Қазақша рефераттар

Топтық оқыту

Сабақтың тақырыбы

Жай бөлшектер мен аралас сандарды көбейту (Математика, 5-сынып)

Сілтеме

Күнтізбелік жоспар

Ақпарат көздері

  • Интерактивті тақта
  • Оқулықпен жұмыс

Қолданылған модульдер

  • Топтық оқыту
  • Сыни тұрғыдан ойлауға үйрету

Жалпы мақсат

Бөлшекті бөлшекке көбейту, бөлшекті натурал санға көбейту және аралас сандарды көбейту туралы білімді тереңдету. Оқушылардың алған білімін есептер шығаруда қолдануына, математикалық тілде түсінігін жүйелі әрі нақты жеткізуіне жағдай жасау. Өз мүмкіндігіне сенетін тұлға ретінде қалыптасуына бағыт беру.

Оқыту нәтижесі

  • Бөлшекті бөлшекке көбейте алады.
  • Бөлшекті натурал санға көбейте алады.
  • Аралас сандарды көбейте алады.
  • Түсінігін математика тілінде жүйелі түрде жеткізе біледі.

Түйінді идеялар

Өзіндік жұмыс: әр оқушы өздігінен жұмыс жасауға үйренеді.

Ойды жүйелеу: өз ойын логикалық түрде қорытындылап, дәлелдеп айта алады.

Ынтымақтастық: топ ішінде талқылау арқылы бір-бірін тыңдау және қолдау дағдысы қалыптасады.

Сабақтың барысы

I. Ұйымдастыру кезеңі

  1. Сәлемдесу.
  2. Оқушыларды түгендеу.
  3. Оқушылардың зейінін сабаққа аудару.
  4. Оқушыларды 4 топқа бөліп, топ мүшелерін міндеттерімен таныстыру.

II. Үй тапсырмасын тексеру

Үй тапсырмасы бақылаушылар арқылы тексеріледі. Қажет болған жағдайда түсіндіру жұмыстары жүргізіледі. Оқушылар тапсырманы орындау барысында қандай ережелерді қолданғанын атап, қысқаша түсіндіреді.

III. Негізгі тақырыпты ашу (топтық жұмыс)

Әр топқа тапсырма беріледі. Топ мүшелері берілген мәселе бойынша талдау жасап, тақтада түсіндіреді және басқа топтардың сұрақтарына жауап береді.

I топ

Бөлшекті бөлшекке көбейту

II топ

Бөлшекті натурал санға көбейту

III топ

Аралас сандарды көбейту

IV топ

Аралас санды натурал санға көбейту

IV. Тақырыпты практикалық бекіту

Әр топқа оқулық бойынша тапсырмалар беріледі.

I топ

  • №741 (1, 5, 9)
  • №744 (1, 5)

II топ

  • №741 (2, 6, 10)
  • №744 (2, 6)

III топ

  • №741 (3, 7, 11)
  • №744 (3, 7)

IV топ

  • №741 (4, 8, 12)
  • №745 (4, 8)

V. Бекіту (сыни тұрғыдан ойлау арқылы)

Топтарға деңгейлік есептер ұсынылады. Мақсат — есептің шартын талдау, тиімді тәсілді таңдау және жауапты негіздеу.

A деңгей — №752

1 кг кәмпиттің бағасы 350 тг. 12⅕ кг кәмпит қанша теңге тұрады?

B деңгей — №760

9 кг болат білеуше бар еді. Одан әрқайсысының массасы 5⅘ кг болатын 14 бөлшек жасалды. Неше кг болат артық қалады?

C деңгей — №769

Вокзалдан саяжайға Әлібек 30 минутта, ал Бауыржан 45 минутта барады. Егер Әлібек вокзалдан, Бауыржан саяжайдан шығып, бір-біріне қарсы жүрсе, олар 3⅙ сағатта кездесе ме?

Шығармашылық деңгей — №772

Қауын, қарбыз және асқабақ сатып алынды. Қауынды есептемегенде қалғандарының массасы 11 кг. Қарбызды есептемегенде қалғандарының массасы 9 кг. Асқабақты есептемегенде қалғандарының массасы 12 кг. Әрқайсысының массасын табыңдар.

Топтық жұмыстың мақсаты

  • Бірлескен талқылау арқылы белсенділігі төмен оқушылардың қызығушылығын арттырып, ортаға тарту.
  • Оқушылардың шығармашылық және логикалық ойлау қабілеттерін дамыту.
  • Өзара тыңдау, дәлелдеу және ортақ шешімге келу дағдыларын қалыптастыру.

VI. Сабақты қорытындылау

Негізгі ережелер мен тәсілдер қайталанып, оқушылардың түсіну деңгейі қысқаша талқыланады.

VII. Оқушыларды бағалау

Бағалау критерийлері бойынша жүргізіледі: есепті дұрыс орындау, шешу жолын түсіндіру, топтағы белсенділік және дәлелді жауап.

VIII. Үй тапсырмасы

Тақырып: Жай бөлшектер мен аралас сандарды көбейту (5-сынып).

Жүктеу