Тәрбие сағатының тақырыбы. Тәрбие сағатының мақсаты

Тәрбие сағатының тақырыбы: Біз құқығымызды білеміз бе?
Тәрбие сағатының мақсаты:
1. Білімділік мақсаты: Құқықтың пайда болуы, құқық көздері, құқық пен дін қатынасы туралы толық білім беру.
2. Дамытушылық мақсаты: жеке тұлғаны дамыту, талдау, салыстыра білу қабілетін дамыту.
3. Тәрбиелік мақсаты: азаматтық, елжандылық, Қазақстан Республикасына сүйіспеншілік, Конституцияға қайшы және қоғамға қарсы кез келген көріністерге төзбеуге тәрбиелеу.
Көрнектілігі: Балалар құқығы Конвенциясы, Конституция баптарынан үзінді, нақыл сөздер.
Әдісі: дисскусия

Тәрбие сағатының барысы:
І. Кіріспе бөлім
Мұғалімнің кіріспе сөзі: - Құрметті оқушылар Біз құқығымызды білеміз бе? атты сұрақ - жауап кешін ашық деп жариялаймыз. Біз бүгінде бүкіл әлем қауымдастығы мойындап отырған тәуелсіз егемен мемлекетпіз. Әр мемлекеттің өз заңы бар. Елбасы Н. Ә. Назарбаев ҚР құқықтық жалпы білім беруді ұйымдастырудың шаралары туралы (21 - маусым, 1995 жылы №2347) қаулысын жариялады. Елбасы Заңды білу - заман талабы екенін көрсетті.

ІІ. Негізгі бөлім
1 - оқушы:- Құқық бұзу - заң бұзу ма? Бұл жағдайда адамды жазаламайды ғой; солай ма?
Мұғалім:- Көпшілік арасында құқық ұғымы жазалау, соттау, құқық бұзылуының ұйымдарымен байланысты түсіндіріледі. Бірақ құқық әділеттілік, теңдік, ізгілік екенін қоғамға негізделген тәртіп ережелері екенін естен шығармауымыз керек.

Құқық – бұл мемлекет бекіткен және рұқсат еткен жалпыға бірдей міндетті мінез - құлық ережелерінің жиынтығы. Оның негізгі бастамалары: саяси биліктің халық еркіне бағынуы, меншік түрлерінің теңдігі және адамгершілік ұстанымдары. Сонымен құқық дегеніміз не? Құқық бұл біздің қалауымыз. Мысалы, сенің оқығың келе ме? Осыған сәйкес құқық бар. Бірақ біздің барлық қалауымыз құқық бола бермейді, құқық деп аталу үшін біздің қалауымыз ақылға сыйымды болу керек, ал басқалардың қалауына қарсы келмеу керек. Сонымен, құқық дегеніміз – бұл біздің күнделікті іс - әрекетіміз.

Біз барлық заңдарды есімізге сақтай алмаймыз, соған қарамай заңды бұзбаймыз. Себебі, заң күнделікті әрекетімізден алынады. Мысалы, сен орта білім алғың келмесе де оқуға міндеттісің. Өйткені қоғам әр азаматтың сауатты болуын талап етеді.
2 - Оқушы: - Құқық ұғымын түсіндік, құқық көздері деген не?
Мұғалім:- Заң шығарушыларға құқық көздері көмектеседі. Құқық көздерінің әлеуметтік дағдылары: мемлекет, топтар, дәстүр, идеология т. б.