Тест арқылы сабақты бекіту
Мұсалимова Гүлнар Рақымқызы
Қазақ тілі мен әдебиет пәні мұғалімі
Астана қаласындағы халықаралық үздіксіз білім беру колледжі
Сабақтың тақырыбы
Қазақтың ұлттық киімдері тақырыбын бекіту сабағы
Сабақтың мақсаттары
- 1 Оқушыларды өз бетінше алған білімін бекітуге үйрету.
- 2 Ойлау қабілетін дамыту, салыстыра білу, негізгісін ажырата алу дағдыларын жетілдіру, сөздік қорын байыту.
- 3 Туған жерін қадірлеуге, салт-дәстүр мен мәдениетті қастерлеуге тәрбиелеу; эстетикалық талғамын қалыптастыру.
Пәнаралық байланыс
- Тарих
- Эстетика
Көрнекіліктер
- Суреттер, суретті кітаптар
- Ұлттық киімдер мен зергерлік бұйымдардың суреттері
- Плакаттар
- Асықтар
Сабақтың барысы
Ұйымдастыру
- • Амандасу.
- • Сабақтың мақсатымен таныстыру.
- • Сабақ тақырыбын анықтау: оқушыларға ұлттық киімдер мен зергерлік бұйымдардан шағын көрме көрсетіледі.
Мұғалімнің бағыттаушы сұрақтары
— Балалар, мына көрмеге назар аударыңдар. Көрмеде не бар?
— Осының бәрін бір сөзбен қалай айтамыз?
— Бүгінгі сабақ не туралы болады деп ойлайсыңдар?
Оқушылар өз болжамын айтып, сабақ тақырыбын өздері тұжырымдайды.
Қызығушылықты ояту
Оқушыларға таныс және таныс емес сөздер ұсынылады. Осы сөздер арқылы «Білемін — Білгім келеді — Білдім» кестесін толтыру арқылы мағынаны ажырату жүргізіледі.
Сөздік қор
Жұмыс түрлері
- Сөздерді қайталау, дұрыс дыбыстауға жаттықтыру.
- Сурет бойынша сипаттау, түсінік беру.
- Эстетикалық тұрғыдан тәрбие беру (сәукеле, шолпы, жаулық сияқты ұғымдарды талқылау).
Топтастыру стратегиясы
Оқушылар аталған заттарды екі топқа бөліп, олардың айырмашылығы мен қызметін түсіндіреді: ұлттық киімдер және әшекейлер.
Ұлттық киімдер
- үкілі бөрік
- сәукеле
- тақия
- қамзол
- мәсі
- көйлек
- шапан
Әшекейлер
- білезік
- сақина
- шолпы
- сырға
- жүзік
- алқа
Тапсырмалар
Әр топ өз бағыты бойынша жеке жұмыс орындайды. Нәтижелер тақта алдында қорғалады.
1-топ
Диалог құру
Киімдер мен әшекейлер туралы сұрақ-жауап, жағдаяттық әңгіме.
2-топ
Әңгіме құрастыру
«Ұлттық киім» тақырыбына байланысты қысқа мәтін құрау.
3-топ
Сөзжұмбақ жасау
Терминдерді бекітуге арналған сөзжұмбақ құрастыру.
Топпен ой бөлісу
Оқушылар ортақ талқылау арқылы түсініктерді нақтылайды және топтастыруды тереңдетеді.
Талқылау ұғымдары
Бұл ұғымдар арқылы киім үлгілерінің жас ерекшелігіне, мәртебеге және дәстүрге байланысын анықтау ұсынылады.
Қорытынды және рефлексия
Сабақ тест арқылы бекітіледі. Әр сұрақ оқушылардың ұлттық киім мен әшекей түрлерін ажыратуын тексереді.
Бекіту тесті
-
1) Бас киім:
A) шұлық
Ә) шапан
Б) бөрік
-
2) Аяқ киім:
A) етік
Ә) тақия
Б) қолғап
-
3) Құлаққа тағылатын зергерлік бұйым:
A) сақина
Ә) сырға
Б) білезік
-
4) Білегіне тағылатын зергерлік бұйым:
A) моншақ
Ә) білезік
Б) шолпы
-
5) Ұлттық киім:
A) қалыңдық
Ә) сәукеле
Б) алқа
Бағалау және үй тапсырмасы
Бағалау
Топтық жұмысқа қатысуы, тапсырмалардың орындалуы және тест нәтижелері бойынша бағаланады.
Үйге тапсырма
Ұлттық киімдер мен әшекейлер туралы өткен сөздерді қайталау; тақырып бойынша қысқа мәтін дайындау.