Қазақша рефераттар

Токтың жұмысы мен қуатының физикалық мағынасын қайталау

Физика • 8-сынып Қайталау сабағы Слайдпен

Сабақ туралы қысқаша мәлімет

Орналасқан жері
Қызылорда қаласы, Тереңөзек ауданы, Шаған ауылы
Білім беру ұйымы
№37 мектеп
Пән мұғалімі
Мамрайемова Лайла Ануаровна
Тақырып
«Электр құбылыстары» тарауын қайталау

Негізгі идея

Бұл сабақта оқушылар электр тогы, ток күші, кедергі, кернеу және электр тізбектерін құрастырудың физикалық ерекшеліктерін жүйелейді. Сонымен қатар токтың жұмысы мен қуатының физикалық мағынасын түсініп, эксперимент нәтижелерін талдауға машықтанады.

Сабақтың мақсаттары

Білімдік мақсат

  • Электр тогы, ток күші, кедергі, кернеу ұғымдарын қайталау.
  • Электр тізбектерін құрастырудың физикалық ерекшеліктерін жүйелеу.
  • Токтың жұмысы мен қуатының физикалық мағынасын бекіту.

Дамытушылық мақсат

  • Зерттеушілік іс-әрекетке қызығушылық қалыптастыру.
  • Логикалық ойлауды дамыту және қорытындыны дәлелмен айтуға дағдыландыру.
  • Эксперимент нәтижесін талдауға бағыттау.

Тәрбиелік мақсат

  • Оқуға оң көзқарас пен оқу мәдениетін қалыптастыру.
  • Жауапкершілікке, тәртіпке және еңбекқорлыққа баулу.
  • Білімді практикада қолдануға және жеке, топтық, ұжымдық жұмысқа үйрету.

Алдыңғы білім (қажетті тірек ұғымдар)

Сабаққа дейін оқушылар төмендегі тақырыптарды меңгеруі қажет:

  • Ом заңы
    Тізбек бөлігі үшін Ом заңы және оның қолданылуы.
  • Кедергінің температураға тәуелділігі
    Өткізгіш кедергісінің температура өзгергенде өзгеруі.
  • Электролиттегі электр тогы
    Ток тасымалдаушылар және ерітіндідегі процестер.
  • Электролиз заңдары
    Электролиздің мәні, Фарадей заңы және формуласы.

Сабақ барысы

I. Ұйымдастыру кезеңі

  • Сыныпта жағымды психологиялық ахуал қалыптастыру.
  • Оқу мақсаттарымен таныстыру.
  • Қайталау сұрақтары арқылы алдыңғы білімді белсендіру.

Қайталау сұрақтары (жылдам тексеру)

Төмендегі сұрақтар негізгі ұғымдарды еске түсіруге және формулаларды нақтылауға арналған.

  1. 1) Электр тогын өткізбейтін денелер қалай аталады?
    Жауабы: диэлектрик (изолятор)
  2. 2) Электр зарядтарының өзара әрекеттесу заңы қалай аталады?
    Жауабы: Кулон заңы
  3. 3) Параллель жалғауда қандай физикалық шамалар өзгереді?
    Жауабы: ток күші, кедергі
  4. 4) Меншікті кедергінің өлшем бірлігі қандай?
    Жауабы: Ом·м
  5. 5) Электролиттегі электр тогын қандай бөлшектер тасымалдайды?
    Жауабы: оң және теріс иондар
  6. 6) Тізбектей жалғауда тұрақты болатын физикалық шама қайсы?
    Жауабы: ток күші
  7. 7) Температура артқанда өткізгіштің кедергісі қалай өзгереді?
    Жауабы: артады
  8. 8) Кернеуді өлшейтін құрал қалай аталады?
    Жауабы: вольтметр
  9. 9) Өткізгіштің көлденең қимасы артса, кедергі қалай өзгереді?
    Жауабы: кемиді
  10. 10) Тізбек бөлігіне арналған Ом заңында ток күшіне кері пропорционал болатын шама қайсы?
    Жауабы: кедергі
  11. 11) Электролиз кезінде электродта бөлінген зат массасының формуласы қандай?
    Жауабы: m = kIt