Қазақша рефераттар

Ертегіні сахналаңдар

Сабақ тақырыбы

«Еңбекпен тапқан тиын» (грузин ертегісі)

Сабақ типі

Жаңа білімді меңгерту

Сабақ түрі

Аралас сабақ

Әдіс-тәсілдер

Топтастыру, «үш қадамнан тұратын сұхбат», әңгіме кестесі

Сабақ мақсаты

Білімділік

  • Ертегі мазмұнын әңгімелеуге, оқиғаны өз ойымен жалғастыруға үйрету.
  • Рөлге бөліп оқуға және сахналауға дағдыландыру.
  • Жалқаулық пен еңбекқорлық туралы мақал-мәтелдердің мән-мағынасын ұғындыру.

Тәрбиелік

  • Еңбексүйгіштікке тәрбиелеу.
  • Үлкенді тыңдауға, ақылға құлақ асуға баулу.
  • Жалқаулықтан аулақ болуға бағыттау.

Дамытушылық

  • Шығармашылық тапсырмалар арқылы ой-өрісті дамыту.
  • Актерлік шеберлікті қалыптастыру.
  • Дұрыс сөйлеу мәдениетін жетілдіру.

Қажетті ресурстар мен байланыс

Көрнекілігі

Тірек сызбалар, сюжетті суреттер, мақал-мәтелдер

Пәнаралық байланыс

Еңбек, сурет, математика, дүниетану

Сабақ барысы

I. Ұйымдастыру кезеңі

  • Сабаққа назар аударту, оқушыларды түгендеу.

«Ана тілің — арың бұл, ұятың боп тұр бетте.
Өзге тілдің бәрін біл, өз тіліңді құрметте!»

— Қ. Мырзалиев

II. Үй тапсырмасын тексеру

Жекен Жұмахановтың «Ер еңбекте сыналады» мәтіні бойынша «Үш қадамнан тұратын сұхбат» әдісі қолданылады.

A — сұхбат алушы

  1. Құрылыс жұмыстарына қажетті қандай көлік түрлерін білесіңдер?
  2. «Бәрін бітірген — өзім» деп мақтанған қай көлік?
  3. Көтергіш кранның жұмысы қандай?
  4. Мақтаншақ машина қандай жағдайға тап болды?
  5. Көтергіш кран қандай көмек көрсетті?
  6. Кран мақтаншақ машинаға қандай ақыл айтты?

B — жауап беруші

  1. Көтергіш кран, жүк машинасы, трактор және т.б.
  2. Зауыттан жаңа шыққан жүк машинасы мақтанып, жер-көкке сыймайды.
  3. Кран әлденеше бөрене мен ағашты жоғары көтереді.
  4. Жауын-шашыннан құрылыс маңы лайсаң болып, жүк машинасы батпаққа батып қалады.
  5. Кран ұзын мойнын бұрып, шұңқырдағы машинаны көтеріп шығарады.
  6. «Мақтанба. Әркімнің өз өнері, өз орны бар. Бәріміз де құрылысшыға көмекшіміз», — дейді.

C — жинақтаушы

«Ер еңбекте сыналады» деген сөз бекер емес. Әрқайсымыз өзімізге тиесілі жұмысты жауапкершілікпен әрі сүйіспеншілікпен атқарсақ, нәтиже де сапалы болады. Мақтаншақтық, ұқыпсыздық және жалқаулық — істің алға басуына кедергі. Сондықтан тапсырылған істі мұқият орындау қажет. Еңбек — ер атандырады.

III. Өткен сабақты бекіту

«Галереяға саяхат» әдісі: мәтін мазмұнына сай салынған суреттерден топтама құрастырып, қабырғаға іліп, әр жұмыс бойынша қысқаша әңгімелеу.

IV. Жаңа сабақты меңгерту

Мағынаны тану: амалдарды орындап, шыққан сандарды өсу ретімен орналастыру арқылы негізгі ұғымды ашу.

Тапсырма

  • 48 : 8= 6
  • 36 : 4= 9
  • 25 : 5= 5
  • 24 : 6= 4
  • 3 : 3= 1
  • 6 × 0= 0

Кілт

Сандардың өсу реті бойынша сәйкестік:

0
е
1
р
4
т
5
е
6
г
9
і

Шыққан сөз: «Ертегі»

Ертегі түрлері

Қиял-ғажайып

Ғажайып оқиғаларға, тылсым күштерге құрылған ертегілер.

Жан-жануарлар туралы

Тәрбиелік ойды жануарлар бейнесі арқылы жеткізетін ертегілер.

Шыншыл (тұрмыс-салт)

Күнделікті тіршілік, еңбек, мінез-құлыққа негізделген ертегілер.

Бүгін біз грузин халқының «Еңбекпен тапқан тиын» ертегісімен танысамыз.

V. Оқулықпен жұмыс

  1. Ертегіні «ЖИГСО-1 (аквариум)» әдісі бойынша оқу.
  2. Ертегіні рөлге бөліп оқу.

VI. Шығармашылық жұмыс

1) Оқиғаны жалғастыр

Ертегіні өз ойыңмен әрі қарай жалғастырып жаз.

2) Сахналау

Ертегіні шағын көрініс ретінде қойылымға дайында.

VII. Дәптермен жұмыс

Ертегі мазмұнына сүйеніп, балаға мінездеме бер.

Жазылым

Бала: ________________________________________________

VIII. Бекіту (ой толғаныс)

«Еңбекпен тапқан тиын» ертегісі ертегінің қай түріне жатады? Тұрмыс-салт (шыншыл) ертегісі.

Себебі бұл ертегіде баланың ақшаны өз еңбегімен табуы, адал еңбекке келуі туралы айтылады.

Мақал-мәтелдер

  • Еңбек етсең ерінбей, тояды қарның тіленбей.
  • Еңбектің наны тәтті, жалқаудың жаны тәтті.
  • Кім еңбек етсе, сол тоқ.

IX. Қорытындылау

«Әңгіме кестесі» арқылы сабақты жинақтау:

Ертегінің аты Ертегі қай елдікі? Кейіпкерлері Ана мен баланың іс-әрекетіне көзқарасың Ертегі немен аяқталды? Нені үйрендің?
«Еңбекпен тапқан тиын» Грузин халқы Ана, бала (және ертегі желісіндегі өзге кейіпкерлер) _____________________________________ _____________________________________ _____________________________________

X. Үй тапсырмасы

  1. Ертегіні түсініп оқу.
  2. Кейіпкерге хат жазу.

XI. Мадақтау

Оқушылардың белсенділігі мен еңбегін атап өту, жетістіктерін бағалау, ынталандыру.