Қазақша рефераттар

Проекция терезесін басқару құралдары

Сабақтың мақсаты

Білімділігі

Оқушыларды 3ds Max Studio бағдарламасының интерфейсімен таныстыру, білім-білік дағдыларын жетілдіру.

Дамытушылығы

Оқушылардың сауаттылығын, ойлау ұшқырлығын дамыту және икемділік қасиеттерін қалыптастыру.

Тәрбиелігі

Оқушылардың ойлау қабілеті мен пәнге қызығушылығын арттыру.

Сабақтың сипаттамасы

Негізгі мәліметтер

Сабақтың түрі
Жаңа сабақ
Оқыту әдістері
Сөздік, көрнекі, практикалық
Сабақтың көрнекілігі
Интерактивті тақта, компьютерлер
Оқыту формалары
Жеке, топтық және ұжымдық

Сабақтың барысы

  1. 1

    Ұйымдастыру кезеңі — 2 минут

  2. 2

    Үй тапсырмасын тексеру — 8 минут

  3. 3

    Жаңа сабақ — 10 минут

  4. 4

    Практикалық жұмыс — 20 минут

  5. 5

    Бекіту — 3 минут

  6. 6

    Үй тапсырмасын беру, бағалау — 2 минут

Жаңа сабақ: 3ds Max бағдарламасының мүмкіндіктері

3ds Max — үш өлшемді графикамен жұмыс істеуге арналған қуатты орта. Бағдарлама кез келген қажетті объектінің моделін құруға, натюрморттарды визуализациялау арқылы түс беруге, объектіні хромдауға, көлеңке түсіруге, лазерлік сәуле эффектілерін жасауға, фрагменттер мен кадрларды қозғалту арқылы анимация құруға мүмкіндік береді. Сонымен қатар динамикалық эффектілер көмегімен судың толқынын, жел бағытын, ал Hair and Fur эффектісі арқылы адамның шашы мен келбетін модельдеуге болады.

Пәнаралық байланыс

Осы себепті диссертациялық жұмыста 3ds Max бағдарламасының күрделі тарауларының бірі — геометриялық сахна модельдерін құру және үш өлшемді кеңістікті бейнелеу бөлімдерін жоғары математика пәнімен байланыстыру мүмкіндігі қарастырылған. Геометриялық фигураларды 3D форматта құрып, олардың кескіні экранда қалай көрінетінін бақылауға болады.

3ds Max интерфейсіне сипаттама

Проекция терезелері және координаталар жүйесі

Max көрінісіндегі барлық объектілер World (әлемдік) координаталар жүйесінде орналасады. Шартты түрде: Z осі жоғарыға, X осі оңға, Y осі бақылаушыдан сыртқа бағытталған деп қабылданады.

Ортографикалық терезелер әлемдік координаталар жазықтықтарына қатысты аталады: Top (жоғарыдан), Front (алдынан), Left (сол жақтан) және т.б. Бағдарлама жүктелгенде көрінетін тор — бастапқы координаталық торлар (home grids).

Сонымен бірге Max әлемдік жазықтықтарға кез келген бұрышпен орналасатын қосымша Grid Objects торларын жасауға мүмкіндік береді. Бұл жағдайда объектілердің сол тор жазықтығына параллель ортографикалық проекциясын құруға болады.

Проекция терезелерінің негізгі түрлері

Ортографикалық 6 терезе

  • Top, Front, Left, Back, Right, Bottom — әлемдік координаталар жазықтықтарына параллель көріністер.

Perspective (Перспектива)

Қолданушы өзгерте алатын нүктеден көрінетін орталық (перспективалық) проекция терезесі.

Камера көрінісі

Камера сызығына сәйкес орталық проекция. Көріністер камера атауымен беріледі: әдетте Camera # (мысалы, 01, 02).

Жарық көзі көрінісі

Жарық сәулесінің осіне қатысты орталық проекция. Әдетте Spot # немесе Direct # түрінде аталады.

User (Арнайы түр)

Қолданушы орната алатын бұрышпен көрсетілетін аксонометриялық проекция.

Grid (объект-тор) көріністері

Object Grid координаталар жүйесіне параллель 6 ортографикалық терезе және Display Planes режимінде конструкциялық жазықтықты бейнелеу.

Shape (Пішін)

Ерекшеленген екі өлшемді пішіндердің жергілікті координаталар жүйесін X және Y жазықтығына параллель ортографикалық түрде көрсететін терезе.

Track View және терезелермен жұмыс

Кез келген проекция терезесінде Track View терезесін орналастыруға болады. Бұл анимацияны өңдеу кезінде өте ыңғайлы: Track View ішінде орындалған әрекеттер белсенді проекция терезесінің ауысуына әсер етуі мүмкін.

Track View терезесінің мәзірін шақыру үшін тақта батырмаларын баспай, тақтаның бос бөлігіне курсорды апарып, тінтуірдің оң жақ батырмасын басыңыз.

Проекция терезесін басқару құралдары

Басқару құралдары бағдарламаның төменгі оң жақ бұрышында орналасады. Негізгі құралдар:

  • Масштаб (Zoom)
  • Барлық терезедегі масштаб (Zoom All)
  • Толық көрініс (Zoom Extents)
  • Барлық терезедегі толық көрініс (Zoom Extents All)
  • Облыс масштабы (Region Zoom)
  • Жылжыту / айналдыру (Pan / Orbit)
  • Бүктеу
  • Қалпына келтіру

Командалық тақта (Command Panel)

3ds Max-та алты негізгі командалық тақта қолданылады: Create, Modify, Hierarchy, Motion, Display, Utility. Қажетті панельді таңдау үшін тиісті бөлімді басу жеткілікті.

Әр командалық тақтаның негізгі бөлігі — шиыршық аймағы (rollout).

Шиыршық (rollout) — өзара байланысты параметрлер тобы орналасқан, тақырыпшасы батырма түрінде берілетін аймақ. Шиыршықтар командалық тақтадан бөлек, Material Editor және Render Scene сияқты сұхбаттық терезелерде де қолданылады.

Параметрлік объектілер туралы ескерту

3ds Max-та объектілердің көпшілігі параметрлік. Яғни оларды құру кезінде орналасу координаталары, ұзындығы, биіктігі сияқты сипаттамалар беріледі және бұл параметрлер кейін өзгертіле алады. Тек кейбір объектілер (мысалы, Editable Spline, Editable Mesh) ерекшелік болуы мүмкін.

Сондықтан объектіні алғаш салғанда абсолют дәлдікке бірден ұмтылу міндетті емес — параметрлерді кейін нақтылап түзетуге болады.

Бекіту, үй тапсырмасы және қорытынды

Жаңа сабақты бекіту

Сабақты аяқтау үшін оқушыларға жаңа тақырып бойынша бірнеше сұрақ қойылады және негізгі ұғымдар қайталанады.

Үйге тапсырма

Тақырыпты оқып, мазмұндау.

Сабақты қорытындылау

Жаңа материал пысықталып, оқушылардың меңгерген білімі бағаланады.