Қазақша рефераттар

Сабаққа әзірлік. Ұйымдастыру кезеңі

Пән: Ана тілі (4-сынып)

Сабақтың тақырыбы

«Жетім» — Мұхтар Әуезов

Сабақтың түрі

Аралас сабақ

Әдіс-тәсілдер

Түсіндіру, әңгімелеу, жұптастыру, ой толғау, сұрақ-жауап, талдау, іздену

Көрнекіліктер

Мұхтар Әуезовтің суреті, мақал-мәтелдер, плакаттар, кестелер

Сабақтың мақсаттары

1) Білімдік

Мұхтар Әуезовтің өмірімен таныстыру, «Жетім» әңгімесін оқыту және мазмұнына түсінік беру.

2) Дамытушылық

Бұрын оқылған шығармаларды еске түсіру арқылы оқушылардың ой-өрісін және сөздік қорын кеңейту.

3) Тәрбиелік

Дұрыс, түсініп оқуға үйрету; адамгершілікке, мейірімділікке тәрбиелеу.

Сабақтың барысы

I. Ұйымдастыру кезеңі

Сабаққа әзірлік. Сабағымыз басталды — балаларға пайдалы.

Бәрін ұғып алыңдар, әр сөзге зер салыңдар.

II. Үй тапсырмасын сұрау

  • Мысалдан адамдардың бойындағы қандай мінез-құлықтар байқалады?
  • Арыстанның сөзінен оның қандай мінез-құлқын байқауға болады?
  • Оқиға ары қарай қалай өрбиді деп ойлайсың?

III. Үй тапсырмасын пысықтау

Мысалдағы арыстан мен тышқанның әрекетінен адамның қандай қасиеттерін аңғаруға болады?

IV. Мақсат қою және жаңа сабаққа даярлық

Сабақтың тақырыбы мен мақсаттары хабарланады.

Сұрақ

Мұхтар Әуезов туралы не білеміз?

Мұхтар Әуезов туралы қысқаша мәлімет

  • Мұхтар Әуезов (1897–1961) — Семей облысы, қазіргі Абай ауданында туған.
  • Шебер жазушы, драматург, әдебиет зерттеушісі және қоғам қайраткері.
  • Әлемге танылған «Абай жолы» роман-эпопеясының авторы.
  • 2–3-сыныптарда «Әбілмансұр», «Бала Абай», «Әке арманы», «Боран», «Кешкі дөң басында» шығармаларымен таныстық.

V. Жаңа сабақ

Мұхтар Әуезов: «Бұл дәуірде өз тілін, әдебиетін білмеген, қадірлемеген адам толық мәнді адам емес» — деген.

Мұхтар Әуезов қазақ әдебиеті тарихына орасан еңбек сіңірді. Ол Абайтану ғылымының негізін салып, ұлт руханиятына өлшеусіз үлес қосты. Оның «Абай жолы» роман-эпопеясы — халқымыздың рухани қазынасындағы ұлы мұра.

Балаларға арналған шығармаларының қатарында «Көксерек», «Жетім», «Қорғансыздың күні» және т.б. бар.

1) Оқулықпен жұмыс

Оқу түрлері

  • Іштей оқу
  • Тізбектей оқу

Талқылау сұрақтары

  • Әңгіме қалай басталады?
  • Жападан-жалғыз келе жатқан бала кім?
  • Әңгімеде Қасым жетімдіктің қорлығын қалай көрді? Сол тұсты тауып оқы.
  • Қасым әжесінен айырылғанда айтқан жоқтауын мазмұнына сай ырғақпен оқы.

2) Сөздік жұмысы

Қиянат
Әділетсіздік, зорлық, өктемдік.
Қаға беріс
Шеттеу, бұрылыс, тасалау жер.

3) Дәптермен жұмыс

Сызбаларды толтыру.

VI. Түсінгендерін тексеру

Талдау сұрақтары

  • Әңгімеде қараңғы түндегі қорқыныш елесі қалай берілген?
  • Сенің көз алдыңа нелер елестеді?
  • Егер сен Қасымның орнында болсаң, не істер едің?
  • Қасымға жетімдіктен құтылудың қандай амалын айтар едің?

Жазба тапсырма

Табиғат пен баланың көңіл күйін суреттеуде қандай байланыс бар екенін мәтіннен тауып, кесте түрінде дәптеріңе толықтырып жаз.

Табиғат көрінісі Баланың көңіл күйі Дәлел (мәтіннен үзінді)
... ... ...
... ... ...

Қорытынды ескерту

«Жетім» әңгімесі арқылы оқушылар кейіпкер тағдырын түсініп, мейірім мен адамгершілік құндылықтарын талқылайды.