Қазақша рефераттар

Қызыл жолақша жасыл жолақшадан неше сантиметр ұзын

Сабақтың тақырыбы: Есеп. Салыстыру

Сабақтың мақсаты

  1. Есеп шығаруда қосу мен азайтудың кестелік жағдайлары туралы білімді бекіту; жай есептің мазмұнына қарай амал таңдай алу білігін жетілдіру. Сөйлеу тілін, қабілеттерді және өздігінен әрекеттенуді дамыту.
  2. Есептерді жазу және салыстыру дағдыларын қалыптастыру. Терминдер мен амалдардың қасиеттерін түсіндіре отырып шығару біліктілігін дамыту.
  3. Тапқырлықты, логикалық ойлауды және шығармашылық қабілетті дамыту.

Ұйымдастыру

  • Көрнекілігі: тапсырмалар жазылған слайдтар.
  • Сабақ түрі: қайталау сабағы.
  • Әдіс-тәсілдер: сұрақ-жауап, түсіндіру, өзіндік жұмыс.
  • Оқу құралдары: дайындау және түгендеу.

Психологиялық дайындық

Қайырлы күн, достар!
Бүгінгі күн, міне,
Сәттілікке толсын.
Біздің алар бағамыз
Кіл бестіктер болсын.

Топқа бөлу

«Мен ұнататын түс» әдісі арқылы оқушыларды топқа бөлу:

Қызылдар

Ынтымақ, белсенділік

Жасылдар

Сабыр, дәлдік

Сарылар

Шығармашылық, ой ұшқырлығы

Үй тапсырмасын тексеру

№4, 128-бет

«Сен мұны білесің» сұрақтары

  1. Аптада неше күн бар? — 7 күн.
  2. Бүгін аптаның нешінші күні? — Бейсенбі, төртінші күн.
  3. Қосудың компоненттері: қосылғыш, қосылғыш, қосындының мәні.
  4. Азайтудың компоненттері: азайғыш, азайтқыш, айырманың мәні.
  5. Қосу амалының қасиеті: ауыстырымдылық қасиеті.
  6. Геометриялық фигуралар: үшбұрыш, төртбұрыш, дөңгелек, шеңбер, кесінді, сәуле.
  7. 5 санының көршілері: 4 және 6.
  8. 6 санының құрамы: 5+1, 4+2, 3+3.
  9. Санды немен белгілейміз? — цифрмен.

«Ойлан, тап» тапсырмасы

Мына сандарды өсу ретімен орналастыр: 4, 1, 3, 2

4 — «П», 1 — «Е», 3 — «Е», 2 — «С».
Сонда қандай сөз шықты?

Жауабы: «Есеп»

Ендеше бүгінгі сабақтың тақырыбы — «Есеп. Салыстыру». Есептің шартты белгілерін рет-ретімен орналастырыңдар.

Жаңа сабақ

Ізденемін, ойланамын

№1. Оқы. Есептерді салыстыр және шығар

А) Айырмасын тап

Ойыншық жасау үшін Дәурен 10 см қызыл және 5 см жасыл жолақша қиып алды. Қызыл жолақша жасыл жолақшадан неше сантиметр ұзын?

Қызыл жолақша

10 см

Жасыл жолақша

5 см

Шешуі: 10 − 5 = 5 (см)

Жауабы: қызыл жолақша 5 см ұзын.

Талдау сұрақтары

  • Есеп не туралы?
  • Не белгілі, не белгісіз?

Ә) Қосындысын тап

Абзал 5 см қызыл және 5 см жасыл жолақша қиып алды да, ойыншық қайықтың бүйіріне желімдеді. Абзал барлығы неше сантиметр жолақша желімдеді?

Қызыл жолақша

5 см

Жасыл жолақша

5 см

Шешуі: 5 + 5 = 10 (см)

Жауабы: барлығы 10 см.

Есептерді салыстыру

Ұқсастығы

  • Екеуі де жолақшалар туралы.
  • Екеуі де математикалық есеп.

Айырмашылығы

  • 1-есепте ұзындықтардың айырмасы сұралады.
  • 2-есепте барлығы қанша сантиметр жолақша желімделгені сұралады.

Қолдау сөзі

Мұны сен істей аласың — сенің қабілетің бар.

Айырмаларды ата

Айырмаларды есепте және олардың мәндерін өсу ретімен жаз.

4 саны

  • 4 − 4 = 0
  • 4 − 3 = 1
  • 4 − 2 = 2
  • 4 − 1 = 3
  • 4 − 0 = 4

5 саны

  • 5 − 5 = 0
  • 5 − 4 = 1
  • 5 − 3 = 2
  • 5 − 2 = 3
  • 5 − 1 = 4
  • 5 − 0 = 5

6 саны

  • 6 − 6 = 0
  • 6 − 5 = 1
  • 6 − 4 = 2
  • 6 − 3 = 3
  • 6 − 2 = 4
  • 6 − 1 = 5
  • 6 − 0 = 6

«Тездет, бірақ қателеспе»

Төмендегі шағын есептерді жылдам есепте.

  1. Дүкеннен көк сабын алдым, оның ыдысын да алдым. Екі дәптер, бір қарындаш, тіс ысқышты тағы да алдым. Сонда қолымда барлығы қанша зат болды?

    Жауабы: 6

  2. Табақта 6 өрік, қолымда 2 өрік. Барлығын қосқанда неше өрік болады?

    Жауабы: 8

  3. Тал басында 10 жапырақ тұр еді. Жел соғып, біреуі ұшып кетті. Артынша тағы бесеуі түсті. Әлі ілініп тұрған жапырақ нешеу?

    Жауабы: 4

  4. Аулада 3 қаз және 2 тауық жүр. Барлығының аяқтарының саны нешеу?

    Жауабы: 10

  5. Үйдің төрт бұрышында төрт мысық отыр. Әр мысықтың алдында 3 мысықтан отыр. Барлығы неше мысық отыр?

    Жауабы: 4

  6. Шаршының сол жағында үшбұрыш, оң жағында дөңгелек орналасқан. Шаршы қай жерде?

    Жауабы: ортасында

Сергіту сәті

Бұл тапсырма сендерге өте қажет: 1-ден 5-ке дейін екі тілде санау.

Қатар 1

1, 2, 3, 4, 5

Қатар 2

1, 2, 3, 4

Қатар 3

1, 2, 3

Қатар 4

1, 2, 3

Қатар 5

1, 2

Қатар 6

1

Сенім білдіру

Сендер мұны орындай алатындарыңа мен сенімдімін.

№3. Тура теңдіктер құр

5, 4 және 9 сандарын пайдаланып тура теңдіктер құр. Қосымша қатарлар: 8, 3, 5 және 7, 2, 5.

5, 4, 9

  • 5 + 4 = 9
  • 4 + 5 = 9
  • 9 − 4 = 5
  • 9 − 5 = 4

8, 3, 5

  • 5 + 3 = 8
  • 3 + 5 = 8
  • 8 − 3 = 5
  • 8 − 5 = 3

7, 2, 5

  • 5 + 2 = 7
  • 2 + 5 = 7
  • 7 − 2 = 5
  • 7 − 5 = 2

Есіңе сақта

Қосындыны табу үшін — қосамыз, айырманы табу үшін — азайтамыз. Есептің сұрағына қарай дұрыс амалды таңда.

Шығармашылық тапсырма

Әр суретте неше үшбұрыш бейнеленгенін анықта.

Кеңес

Үлкен және кіші үшбұрыштарды бөлек санап, кейін біріктір.

Қорытынды

  • Сабақты қорытындылау.
  • Оқушыларды бағалау.

Қолдау

Қорықпа — бұл сенің қолыңнан келеді.

Үй тапсырмасы

Үй тапсырмасы мұғалімнің нұсқауына сәйкес беріледі.