Жыл құстары және отырықшы құстар

Ересектер тобы «Ботақан» Таным Экология негіздері

Оқу іс-әрекетінің технологиялық картасы

Тақырып: Қыс. Құстардың қысқы тіршілігі

Қыс мезгілінің ерекшеліктерімен таныстыру.
Қыс кезіндегі құстардың тіршілігі туралы әңгімелеу арқылы балалардың қамқорлық жасауға деген белсенділігін арттыру.
Табиғатты аялауға баулу.

жем нан қиқымдары кептірілген жемістер үйшіктер

Балалар дөңгелене тұрып, өлең жолдарын бірге айтады.

Жылы көңіл-күй

Кел, балалар, күлейік,
Күлкіменен түлейік.
Қабақ түйген не керек,
Көңілді боп жүрейік.

Қыс мезгілінің ерекшеліктері мен құстардың қысқы тіршілігі талқыланады. Сұрақ-жауап, суреттермен жұмыс және ойын арқылы білім бекітіледі.

Талдау • Байқау • Әңгімелеу

Қыс туралы әңгіме жүргізіледі.
Т. Молдағалиевтің қыс туралы өлеңі оқылады.
Балалар сурет бойынша қыс мезгілі жайлы ойларын айтады, сұрақ қояды және жауап береді.

«Құстар қалай қыстайды?» ертегісі оқылып, мазмұны талқыланады.
Суреттер арқылы құстардың қыстағы тіршілігі туралы түсінік беріледі.
Қыста құстардың немен қоректенетіні (жем, нан қиқымдары, кептірілген жемістер) әңгімеленеді.
Адамдардың құстарға көмегі: жем шашу, үйшік ілу, тұрақты түрде қоректендіріп тұру.
Балалар өздерінің құстарға қалай көмектескені туралы әңгімелейді.

Қимыл-қозғалыс

Күнде аспанға қараймыз,
Қайтқан құсты санаймыз.
Үшбұрыш боп тырналар,
Көк жүзінде сырғанар.

Балалар өлең мазмұнына сай қимыл-қозғалыстар жасайды.

Шарты: суреттер бойынша құстарды екі топқа бөлу — жыл құстары және отырықшы құстар.

Топтастыру

Балалар сурет бойынша құстардың аттарын атап, оларды екі топқа бөліп айтады.

Сабақ қорытындыланып, балалардың білімін бекіту үшін сұрақтар қойылады. Балалар жауап беріп, бір-бірінің ойын толықтырады.

Қорытынды • Бекіту

Құстардың қысқы тіршілігі және оларға қамқорлық туралы өз көзқарасы болады.

Қыстап қалған құстарға қамқор болудың жолдарын біледі.

Жыл құстары мен отырықшы (қыстап қалатын) құстардың айырмашылығын түсінеді және тапсырмаларды дұрыс орындап көрсете алады.