Қазақша рефераттар

Көптік жалғауының қосымшаларын ата

Құрметті сайт қолданушылары, мен өз сабақтарымды осы платформада жариялап, сіздермен бөліскім келеді. Биыл 3 деңгейлік оқуға 3 ай қатысып, сертификат алдым. Сол оқу барысында жинаған тәжірибемді негізге алып өткізген сабақ жоспарларымды ұсынуды жөн көрдім.

Сабақ туралы қысқаша ақпарат

Сабақтың тақырыбы
Зат есімнің көптелуі
Фокус
Көптік жалғауының мағыналық (семантикалық) сипаты және сөздерге дұрыс жалғануы

Жалпы мақсаты

Түрлі мәтіндерден көптік жалғауының семантикалық сипатын анықтай отырып, әртүрлі сөздерге көптік жалғауларын жалғап үйрену.

Оқу нәтижелері

  • Көптік жалғауларының семантикалық сипатын анықтайды.
  • Арнайы тапсырмалар арқылы сөздерге жалғауларды дұрыс жалғайды.

Міндеттері

  • Алған білімді өмірде қолдану.
  • Өздігінен шешім қабылдап, жұмыс істеуге дағдылану.
  • Тапсырманы ұқыпты орындау, өз бетінше іздену.

Оқыту модульдері

Сабақта төмендегі бағыттар кіріктіріле қолданылады:

Білім беруде АКТ-ны пайдалану Басқару және көшбасшылық Оқыту үшін бағалау және оқуды бағалау Сыни тұрғыдан ойлауға үйрету Талантты және дарынды балаларды оқыту

Әдіс-тәсілдер мен стратегиялар

Қозғалыс және сергіту

  • Сергіту сәті
  • «Алыптар мен ергежейлілер» ойыны

Талдау және ынтымақтастық

  • «Миға шабуыл» стратегиясы
  • «Ойлан, бірік, бөліс» стратегиясы
  • Семантикалық карта
  • «Кубизм» әдісі

Қайталау және бағалау

  • «Ала доп» әдісі
  • Рефлексия: өзін-өзі бағалау
  • «Торкөзді талқылау» тәсілі

Қосымша жұмыс форматы

Тапсырмалар оқушылардың өздігінен жұмыс істеуіне, дәлелдеуіне және нақты қорытынды жасауына бағытталады.

Сабақ бойынша мұғалім жазбалары

I. Кіріспе бөлім

5 минут

Көңіл күй ахуалы: «Алыптар мен ергежейлілер» әдісі арқылы сергіту сәті өткізіледі.

Өткізу тәртібі

  1. Жүргізуші бірде қолын жоғары көтеріп, бірде төмен түсіріп, «алыптар» мен «ергежейлілерді» бейнелейді және соған сәйкес сөзді айтып тұрады.
  2. Кейде жүргізуші айтқан сөзі мен қимылын керісінше жасап, қатысушыларды жаңылыстыруға тырысады.
  3. Қателескен қатысушы орнына отырады.
  4. Соңында қалған үш адам жеңімпаз деп танылады.

II. Топқа бөлу

Оқушылар буын түрлері бойынша 3 топқа бөлінеді:

Ашық буын

Тұйық буын

Бітеу буын

III. Өткен сабақты қайталау

7 минут

«Ала доп» әдісі арқылы үй тапсырмасы қайталанады. Сұрақтар:

  1. Қазақ тілінде неше сөз табы бар?
  2. Жұрнақ пен жалғаудың түрлері мен қызметтері қандай?
  3. Көптік жалғауының қосымшаларын атаңыз. Жалғану ерекшелігін түсіндіріңіз.
  4. Қазақ тілі мен орыс тіліндегі зат есімдердің басты айырмашылықтары қандай?
  5. Үй тапсырмасын тексеру.