Қазақша рефераттар

Жазықтықтағы тік бұрышты координаталар жүйесі

Сабақтың тақырыбы

Жазықтықтағы тік бұрышты координаталар жүйесі. Координаталары бойынша нүктені салу.

Сабақтың мақсаты

Білімділік

  • Жазықтықтағы тік бұрышты координаталар жүйесіне анықтама беру.
  • Координаталары бойынша нүктені салуды үйрету.
  • Есеп шығару дағдысын қалыптастыру және білімді бекіту.

Дамытушылық

  • Ой-өрісті кеңейту, математикалық тілді дамыту.
  • Логикалық ойлау қабілетін жетілдіру.
  • Практикалық дағдыларды қалыптастыру.

Тәрбиелік

  • Көпшілдік пен өзара көмекті дамыту.
  • Өз біліміне ғана емес, өзгенің оқуына жауапкершілікпен қарауға дағдыландыру.
  • Өзін-өзі басқаруға үйрету.

Әдіс-тәсілдер және ұйымдастыру

Қолданылатын әдістер

  • Репродуктивті әдіс: үлгі бойынша бекіту.
  • Проблемалық жағдай: өз бетімен ізденуге, ойлануға бағыттау.
  • Ішінара іздену/зерттеу: анализ, синтез, салыстыру, рефлексия.

Ұйымдастыру формалары

  • Жекеше жұмыс
  • Жұптық жұмыс

Мұғалімнің басқарушылық іс-әрекеті

Оқушылардың бірін-бірі тексеруін ұйымдастыру, бақылау және бағыттау.

Тақырыпты меңгеру кезеңдері

I кезең: Үй тапсырмасын тексеру

5–10 минут

Тексеру

№1135, №1137 есептері.

Қайталау

Жаңа тақырыпты меңгеруге қажетті базалық ұғымдарды еске түсіру.

II кезең: Жаңа тақырыпты өздігінен меңгеру

5–10 минут

Оқушыларға жаңа тақырыпты өздігінен меңгеруге мүмкіндік беріледі; кейін мұғалім мен үздік оқушылардың көмегімен тапсырмалар талқыланып, қорытынды жасалады. Соңында қорытынды қарапайым мысалдар арқылы бекітіледі.

Негізгі сұрақтар

  1. 1Тік бұрышты координаталар жүйесі кімнің құрметіне декарттық координаталар жүйесі деп аталған?
  2. 2Координаталар жүйесі қалай құрылады?
  3. 3Координаталық жазықтық дегеніміз не?
  4. 4Координаталық жазықтықта неше ширек бар?
  5. 5Координаталар басы деп қай нүктені айтамыз?
  6. 6A(5; −1) нүктесі қай ширекте орналасқан?
  7. 7Латынның “coordinatus” сөзі қазақша қандай мағына береді?

III кезең: Кері байланыс және деңгейлік тапсырмалар

12 минут

I деңгей

5 ұпай

Танымдық мақсат: анықтамалар мен ережелерді білу, үлгі бойынша есеп шығару.

  • Сурет бойынша нүктелердің координаталарын жазыңдар.
  • Координаталық жазықтықта нүктелерді белгілеңдер.

II деңгей

5 + 4 ұпай

Мақсат: түсіну, қолдану және талдау; бастапқы білімді түрлендіріп пайдалану.

  • Нүктелерді белгілеп, кесінділердің қиылысу нүктесін табыңдар.
  • Нүктелерді белгілеп, пайда болған үшбұрыштың ауданын есептеңдер.

III деңгей

9 + 3 ұпай

Мақсат: білімді тереңдету, қорытынды жасау және тақырып мазмұнын бағалай алу.

  • Нүктелерді белгілеп, пайда болған фигураның ауданын есептеңдер.

Бағалау

Оқушылар өткен тақырып бойынша қабілетіне және еңбегіне сай бағаланады. Бағалау ауызша мадақтау арқылы жүргізіледі.

Деңгейге көшу

Тапсырманы толық орындаған оқушы 5 ұпай жинап, келесі деңгейге өтеді.

Өзіндік есеп

Әр оқушы өз ұпайын өзі санайды; нәтижесі бойынша білім сапасы бағаланады.

Сапа көрсеткіштері

  • II деңгей: әрекеттілік пен тереңдік (қосымша 4 ұпай).
  • III деңгей: берік білім (қосымша 3 ұпай).

Үй тапсырмасы

№1141, №1142.

Қорытынды ой

Қазақстан 2050 жылға қарай әлемнің ең дамыған отыз елінің қатарына қосылуы тиіс. Мен 2050 жылғы қазақстандықтар — үш тілде сөйлейтін, білімді әрі еркін азаматтардың қоғамы екеніне толық сенемін.

2050 жылғы қазақстандықтардың сипаты

  • Әлем азаматы ретінде ашық ойлы, кең өрісті.
  • Саяхаттауға және жаңа тәжірибе жинауға құштар.
  • Жаңа білім меңгеруге ынталы.
  • Еңбексүйгіш және жауапкершілігі жоғары.
  • Өз елінің патриоты.