Қазақша рефераттар

Ардақты аналар

Сабақтың тақырыбы

«Көктем – ана, қыздар – гүл»

Сабақтың мақсаты

  • Жанұядағы ана мен бала арасындағы қарым-қатынасты нығайту.
  • Аналарға деген сүйіспеншілік сезімін арттыру.
  • Мейірімді болуға, ата-ананы құрметтеуге тәрбиелеу.
  • Оқушылардың өнерін ортаға салуға мүмкіндік беру.

Көрнекіліктер мен құрал-жабдықтар

Көрнекілігі

«Көктем – ана, қыздар – гүл» қабырға газеті, нақыл сөздер.

Қажет құрал-жабдықтар

  • Теледидар, DVD
  • Қайшы, түсті қағаз, қағаздар
  • Фломастер, түсті қарындаштар

Сабақтың барысы

Мұғалімнің кіріспе сөзі

Құрметті аналар, аяулы қыздар! Көктемгі күндей жарқырап, гүлдей құлпырған мерекелеріңіз құтты болсын. Бүгінгі «Көктем – ана, қыздар – гүл» атты тәрбие сағатымызға қош келдіңіздер!

Өлеңдер мен әндер

1-оқушы

Әлпештеген, аялаған,
Ақ сүт берген апатайым.
Сәлем жазып бүгін саған,
Мейрамыңмен құттықтаймын.

Хор: «Туған күніңмен».

Мұғалім

Тәрбие сағатымыз көңілді әрі қызықты өтуі үшін өлең, жыр, би арасында аналарға, әжелерге және қыздарға арналған шағын сайыстар өткіземіз. Жеңімпаздар мақтау қағазымен марапатталады.

2-оқушы

Кім сендерді, балалар, сүйетін,
Қуанышыңа қуанып, қайғыңа күйетін.
Түн ұйқысын төрт бөліп, кірпік қақпай,
Анаң байғұс дамылсыз жүретін.

3-оқушы

Кім сендерді, балалар, тербететін,
Еркелетіп, ойнатып, сергітетін.
Жалқау болсаң, жаман болсаң, балалар,
Қамқор анаң көз жасын көлдететін.

Сайыстар бағдарламасы

1-сайыс: «Ең балажан ана»

Тапсырма

Ортаға 5 ана шығады. Көздерін жұмып, өз баласын қолынан танып табады. Жеңімпазға мақтау қағазы беріліп, «Ең балажан ана» атағы табысталады.

Ән: «Анашым».

2-сайыс: «Суретші ана»

Шығармашылық

Ана көзін жұмып, өз баласының суретін салады.

Ән: «Бала тілегі».

3-сайыс: «Әнші ана»

Өнер

Аналар бесік жырын айтып, өзара сайысқа түседі.

4-сайыс: «Ең шебер әже»

Қолөнер

Әжелер түсті қағаздан ою ойып, шеберліктерін көрсетеді.

Би: қазақ биі (қыздар тобы).

5-сайыс: «Ең мейірімді әже»

Жылы сөз

Әжелер немересіне айтатын еркелету сөздерін кезекпен айтады (мысалы: балапаным, қошақаным, ботам, т.б.).

Ән: «Асыл әже».

Оқушылардың арнаулары

4-оқушы

Бойға қуат береді
«Әй, жарайсың!» дегені.
Мен анамнан әр кезде
Соны естігім келеді.

5-оқушы

Сабағымнан қалмаймын,
Бестік аламын бәрінен.
Озат оқып әрдайым,
Қуантамын анамды.

6-оқушы

Қамқорсың, ана, өмірде,
Қуатымсың көңілге.
Әлпештеп мені өсірдің,
Ұшармын ертең көгімде.

7-оқушы

Ана дейміз бәріміз аңқылдап,
Ана дейді жас сәби де жарқылдап.
Ана деген – бәйтерегі өмірдің,
Ана деген – алтын қазық, алтын бақ.

8-оқушы

Ана деген – асыл жандар болаттай,
Ана деген – мөлдір жандар бұлақтай.
О, адамдар, қадірлей біл ананы,
Жат қылыққа ақыл-ойды тонатпай.

9–11-оқушылар (әжелер туралы)

Менің әжем – бұл әжем,
Айтқан сөзі дәл әжем.
Аман болса көреді
Қызығымды әлі әжем.

Менің әжем – нар әжем,
Көп жасаған кәрі әжем.
Ауырғанда мен үшін,
Әр сүйгені – дәрі әжем.

Менің әжем – жыр әжем,
Шуағы мол, нұр әжем.
Ақ таяққа сүйеніп,
Аман-есен жүр, әжем!

12-оқушы

Әже, маған үлгісіз сіз,
Өнегесіз өзіңіз.
Жақсылыққа талпынып,
Біздің нағыз кезіміз.

Жақсы деген немене,
Жаман деген немене?
Осындайда, әжетай,
Айтыңызшы өнеге.

Құттықтау және сыйлықтар

13-оқушы

Бүгін — наурыздың сегізі,
Сұлулықтың негізі.
Әдемі сөз — адамның
Анаға айтар лебізі.

14-оқушы

Ардақты аналар! Шын жүректен, өз қолымызбен жасаған шағын сыйлығымызды қабыл алыңыздар. (Сыйлықтарын ұсынады.)

15-оқушы

Достықты біз ойлаймыз,
Бірге күліп ойнаймыз.
Қыздарды да құттықтап,
Мерекесін тойлаймыз. (Ұлдар қыздарға дайындаған сыйлықтарын ұсынады.)

Ән: «Қыздар-ай».

Сабақ соңында аналарға құттықтау сөз беріледі.