сайыс сабақ

Сабақтың барысы

Жоспар

  1. Физика тілінде сөйлесек
  2. Физика біздің айналамызда
  3. Физикалық тәжірибелер
  4. Жұмбақ сырын ашайық
  5. Топтың атын қорғау
  6. Эксперименттік есептеулер

Кіріспе сөз (жүргізуші)

Мектебімізде өтіп жатқан физика-математика апталығы аясында физика пәнінен «Білімділер керуені» атты танымдық ойын ұйымдастырылады. Білімнің маңызын Қазақстанның Тұңғыш Президенті Н. Ә. Назарбаев: «Біз өмір бойына жететін білім алу моделіне көшуге тиіспіз. Болашаққа біліммен қадам басып, лайықты қолтаңбамызды қалдырайық» деп атап өткен.

Нақыл сөз: Білімді азамат — ел ертеңі.

Мақал: Білекті бірді, білімді мыңды жығар.

Ә. Науаи: Білім мен даналық — адам көркі.

Ж. Дантон: Халыққа наннан кейінгі ең қажеттісі — білім.

Білім туралы ұлы тұлғалардың ойлары мен халық даналығы тегін айтылмайды. Бүгінгі сайысқа екі топ қатысады және бағалау әділ болуы үшін әділқазылар алқасы бекітіледі.

Қатысушы топтар

І топ

«Дауыстылар»

Құрамы: 7 «а», «ә» және 8 «а», «ә» сынып оқушылары.

ІІ топ

«Дауыссыздар»

Құрамы: 7 «б», «в» және 8 «б», «в» сынып оқушылары.

Сайыс кезеңдері

1) «Физика тілінде сөйлесек»

Терминдердің шығу тегі

І топ — «Дауыстылар»

  • Физика — грекше physis, «табиғат».
  • Калория — латынша calor, «жылу, қызу».
  • Вакуум — латынша vacuum, «бостық».
  • Электрон — грекше electron, «янтарь».
  • Диффузия — латынша «жайылу, таралу».

ІІ топ — «Дауыссыздар»

  • Деформация — латынша «бүліну, бұзылу, иілу, бұралу».
  • Инерция — латынша «қозғалыссыздық, әрекетсіздік».
  • Капиллярлар — латынша capillaris, «шаш».
  • Манометр — грекше manos («сирек, тығыз емес») және metreo («өлшеймін»).
  • Кинетикалық — грекше kinetikos, «қозғалыс».

2) «Физика біздің айналамызда»

Сұрақ-жауап

І топ — «Дауыстылар»

  1. Мұз суда неліктен жүзеді?
  2. Ет, балық, көкөніс пен консервілерді тұздау қандай құбылысқа негізделген?
  3. Су отты неге сөндіреді?
  4. Жол белгілері неліктен сарғыш-көгілдір түсті болып көрінеді?
  5. Қандай етік суықтан жақсы сақтайды: тар ма, әлде кең ме?
  6. Қандай сәулелердің әсерінен адам денесі қарайып, күнге күйеді?

ІІ топ — «Дауыссыздар»

  1. Бір кесе сорпа тез суи ма, әлде бір кесе су тез суи ма?
  2. Автотрактор фарасының жарық шашыратқышы қандай металмен қапталады?
  3. Үрленген қайық неге суға батпайды?
  4. Неліктен кейбір мұнай резервуарларының төменгі бөлігін қалың етіп жасайды?
  5. Қандай жағдайда отын багіне су құюға болады?
  6. Неліктен құрылыста қуысты материалдар пайдаланылады?

3) «Физикалық тәжірибелер»

Практика

І топ — «Дауыстылар»

1-тәжірибе: «Төгілмейтін су»

Қажетті құралдар: стакан, су, қағаз.

3-тәжірибе: «Мұзды судан алу»

Қажетті құралдар: су, стакан, мұз, жіп, тұз.

ІІ топ — «Дауыссыздар»

2-тәжірибе: «Қолыңды суламай тиынды ал»

Қажетті құралдар: су, тиын, тәрелке, қағаз, шырпы.

4-тәжірибе: «Бу зырылдағы»

Қажетті құралдар: жұмыртқа, су, спирт шам, тұрғы, алюминий сақина.

4) «Жұмбақ сырын ашайық»

Логика

І топ — «Дауыстылар»

Әр топқа 5 жұмбақ жасырылады.

ІІ топ — «Дауыссыздар»

Әр топқа 5 жұмбақ жасырылады.

5) «Топтың атын қорғау»

Таныстыру

І топ — «Дауыстылар»

Ұран

Тартысайық сайыста күш-жігермен,
Айырылысайық қимас бір дос көңілмен.

Төсбелгідегі сынып әрпіне сәйкес бір физикалық ұғымға толық мағлұмат беріледі.

Мысал: «А» — алюминий

Қатты зат; пішінін және көлемін сақтайды; электр тогын жақсы өткізеді; магнитке тартылмайды; жақсы деформацияланады.

Мысал: «Ә» — әтір

Сұйық, иісті; диффузия құбылысы арқылы тез таралады; құйылған ыдыстың пішінін қабылдайды.

ІІ топ — «Дауыссыздар»

Топтың «Дауыссыздар» деп аталу себебі — төсбелгідегі «Б» және «В» әріптері дауыссыз дыбыстардан тұрады. Әріпке сәйкес бір физикалық сөз таңдалып, толық сипаттама беріледі.

Мысал: «Б» — болат

Материалдың қасиеттері мен қолданылу саласын қысқаша әрі нақты түсіндіру.

Мысал: «В» — велосипед

Қозғалыс, үйкеліс, инерция, беріліс сияқты ұғымдармен байланыстырып баяндау.

6) «Эксперименттік есептеулер»

Есеп шығару

І топ — «Дауыстылар»

«Құмға қанша қысым түсіресің?» — екі жағдайда қысымды есептеу.

Қажетті құралдар: құм салынған ыдыс, бір кірпіш, сызғыш.

ІІ топ — «Дауыссыздар»

«Судың және майдың ыдыс қабырғасына түсіретін қысымы» — сұйық деңгейлері бірдей болған жағдайда есептеу.

Қажетті құралдар: су және май құйылған ыдыстар, сызғыш.

Қорытынды

Жүргізушінің қорытынды сөзі

Білім деген — биік шың,
Бақытқа сені жеткізер.
Білім деген — ақылшың,
Қиындықтан өткізер.

Осылайша бүгінгі білім сайысын қорытындылаймыз.

Нәтиже және алғыс

Сайыс нәтижесін әділқазылар алқасы хабарлайды.

Көңіл бөліп тыңдағандарыңызға көп-көп рақмет!