Оқушылардың сабаққа жұмыстарын ұйымдастыру

Сабақтың тақырыбы

«Жолаушыдан жолаушы жолың болсын сұрайды» (Өтебай Тұрманжанов)

Мақсаты (Білімділік)

Өлеңнің мазмұны мен идеясын ашу; талдау және зерттеу тапсырмалары арқылы тақырыпты өмірмен байланыстыруға мүмкіндік беру.

Мақсаты (Дамытушылық)

Өлең тіліне мән бере отырып, топтық жұмыстар барысында сыни тұрғыдан ойлау дағдыларын дамыту; ой-өрісті кеңейту, сөздік қорды молайту және өз ойын анық жеткізу қабілетін жетілдіру.

Мақсаты (Тәрбиелік)

Мақсатқа жетудің жолы — еңбек екенін ұғындыру; әдептілікке, кішіпейілділікке, қонақжайлылыққа тәрбиелеу; өз халқының ерекшеліктерін қадірлеуге бағыттау.

Сабақтың сипаты

Сабақтың типі: аралас сабақ.

Әдіс-тәсілдері: сұрақ-жауап, әңгімелеу, түсіндіру, баяндау, талдау-жинақтау, пікірталас, сыни тұрғыдан ойлау стратегиялары.

Ресурстар мен байланыс

Көрнекілігі: қима қағаздар, ребустар, тапсырмалар, ағаш суреті, «Ақыл тақтасы».

Пәнаралық байланыс: дүниетану, музыка, бейнелеу өнері.

Сабақтың барысы

I. Ұйымдастыру кезеңі

Жылы атмосфера

Оқушылардың көңіл күйі мен назарын сабаққа бағыттау, оқуға шақыру, психологиялық дайындық өткізу.
Топқа бөлу (таңдаған суреттері бойынша), топ басшыларын тағайындау және бағалау парағын толтыру тәртібін түсіндіру.

Психологиялық дайындық мәтіні

Әрбір адам — туысым, досым, жұрағат,

Әрбір ісім — үйрену, ұғу, ұлағат.

Әрбір күнім — бірлік, тірлік, адамдық,

Әрбір сөзім — шындық, достық, адамдық!

Топ атауларын анықтау (ребус арқылы)

I-топ

Өнерпаздар

II-топ

Білгірлер

III-топ

Алғырлар

IV-топ

Тапқырлар

II. Өткен материалды еске түсіру (жалпылау)

Үй тапсырмасы

Үй тапсырмасын тексеру үшін әр топқа деңгейлік тапсырмалар беріледі. Әр топ ортаға шығып, жұмысын қорғайды.

1-топ

Тақырыпқа сай мақал-мәтелдер жазып, мағынасын түсіндіру.

2-топ

Балықшының мейірімі туралы әңгімелеу.

3-топ

Балықшы мен бақалшының мінез-құлқын салыстырып, Венн диаграммасын құру.

4-топ

Балықшының іс-әрекетіне қатысты «балық сүйегі» сызбасын толтыру.

III. Жаңа сабақ: қызығушылықты ояту

Сұрақтар

Осы ертегіден қандай жағымсыз мінез-құлықтарды байқадыңдар?
Ал жағымды қасиеттер қандай?
Қорытындылай келе, ең маңызды қасиет қайсы деп ойлайсыңдар? Неліктен?
Амандасу не үшін қажет?
Қандай жағдайларда амандасамыз?

IV. Мағынаны ашу: мәтінмен жұмыс

Талдау

Сабақтың тақырыбы мен мақсаты хабарланады. Мәтін мәнерлеп оқылып, сұрақтар арқылы мазмұны талданады.

Амандасудың түрлері

Сәлеметсіз бе?

Сәлеметті болыңыз!

Аман-сауыз ба?

Аман-сау болыңыз!

Аман-есенсіз бе?

Бала-шағаңыз, мал-жаныңыз аман ба?

Сізге амандық тілеймін.

Ассалаумағалейкум!

Уағалейкумассалам! Сізге де амандық тілеймін.

Тапсырма I

Қарт пен жас жігіттің амандасу үлгісін анықтау.

Тапсырма II

Әже мен қыз баланың амандасу үлгісін анықтау.

Талқылау сұрақтары

«Жол болсын» деген сөздің мағынасын қалай түсінесіңдер?
Ақын дұрыс сәлемдесуді қалай суреттейді? Өлеңнен тауып оқыңдар.

V. Сергіту сәті: көңіл күйді тану

Ым-ишара

Адамның көңіл күйін түріне қарап білуге бола ма?
Мұғалім көңіл күйлерге қатысты сипаттама оқиды, ал оқушылар оның қай көңіл күй екенін атап, ым-ишарамен көрсетеді.
Қандай көңіл күй ұнады? Неліктен?

Қорытынды: әрдайым күлімдеп, айналамызға қуаныш сыйлап, күндей жайнап жүрейік.

VI. Топтық жұмыс

Шығармашылық

1-топ

Амандасудың жаңа түрлерін ойлап табу.

2-топ

Амандасу түрлері бойынша кластер құрастыру.

3-топ

Тақырып бойынша шағын көрініс қою.

4-топ

Тақырыпқа байланысты бес сұрақ құрастыру.

Әр топ жұмысының нәтижесін ортаға шығып қорғайды.

VII. Ой толғау: «Пікірлер ағашы»

Рефлексия

Оқушыларға үлестірілген «жапырақтарға» сабақтан алған әсері мен пікірін жазып, «пікірлер ағашына» іледі.

VIII. Үй тапсырмасы

Бекіту

Өлеңді жаттау

63–65-беттердегі өлеңді жаттап келу.

Мақал-мәтелдер

Тақырыпқа байланысты мақал-мәтелдер жазып келу.

IX. Бағалау

Қорытынды

Сабаққа белсенді қатысқан оқушылар топ бойынша мадақталып, жетістіктері атап өтіледі. Бағалау парақтары негізінде білімдері бағаланады.