Ата - ана құндылығы туралы түсініктерін кеңейту
Сабақтың тақырыбы
Ата-анаң – алтын тұғырың
Құндылық
Сүйіспеншілік
Қасиеттер
Мейірімділік, қамқорлық
Сынып
11-сынып
Мақсаты мен міндеттері
Мақсаты
Ата-ана құндылығы туралы түсінікті кеңейту.
Міндеттері
- Ата-анаға деген сүйіспеншілік сезімін тереңдету, ата-ананы құрметтеуге үйрету.
- Ата-ананы қадірлеуге, ардақтауға, олардың үмітін ақтауға баулу.
- Махаббатқа, мейірімділікке, қамқорлыққа тәрбиелеу.
Сабақ барысы
Ұйымдастыру кезеңі
Сәлемдесу, оқушылардың сабаққа дайындығын тексеру.
Тыныштық сәті
«Нұрға бөлену» жаттығуы.
Үй тапсырмасын тексеру
Ғ. Мүсірепов шығармасы бойынша талқылау.
- Ақлима бала анасына деген махаббатын қалай жеткізеді?
- Өзгенің баласын өзінікіндей сүю кез келген ананың қолынан келе ме? Неліктен?
Дәйексөз
«Әке – асқар тау, Ана – ағып жатқан бұлақ, Бала – жағадағы құрақ».
Мұғалімнің ой-түйіні
Бала тәрбиесінде отбасының орны ерекше. Оны қоғамдық тәрбиенің бірде-бір саласы толық алмастыра алмайды. Отбасының міндеті баланы өмірге әкелумен ғана шектелмейді; ол баланың мәдени-әлеуметтік орта құндылықтарын қабылдауына, ұрпақтан-ұрпаққа жалғасқан өнеге мен тәжірибені бойына сіңіруіне жол ашады. Отбасы баланы қоршаған ортаға, адамзатқа және өз қоғамына пайдалы тұлға етіп тәрбиелеуге бағыттайды.
Үлкен ұрпақтың тәжірибесі, өмірлік беделі мен ақыл-кеңесі, сондай-ақ ата-ананың өз борышын мүлтіксіз орындауы және бір-бірін құрметтеуі — нағыз тәрбие мектебі. Бала дүниеге келген күннен бастап ата-ананың ықпалында болып, өмірге бағыт беретін құндылықтарды үйренеді.
Жүсіп Баласағұннан ой
«Қатты тәртіп көрсе бала күнінде, Өнерімен қуантады түбінде.
Бала нені білсе жастан, ұядан — Өле-өлгенше соны таныр қиядан.
Өнер-білім берем десең басынан, Бер оқуға балаларды жасынан.
Ата-анадан өсіп ұрпақ тараған, Жақсы-жаман болса, бала — солардан».
ХІ ғасыр
Осы ойға сүйене отырып, ата-ана баласының жеке ерекшелігін ерте танып, соған сай бағыт-бағдар беріп, тәрбиелеуге ерекше мән бергені маңызды.
Ата-ана — қоғам алдында жауапты тұлға. Сыйластық, түсіністік және жауапкершілік сезімі орныққан отбасы — бақытты отбасы. Бақытты отбасында ата-ана мен бала арасындағы байланыс мазмұнды болады, ал берілген тәрбие берік әрі нәтижелі қалыптасады.