Қазақша рефераттар

Электронды оқулық. Тұқым және жеміс

Сабақтың тақырыбы: Тұқым және жеміс

Бұл сабақ жоспары 2-сыныптағы «Дүниетану» пәніне арналған. Оқушылар өсімдіктің өсуі, өнуі, жетілуі және жеміске айналу үдерісімен танысып, тұқым мен жемістің өсімдіктің көбею мүшелері екенін түсінеді.

Білімділік

Өсімдіктің өсуі мен өнуі, жетіліп жеміске айналуы туралы мағлұмат беру.

Дамытушылық

Дүниетанымды, қызығушылықты, ой-өрісті, есте сақтауды, шығармашылық қабілетті дамыту.

Тәрбиелік

Табиғатты аялауға, қорғауға және экологияны жақсартуға тәрбиелеу.

Әдіс-тәсілдер

  • Топтастыру, салыстыру
  • «5 жолды өлең» әдісі
  • Түсіндіру, сұрақ-жауап

Көрнекілік және құралдар

  • Тірек сызбалар, суреттер
  • Интербелсенді тақта
  • Электронды оқулық

Сабақтың түрі

Жаңа сабақ және қайталау.

Сабақтың барысы

I. Ұйымдастыру кезеңі (3 минут)

Психологиялық ахуал қалыптастыру үшін оқушылар төмендегі шағын өлеңді бірге айтады:

Табиғат — біздің анамыз,
Табиғатқа — баламыз.
Иіліп сәлем береміз,
Біз әдепті баламыз.

Біз әдемі, көрікті,
Біз ақылды, әдепті.
Біз зейінді, зерекпіз.

Өткен тақырыпты еске түсіру үшін әр топқа сұрақтар қойылады:

  1. 1 Өсімдік қандай мүшелерден тұрады?
  2. 2 Жапырақтың атқаратын қызметі қандай?

II. Жаңа сабақ

Топ 1: Алма

Суреттер бойынша топқа бірігу, спикер тағайындау.

Топ 2: Алмұрт

Суреттер бойынша топқа бірігу, спикер тағайындау.

Топ 3: Жүзім

Суреттер бойынша топқа бірігу, спикер тағайындау.

Жаңа тақырыпқа кіріспе ретінде жұмбақтар шешіледі (шамамен 5 минут):

Көктемде жерге енемін,
Ылғалда өсіп-өнемін.
Менің өскен жемісім,
Қыс бойғы сенің қорегің.

Жауабы: Тұқым

Аспай піскен,
Қайнамай түскен.

Жауабы: Жеміс

Бүгінгі сабағымыздың тақырыбы — «Тұқым және жеміс». Біз өсімдіктің көбею мүшелерімен танысамыз.

III. Топтық жұмыс (10–15 минут)

Мәтін топ мүшелеріне бөліктер бойынша үлестіріледі. Әр оқушы өз бөлігін оқып, топта талқылайды. Соңында спикер топтың түсінгенін қысқаша баяндап береді.

Талқылауға арналған сұрақтар

  1. 1 Жеміс неден жетіледі? (Гүл түйінінен.)
  2. 2 Жемістер нешеге бөлінеді? (Екіге: құрғақ және шырынды.)
  3. 3 Тұқымы жемістің ішінде болатын өсімдіктерді атаңдар. (Алма, қауын, қарбыз, қияр.)

IV. Электронды оқулықпен жұмыс

Оқушылар электронды оқулықтағы тапсырмаларды орындайды:

  • Шырынды жемістерді «құмыраға», ал құрғақ жемістерді «себетке» орналастыру.
  • Жел арқылы таралатын өсімдіктерді ажыратып, белгілеу.

V. Сабақты бекіту: «5 жолды өлең»

Әр топ өз атауына байланысты «5 жолды өлең» құрастырады. Жұмыс жеке орындалып, кейін топта біріктіріледі. Соңында спикерлер оқып береді.

Құрылымы

  1. 1.Зат есім
  2. 2.Екі сын есім
  3. 3.Үш етістік
  4. 4.Сөйлем
  5. 5.Бір ой (қорытынды)

Бағалау және кері байланыс

Топ жұмысы қошеметтеу арқылы қолдау көрсетіледі. Топ спикерлері өз мүшелерін ауызша бағалайды.

Сабақ соңында оқушылар сабақтың ұнаған-ұнамағанын смайликтер арқылы білдіреді.

VI. Үй тапсырмасы

  • Өзіңе ұнаған жемісті сипаттап, шағын зерттеу жасап келу.
  • «Тұқым және жеміс» мәтінін оқу және мазмұндау.