Қазақша рефераттар

XXІ ғасыр жас технологі Құрметті ұстаздар мен оқушылар

Құрметті ұстаздар мен оқушылар!

«XXI ғасыр жас технологі» атты сайысты бастауға рұқсат етіңіздер. Бүгінгі сайысымызға оқушылар арасындағы алғырлар мен білімділер жиналып отыр. Ортаға болашақ жас технологтарды шақырамыз.

Енді әділ қазылар алқасын сайлап алайық (алқа үш адамнан тұрады). 8–9–10-сынып оқушылары арасында ұйымдастырылған сайыс сабағымызға алты қатысушы қатысады. Алдымен әр оқушы өзін қысқаша таныстырады.

Сайыс бөлімдері

  1. 1 Бәйге
  2. 2 Тіл өнері
  3. 3 Жеті жұмбақ
  4. 4 Жорға

Қатысушыларға сәттілік!

Күнделікті іс-әрекетіміз білімге, оқуға, үйренуге бағытталған. Бірақ осы қасиеттермен қатар адамға шапшаңдық та өте қажет.

«Бәйге» кезеңі: ереже және бағалау

Бұл кезеңнің басты талабы — жауаптың нақты әрі тез болуы. Қай оқушы бірінші болып алдындағы түймені басып, белгі берсе, сол жауап береді.

  • Егер жауап дұрыс болмаса, «келесі оқушы» деген белгі берілгеннен кейін түймені бірінші басқан қатысушы жауап береді.
  • Барлығы 16 сұрақ қойылады.
  • Бағалау: 10 ұпайлық жүйе.

Сұрақтар (16)

1. Жасайтын нәрселердің түпкі нұсқасын ойша бейнелеу

Эскиз

2. Кереге мен шаңырақты бір-бірімен ұштастырып тұратын киіз үй бөлігі

Уық

3. Мақта қай талшыққа жатады?

Табиғи

4. Саз балшықтан немесе алуан тастардан сомдау арқылы жасалған нәрсе

Мүсін

5. Өлшемнің неше есе үлкейтілгенін немесе кішірейтілгенін көрсететін мөлшер

Масштаб

6. Қазақстанда мақта өсетін аймақ

Оңтүстік Қазақстан

7. Өндірістік киімдерге қандай киімдер жатады?

Санитарлық, аспаздық, дәрігерлік

8. Құрақ қандай фигуралардан тұрады?

Геометриялық

9. «Ою-өрнек» латынша қандай мағына береді?

Біріктіру, жапсыру

10. Ресейде тігін машинасын шығаратын қандай зауыт бар?

Подольск механикалық зауыты

11. «Мода» сөзінің аудармасы

Сән

12. Ақ киізден тігілетін жаздық баскиім

Айырқалпақ

13. Этникалық стильге жататын киім

Ұлттық киім

14. Қалыңдық киетін баскиім

Сәукеле

15. Ылғалды-жылумен өңдейтін, күнделікті тұрмыста қолданылатын зат

Үтік

16. Қалдық матадан не істеуге болады?

Құрақ

Міне, көзді ашып-жұмғанша «Бәйге» кезеңі де аяқталды.