Перпендикуляр түзулер және нүктеден түзуге дейінгі қашықтық тақырыбына есептер шығару

Жағымды көңіл күйге бөлеу

Ыңғайланып отырыңыздар, денелеріңізді түзу ұстаңыздар. Аяқ-қолдарыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.

Елестетіп көріңіз: күн нұры төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүл түйнегі нұрдан баяу ашыла бастайды. Балғын, таза, әсем гүл сіздің ойыңызды, сезіміңізді, эмоцияңыз бен тілегіңізді тазартып, жүрегіңіздің нәзік әлемін аша түседі.

Нұр сәулесінің бойыңызға ақырын тарай бастағанын сезініңіз: ол біртіндеп күшейе түседі. Оймен осы нұрды қолдарыңызға түсіріңіз. Қолдарыңыз нұрға бөленіп, сәуле шашуда. Қолымыз тек жақсы, ізгі істер жасайды және баршаға көмектеседі.

Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады, нұр мен махаббат құралына айналады.

Одан әрі нұр аузыңызға, тіліңізге тарайды. Тіліңіз тек шындықты және ізгі сөздерді айтады. Нұрды құлақтарыңызға бағыттаңыз: құлақтарыңыз тек жақсы сөз бен әсем әуенді естиді. Нұр көздеріңізге жетті: көзіңіз тек жақсыны көріп, әр нәрседен жақсылық табады.

Басыңыз түгелдей нұрға бөленіп, санаңызға тек ізгі, сәулелі ой келеді. Нұр бірте-бірте шұғылаланып, денеңізден шығып, жан-жағыңызға сәуле шашады.

Осы нұрды туыстарыңызға, балаларыңызға, мұғалімдеріңізге, достарыңызға, таныстарыңызға бағыттаңыз. Уақытша түсініспей, ренжісіп жүрген адамдарға да бағыттаңыз: олардың жүрегі де нұрға толсын. Нұр бүкіл әлемге — барлық адамдарға, жан-жануарларға, өсімдіктерге, барлық тіршілік иесіне таралсын.