Құндылықтарға баулу
Қысқа мерзімді жоспар
Сабақ тақырыбы: Кестелік мәліметтердің графикалық көрінісі
Оқу мақсаты (оқу бағдарламасына сілтеме)
7.2.2.3 Электронды кестеде диаграммалар құру.
Алдыңғы білім
Электрондық кестеде шартты форматтауды қолдану.
Пәнаралық байланыс
- География
- Математика
- Қазақ әдебиеті
- Қазақстан тарихы
Сабақ мақсаты
Барлық оқушылар
- Кесте мәліметтері негізінде құрылатын диаграмма түрлерін атайды.
Оқушылардың басым бөлігі
- Электронды кестеде диаграмма құрады.
Кейбір оқушылар
- Диаграмма түрлерін ажыратады.
- Кесте мәліметтеріне сай диаграмманың әр түрін тұрғызады.
- Диаграммаларды жеке параққа орналастырады.
Құндылықтарға баулу
Тәжірибелік жұмыс барысында шығармашылық және сын тұрғысынан ойлау, сондай-ақ жауапкершілік құндылықтарын дамытуға басымдық беріледі.
Сабақтың басы
Қызығушылықты ояту (Мюнстерберг әдісі)
Оқушылардың қызығушылығы мен зейінін шоғырландыру үшін мәтін ішінен сабақ тақырыбын табу ұсынылады.
Ангрпрстухцчшлкестелікнгшчхуңғмәліметтердіңдепронгіңграфикалықғжэчскөрінісіүұңғэъ
Жауап:
Кестелік мәліметтердің графикалық көрінісі
Топқа бөлу (Пазл әдісі)
Оқушылар 3 топқа бөлінеді. Әр топ оқу материалы бойынша негізгі терминдерді кезектесіп атайды.
Оқу материалы
- Оқулықтағы 45–47 бет аралығындағы материалды оқу.
- Кестені толтыру.
- Insert (Кірістіру) қойындысының мүмкіндіктерін қарастыру.
Сабақтың ортасы
Қолдану бөлімі: 15–20 минут. Компьютерде практикалық жұмыстар орындалады.
Ауа райы деректері бойынша талдау
Оқушыларға 2 аптаға арналған ауа райы болжамының деректері берілген кесте ұсынылады. Кестедегі мәліметтерді қолданып, сұрақтарға жауап береді:
- Қай күні ең суық ауа райы күтіледі?
- Қай күні ең жылы ауа райы күтіледі?
- Алдағы күндері ауа райы қалай өзгереді (суытады, жылынады және т.б.)?
Интернет деректерімен диаграмма құру
Интернет желісін пайдаланып, Қазақстан аумағындағы қалалардың ауа райы болжамы бойынша диаграмма құру.
Функцияны Excel-де шығару және диаграмма құру
y = 3x² − 5 функциясын формула ретінде енгізіп, Excel бағдарламасында мәндерін есептеу және диаграмма құру.
Диаграмма түрлерін салыстыру
Қазақстан халқының ұлттық құрамы және саны бойынша 3 түрлі диаграмма құрып, әрқайсысын жеке параққа орналастыру.
Қорытынды
Бұл сабақта кестелік мәліметтерді графикалық түрде көрсетудің маңыздылығы қарастырылады: оқушылар деректерді талдап, диаграмма түрлерін дұрыс таңдау және оны электронды кестеде сауатты құрастыру дағдыларын дамытады.