Сайысқа қатысушыларды қазылар алқасымен, сайыс шарттарымен таныстыру

Әдебиет көшбасшысы (зияткерлік сайыс)
7-сынып
Мақсаты: оқушылардың әдебиет пәнінен өтілген материалдарды меңгеруін, білім деңгейін тексеру.
Міндеттері: 1) оқушылардың білім – білік дағдыларын қалыптастыру;
2) ана тілін сүюге, құрметтеуге тәрбиелеу, ізденімпаздыққа баулу;
3) оқулық пен қосымша материалдар деректерін пайдаланып, ғылыми – танымдық әрекеттерін жетілдіру.
Көрнекілігі: интерактивті тақта, компьютер, сандық белгі.

Сайыстың өту барысы.
1. Сайысқа қатысушыларды қазылар алқасымен, сайыс шарттарымен таныстыру.

1 - Кезең: Бәйге
10 сұрақ беріледі. Әр сұраққа 4 жауап келтірілген. Дұрыс жауапты бірінші болып айтқан оқушыға 10 ұпайдан беріледі. Ең төмен ұпай жинаған 2 оқушы ойыннан шығады.
2 - Кезең: Дода
4 тақырып беріледі. Әр тақырыпта 5 сұрақтан бар. Оқушы таңдаған тақырыбының 5 сұрағына жауап беруі керек. Әр дұрыс жауапқа 10 ұпай беріледі. Ең төмен ұпай жинаған 2 оқушы ойыннан шығады.
3 - Кезең: Жорға
3 тақырып беріледі. Әр тақырыпта 20, 30, 40 ұпайлық 3 сұрақтан бар. Оқушы өзі қалаған сұрағына жауап береді. Сайыс соңында ең көп ұпай жинаған оқушы жеңімпаз болып саналады.