Қазақша рефераттар

Толық квадрат теңдеу

Сабақтың тақырыбы

Квадрат теңдеудің түбірлерінің формулалары тақырыбы бойынша есептер шығару.

Сабақтың мақсаты

1) Білімділік

Оқушылардың тақырып бойынша алған білімдерін тереңдету, жинақтау және жүйелеу.

2) Дамытушылық

Логикалық ойлау қабілеті мен дағдыларын жетілдіру; белсенділікті арттыру; пәнге қызығушылық қалыптастыру; ұзақ мерзімді есте сақтауға дағдыландыру.

3) Тәрбиелілік

Оқуға саналы көзқарас, жауапкершілік және өз бетінше еңбек ету дағдыларын тәрбиелеу.

Сабақ туралы мәлімет

Сабақтың түрі
Қайталау – толықтыру.
Сабақтың типі
Жүйелеу сабағы.
Көрнекілігі
Кеспе қағаздар, формулалар, тест тапсырмалары.

Сабақтың барысы

I. Ұйымдастыру (топқа бөлу)

Білімге жетудің үш жолы бар:

  • Еліктеу жолы — ең жеңіл жол.
  • Ойлау жолы — ең игілікті жол.
  • Тәжірибе жолы — ең қиын әрі ұзақ жол.

— Конфуций

II. Үй тапсырмасын тексеру

Алдыңғы сабақта берілген тапсырмаларды талдау, негізгі қателерді анықтау және түзету.

III. Сабақтың жүру жоспары

  1. 1Ой қозғау.
  2. 2«Қайталау — оқу анасы» бөлімі.
  3. 3«Кім жылдам?» (топтық есептер).
  4. 4«Білімдіге биіктегі орын» (сандық мақал-мәтелдер).
  5. 5Өзіндік жұмыс.
  6. 6Ребус, сөзжұмбақ.
  7. 7Бағалау.
  8. 8Үйге тапсырма.

Квадрат теңдеулер: негізгі ұғымдар

Түрлері

  • Толық квадрат теңдеу.
  • Толымсыз квадрат теңдеу.
  • Келтірілген квадрат теңдеу.
  • Бөлшек-рационал теңдеу.
  • Биквадрат теңдеу.

Назар аударатын тұстар

  • Коэффициенттер: a, b, c.
  • Түбірлер санын анықтауда дискриминант (D) маңызды.
  • Формулалар мен түрлендірулерді есеп шығаруда жүйелі қолдану.

«Қайталау — оқу анасы»: сұрақтар

  1. 1 Қандай теңдеу квадрат теңдеу деп аталады?
  2. 2 Квадрат теңдеудің неше түрі бар?
  3. 3 Квадрат теңдеудегі a, b, c сандары қалай аталады?
  4. 4 Келтірілген квадрат теңдеу дегеніміз не?
  5. 5 Толымсыз квадрат теңдеу дегеніміз не?
  6. 6 Дискриминанттың мәніне қарай түбірлер саны қалай анықталады: D > 0, D = 0, D < 0.