Есер баладан
Сабақтың мақсаты мен міндеттері
Мақсаты
Мәтін мазмұнын меңгерту, автор ойын түсіндіріп, оқушының өз көзқарасын қоса отырып пікір білдіруіне мүмкіндік жасау.
Міндеттері
- Мәтіндегі автордың ойын, идеясын ашу.
- Оқушылардың шығармашылық қабілетін арттыру, сауатты оқу дағдысын жетілдіру және өз ойын еркін айтуға дағдыландыру.
- Өтірік айтпауға тәрбиелеу.
Сабақтың барысы
Ұйымдастыру кезеңі
Сыныпты сабаққа дайындау, назарды шоғырландыру.
I. Үй тапсырмасын тексеру
Өткен тақырып бойынша сұрақ-жауап арқылы білімді тиянақтау.
II. Қызығушылықты ояту
Сұрақтар:
- Балалар, сендер өтірік айтып көрдіңдер ме?
- Өтірік айту жақсы әдет пе?
Оқушылардың пікірлері тыңдалып, ойлары қысқаша қорытындыланады.
III. Мағынаны тану
Автор туралы
А. Хамзеұлы — педагог, жазушы. Ол балаларға арнап көптеген әңгімелер жазған.
Оқулықпен жұмыс
- Мәтінді мұғалім мәнерлеп оқып береді.
- Оқушылар іштей оқиды, тізбектей дауыстап оқиды.
- Жұпта талқылап, негізгі ойды анықтайды.
Сөздікпен жұмыс
- Ізет көрсету
- құрмет көрсету
- Мойнына салып беру
- өтірігін әшкерелеу, жалғанын бетіне басу
Кубизм стратегиясы (топтық жұмыс)
1-топ
Талдау
Әңгімеге мазмұндық жоспар құру.
2-топ
Баяндау
Әңгіме мазмұнын жүйелі түрде айтып беру.
3-топ
Сипаттау
Әмірге мінездеме беру, іс-әрекетін бағалау.
Дәптермен жұмыс
Оқушылар мақал-мәтелдерді дәптерге көшіріп жазады және мағынасын талдайды.
- 1. Өтірік сөз жанға қас, өткір пышақ қынға қас.
- 2. Өтірік өрге баспайды.
Шығармашылық тапсырма
Мақал-мәтелдерді толықтырып жаз:
1. Есер баладан ... бала жаман.
Таңдау: ерке немесе есті
2. Жақсы бала — сүйік, жаман бала — ....
Таңдау: күйік немесе жүйрік
IV. Ой толғаныс
Еркін жазу стратегиясы
Оқушылар Әмірге хат жазады: кейіпкердің әрекетіне баға беріп, шыншылдық пен жауапкершілік туралы өз ойларын білдіреді.
Үй тапсырмасы
- Мәтінді оқу.
- Мазмұндау.
Бағалау
Оқушылардың мәтінді түсінуі, топтық жұмыстағы белсенділігі, пікір айтуы және шығармашылық тапсырманы орындауы бойынша бағаланады.