Қазақша рефераттар

Аюдың тапсырмасы. Машаның тапсырмасы

Сабақтың мақсаттары

Білімділік

  • 3 санын қосу және азайту кестесін құрып, жатқа айтуға машықтандыру.
  • Көрнекілік бойынша өрнек құру, азайту амалымен тексеруге жаттықтыру.
  • Кестені өз бетінше толықтыру, есептің құрылымын қайталау және шешімін табу.
  • Геометриялық фигураларды дұрыс атау.

Тәрбиелік

  • Өз бетінше еңбек етуге дағдыландыру.
  • Шешім қабылдауға және жауапкершілікке тәрбиелеу.

Дамытушылық

  • Көру, есте сақтау, байқағыштық, тапқырлық қабілеттерін дамыту.
  • Логикалық ойлау дағдыларын жетілдіру.

Сабақтың құрылымы

I. Ұйымдастыру кезеңі

Сабаққа назар аударту, оқу құралдарын дайындау және жұмыс ырғағын қалыптастыру.

II. Психологиялық дайындық

Мақсатымыз — білім алу.

Міндетіміз — еңбектену.

Еңбектену арқылы “5”-ке қол жеткізу.

Пазл құрастыру

Пазл арқылы бүгінгі қонақтарды анықтаймыз: Маша мен Аю келеді. Олар сендердің білімдеріңді бақылауға арналған тапсырмалар мен шағын сыйлықтар алып келген.

Дайынбыз ба?

III. Өткенді қайталау

2 және 3 сандарының қосу кестесін жатқа айту.

IV. Жаңа сабақ және бекіту тапсырмалары

1) Домино арқылы қайталау

3-тің қосу және азайту кестесін домино арқылы еске түсіреміз.

2) Кестені толтыру (компьютерде)

Берілген санға 3-ті қосу кестесін толықтыру (слайд 17).

3) Аюдың тапсырмасы: “3 саны туралы қызықты деректер”

Үш жұрт

Ағайын жұрт, нағашы жұрт, қайын жұрт.

Үш байлық

Бірінші байлық — денсаулық, екінші байлық — ақ жаулық, үшінші байлық — он саулық.

Үш арсыз

Күлкі арсыз, тамақ арсыз, ұйқы арсыз.

Үш қуат

Ақыл қуат, жүрек қуат, тіл қуат.

Слайдтар: 18–22.

4) Машаның тапсырмасы: ой қозғау

Амал таңбаларын дұрыс қой:

5 * 4 * 3 * 2 * 1 = 3

5) Логикалық сұрақтар

  • Екі сиырдың мүйізі нешеу?
  • Бес қойдың басы нешеу?
  • Үш адамның қолы нешеу?
  • Бес баланың аяғы нешеу?
  • Бір мысықтың аяғы нешеу?

6) Ойын: “Кім шапшаң?”

Өлең есепті тыңдап, жауап бер:

Үш алманы бақтағы кірпі алып жинады.

Ең әдемі біреуін ақ тиінге сыйлады.

Ыдыстағы алманың санап көрші қалғанын?

Жауабы: 2 алма

Слайд: 30.

7) Сергіту сәті

Ормандағы аюдың құлпынайы көп екен.

Теріп-теріп алайық, ауызымызға салайық!

Слайд: 31.

8) Оқулықпен жұмыс (3-тапсырма)

  • Кесінділердің бірінен ұзын және екіншісінен қысқа кесіндінің түсі қандай?
  • Одан 3 см ұзын және 3 см қысқа кесінді сыз.
  • Сызған екі кесіндінің ұзындығын салыстыр.

Слайд: 32.

9) Аюдың тапсырмасы: сурет бойынша есеп құрастыру

Берілген суретке қарап, шартын құрып, шешімін тап.

Слайд: 34.

10) Машаның тапсырмасы: геометриялық фигураларды ата

Суреттегі фигураларды дұрыс атап шық.

Слайд: 35.

11) 4-тапсырма: қосындыларды салыстыру

8 + 2
3 + 7
5 + 3
1 + 9
3 + 3
  • Қосындыларды салыстыр.
  • Мәні бір таңбалы сан болатын қосындыларды бірінші бағанға жаз.
  • Мәні екі таңбалы сан болатын қосындыларды екінші бағанға жаз.

Слайд: 36.

12) Дәптермен жұмыс

Тапсырмаларды дәптерге орындап, нәтижені тексеру және түзету.

V. Сабақты қорытындылау

Өтілген материалды жинақтау, негізгі ережелерді қайталау және кері байланыс алу.

VI. Білімді тексеру: тест

Қысқа тест арқылы 3-тің қосу және азайту кестесін меңгеру деңгейін анықтау.

VII. Үй тапсырмасы

5-тапсырма, 101-бет.

VIII. Бағалау және мадақтау

Оқушылардың жұмысы бағаланып, белсенді қатысқан балалар мадақталады.

Қонақтар ретінде келген Маша мен Аю балаларға сыйлық ретінде бояғыш суреттер ұсынады.

Сабақты әрлендіретін әдістер

Ойын және қызығушылық

Пазл, домино, “Кім шапшаң?” ойыны арқылы балалардың белсенділігі артады және есептеуге деген ынтасы күшейеді.

Көрнекілік пен тексеру

Слайдтар, фигуралар, кесте толтыру және азайту арқылы тексеру тәсілі жаңа білімді нақты әрі түсінікті бекітуге көмектеседі.