Қазақша рефераттар

Мақта қыз бен мысық ертегісін мәнерлеп балаларға айту

Сабақ туралы мәлімет

Орналасқан жері

Шығыс Қазақстан облысы, Тарбағатай ауданы, Қазақстан ауылы

Білім беру ұйымы

«Қазақстан бастауыш мектебі», мектепалды даярлық тобы

Тәрбиеші

Кадирова Мархаббат Бакыткановна

Тақырып

«Мақта қыз бен мысық»

Сабақтың мақсаты

Білімділік

Оқушыларға «Мақта қыз бен мысық» ертегісі туралы түсінік беру, ертегіні рөлге бөліп ойнату арқылы мазмұнын әңгімелеп түсіндіру.

Дамытушылық

Балалардың ойлау және есте сақтау қабілеттерін арттыру, тіл байлығын дамыту, байланыстырып сөйлеуге үйрету.

Тәрбиелік

Ұқыптылыққа, сауаттылыққа, шапшаңдыққа тәрбиелеу; өзара көмектесуге және достыққа баулу.

Сабақ түрі

Ойын сабақ

Әдіс-тәсілдер және көрнекілік

  • Түсіндіру
  • Әңгімелеу
  • Сұрақ-жауап
  • Көрнекілік: интерактивті тақта

Сабақтың барысы

I. Ұйымдастыру кезеңі

Сабаққа қажетті құралдарды дайындап, сыныптың назарын сабаққа шоғырландыру.

II. Психологиялық дайындық

Балалар шеңберге тұрып, бір-біріне жылы лебіздерін білдіреді. Содан кейін қысқа сұрақ-жауап арқылы уақыт пен мезгілді нақтылайды.

Сұрақ-жауап

Жылдың қай мезгілі?
Күз.
Күз мезгілінің нешінші айы?
Екінші айы.
Қалай аталады?
Қазан.
Аптаның қай күні?
Дүйсенбі.

Қызықты кіріспе тапсырма

Балалар ағаштағы «алмаларды» тере отырып, ішіндегі жұмбақтардың шешуін табу арқылы сабаққа кіріседі.

  1. Сырт-сырт соғады, уақыт озады.
  2. Күнде оған қараймын, шашымды тараймын.
  3. Қыста жер бетін басады, жазда сайға көшеді.

Барлық тапсырма орындалған соң, балалар бүгінгі сабақтың тақырыбын табады: «Мақта қыз бен мысық».

III. Жаңа сабақ

Ертегімен жұмыс

  • Ертегіні мәнерлеп оқу және балаларға түсінікті тілмен мазмұнын ашу.
  • Оқушылардан түсінгендерін сұрап, әңгімелеуге жетелеу.
  • Балаларды рөлге бөліп, ертегіні сахналау.

Сергіту сәті

Қарлығаш боп ұшайық,

Қане қанат жазайық,

Ұшып-ұшып алайық,

Орнымызға қонайық.

Ойын: «Жаңа сөзді тап»

Мақсаты — «қатық» сөзінің мағынасын түсіндіру.

Қатық — сиыр сүтін айран етіп ұйытып, кейін сүзу арқылы дайындалатын сүт өнімі.

IV. Қорытынды

Нәтиже

  • Мысыққа көмектесіп, құйрығын қайтарып бердік.
  • Мақта қызға қатығын қайтарып бердік.
  • Көмек беру үшін көп еңбек еттік.

Тәрбиелік ой

Уәдені орындап, айтқан тілді алып, қырсық мінез көрсетпейік. Тәртіпті болып, бір-бірімізбен тату дос болайық.

Бағалау

Оқушылардың белсенділігі мен тапсырмаларды орындауына қарай бағаланады.

Үй тапсырмасы

Ертегіні мазмұндап келу (ата-аналардың көмегімен).