Қазақша рефераттар

Жаңа сабақты талдау

Сабақ туралы қысқаша мәлімет

Пәні
Ана тілі (3-сынып)
Сабақтың тақырыбы
М. Ғабдуллин — «Батыр Бауыржан»
Сабақтың түрі
Аралас сабақ
Әдіс-тәсілдер
Түсіндіру Сұрақ–жауап Талдау–жинақтау Фонологиялық талдау Шығармашылық жұмыс Топтау Эссе жазу Интервью Ой қозғау

Сабақтың мақсаттары

Білімдік

Оқушыларды М. Ғабдуллиннің «Батыр Бауыржан» мәтінімен таныстырып, жерлес батыр Бауыржан Момышұлы туралы естеліктері мен ерлік істерін ұғындыру.

Дамытушылық

Оқушының дүниетанымын, ойлау және шығармашылық қабілетін дамыту; сөздік қорын молайту; есте сақтау дағдыларын қалыптастыру.

Тәрбиелік

Ерлікке, батырлыққа, ұлтжандылыққа, Отанды сүюге, адалдық пен адамгершілікке тәрбиелеу.

Ұйымдастыру кезеңі

Сабақ басында жылы көңіл күй қалыптастыру үшін «Шаттық шеңбері» ұйымдастырылады:

Білімге әркез талпынған, ұстазым менің, армысың.
Бірге оқып, бір жүрген сыныптастар, армысың.
Шаттық шеңбер құрайық, шаттанып кеп тұрайық.

Сабақтың эпиграфы

«Мен өз халқымды сүйемін, оның мені бала кезімнен сабыр мен парасатқа баулығанын мақтан тұтамын».

Н. Ә. Назарбаев

Үй тапсырмасын тексеру (4 орталық)

Оқушылар 4 орталыққа бөлінеді. Әр орталықтың өз міндеті бар.

1-топ: Оқу орталығы

  • Нүркен туралы өлеңді жатқа айту.

2-топ: Зерттеу орталығы

  • Ізденіс жұмысын қорғау: қазіргі жаңа типтегі ұшақтар.

3-топ: Жазу орталығы

  • Шығармашылық жұмыс: жергілікті батырлар туралы мәлімет.

4-топ: Өнер орталығы

  • Нүркен Әбдіров ескерткіші қандай материалдан жасалған?
  • Қай қалада орналасқан?

Үй тапсырмасын қорытындылау сұрақтары

  1. Нүркен кім болған?
  2. Ол туралы қандай қосымша мәліметтер білдің?
  3. Қандай ерлік жасады?
  4. Елі оны қалай бағалады?
  5. Нүркен сияқты адамдарды қалай атаймыз?

Сергіту сәті

Қимыл-қозғалысқа арналған қысқа жаттығулар орындалады.

Жаңа сабақ: мәтінді талдау және мағынаны тану

Кіріспе: мектеп мұражайына «саяхат»

Мұғалім: «Сәлеметсіңдер ме, жас достар! Бүгін сендерді мектеп мұражайымен таныстырамын».

Одан кейін Бауыржан Момышұлы мұражайына бағытталған мазмұндық әңгіме жүргізіледі.

«Мұражай» ұғымын ашу

Оқушыларға «мұражай» сөзінің мәнін түсіндіру үшін төмендегі сұрақтар ұсынылады:

  • Мұражай дегеніміз не?
  • Мұражайдың қандай түрлері бар?
  • Бұл мұражай кімге арналған?
  • Қай жылы ашылған?
  • Мұражай туралы не білесің?

Ермекгүл апайдың әңгімесі (тыңдалым)

Ермекгүл апай: «Сәлеметсіңдер ме, балалар. Бауыржан аталарыңның музейіне қош келдіңдер».

Оқушылар Бауыржан Момышұлы туралы қысқаша деректер мен естеліктерді тыңдап, негізгі ойды анықтайды.

Тақырып пен мақсатты айқындау

Бүгін біз М. Ғабдуллиннің «Батыр Бауыржан» мәтінімен танысамыз.

Ел басына күн туған шақта халықтың ар-намысын қорғаған, қазақ жауынгерлеріне ағасындай ақыл айта білген Бауыржан Момышұлы жайлы деректі әңгіме оқылады.

Мәтінді оқу барысында Отанға сүйіспеншілік, туған жерді қадірлеу, ұлттық ар-намысты қорғау секілді құндылықтарды меңгереміз.

Оқулықпен жұмыс

Автор туралы

Мәлік Ғабдуллин соғыс басталғанда институтта оқып жүрген. 1941 жылдың 11 шілдесінде майданға аттанып, генерал-майор И. В. Панфилов дивизиясы құрамында соғысқан. Бөлімшедегі тәрбие жұмысына жауапты болып, «Тәрбиешінің өзі тәрбиелі болуы керек» деген қағиданы ұстанған. Ол жауынгерлерге үнемі ақылшы әрі жанашыр бола білді.

Мәтінді оқу тәсілі

  • Мұғалім мәтінді бөлімдерге бөліп оқып береді.
  • Оқушылар тізбектей (кезекпен) оқиды.
  • «Түртіп алу» әдісі арқылы түсініксіз сөздер белгіленеді.

Сөздік жұмысы

Деректі әңгіме
Нақты болған оқиға туралы әңгіме.
Полк
Әскери бөлімше.
Бекініс
Жаудан қорғанатын орын.

Мәтін бөлімдері және тақырыптары

  1. 1941 жыл. Волоколамск стансасы.
  2. Қазақ командирлерінің жиыны.
  3. Қазақ баласы — ар мен намыс иесі.

Білімді тиянақтау: бөлімдер бойынша жұмыс

1-бөлім бойынша сұрақтар

  • Оқиға қай кезде болған?
  • Волоколамск қай жерде орналасқан?
  • 1941 жылы ол жерде қандай оқиға болды?

2-бөлім бойынша сұрақтар және тілдік талдау

  • Бауыржан жігіттерге не айтты?
  • Ақыл айтуының себебі неде?
  • «Намыс» дегеніміз не?

«Намыс» сөзіне фонологиялық талдау

  1. Жуан буынды сөз (дауысты дыбыстары жуан).
  2. Екі буынға бөлінеді: на-мыс (екі дауысты дыбыс бар).
  3. Бір жағдайда ғана тасымалданады (екі буынды).
  4. Екпін екінші буындағы «ы» дыбысына түседі.
  5. Буын үндестігі байқалмайды (түбір сөз).
  6. Дыбыс үндестігі де қолданылмайды (түбір сөз).

3-бөлім бойынша мақал-мәтелдер

  • Мәтіннен мақал-мәтелдерді тауып оқы.
  • Мағынасын түсіндір.

Негізгі мақал: «Ел намысы — ер намысы»

  1. Мақал-мәтел дегеніміз не?
  2. Мақалдың тақырыбы қандай?
  3. Бұл қай түріне жатады?
  4. Негізгі ойы не?
  5. Тәрбиелік мәні қандай?

Шығармашылық жұмыс

Тапсырма: батырлық пен ерлікті кезеңдер бойынша іріктеу

1-кезең

Жоңғар шапқыншылығы

2-кезең

Ұлы Отан соғысы

3-кезең

Желтоқсан оқиғасы

4-кезең

Қазіргі қарапайым адамдардың ерлігі

Эссе

«Батырларға мәңгілік ескерткіш» тақырыбында қысқа эссе жазу.

Қорытынды бөлім

Пікірталас сұрақтары

  • Қазіргі кезде халқымыздың жағдайы қандай?
  • Халқымыз қандай өмір кешуде?
  • Бұл бейбіт өмір ненің және кімнің арқасында?

Қорытынды ой: Біз тәуелсіз, еркін елде бейбіт өмір сүріп келеміз. Бұл — бірлік пен татулықтың, сондай-ақ елдің салмақты саясатының нәтижесі.

Үй тапсырмасы

  • Сурет бойынша «Батыр Бауыржан» тақырыбында әңгіме құрап жазу.
  • Мәтінді мәнерлеп оқып, мазмұнын айтуға дайындалу.

Бағалау

Оқушылардың сабаққа қатысу белсенділігі, мәтінді түсінуі, сұрақтарға жауап беруі және шығармашылық жұмыстары бағаланады.