Доп сөздік ойыны
Бастауыш сынып
Нагорный негізгі мектебі КММ
Мұғалім
Бисембаева Ш. У.
Бұл сабақ жоспары 1-сынып оқушыларының тыңдалым, айтылым, оқылым және жазылым дағдыларын бір тақырып аясында дамытуға бағытталған. Оқушылар жаңа сөздерді меңгеріп, сурет пен тірек үлгілер арқылы сөйлем құрастырады, өз тәжірибесімен бөліседі және ойын түріндегі тапсырмалар орындайды.
Оқу мақсаттары
Сабақ барысында күтілетін нәтижелер
Тыңдалым
Сөзді зейін қойып тыңдау, түсіну және соған сәйкес дұрыс әрекет ету (қимыл, ым-ишараны қолдану, іс-әрекет жасау).
Айтылым
Сұхбаттасын түсіну және түрлі тәсілмен әрекет жасау, этика нормаларын сақтап жауап беру; тыңдаған/оқыған материал бойынша қарапайым пікірін білдіру (келісемін/келіспеймін, ұнайды/ұнамайды).
Жазылым
Берілген суретке (затқа) қатысты сипаттау сөздерін жазу.
Оқылым
Өлең, жұмбақ және ертегілерді ажырату.
Сабақтың басы
Ұйымдастыру және сабаққа жұмылдыру
Ұйымдастыру кезеңі
- Оқушылармен амандасу, қатысымды түгендеу.
- Мұғалімнің кіріспе сөзі: «Сәлеметсіңдер ме, балалар! Бүгінгі сабақта сендерді көргеніме қуаныштымын!»
«Шаттық шеңбері» әдісі
Мұғалім балалармен бірге шеңбер құрып, еркін қарым-қатынасқа жағдай жасайды және ән айтады. Бұл тәсіл әр баланың өзін «үлкен достық шеңберінің» мүшесі ретінде сезінуіне, өзіне сенімділігінің артуына көмектеседі.
Өлең жолдары
Ризамын, ризамын, ризамын өмірге,
Ризамын, ризамын, ризамын бүгінге.
Дыбыстық жаттығулар
-ім, -ім, -ім
киім
-лек, -лек, -лек
көйлек
-бар, -бар, -бар
шалбар
Өткен тақырыпты қайталау
«Менің киімім» тақырыбы бойынша суреттермен жұмыс жасалып, оқылым әрекеті іске асырылады.
- «Бұл суретте нелер бар?»
- «Мынау не?»
- «Қандай көйлек (шалбар, қолғап, етік)?»
Сабақтың тақырыбы мен мақсаты
Тақырып: «Менің сәбилік кезім». Оқушылар сәбилердің іс-әрекеттерін атай алады, тірек суреттер арқылы сөйлем құрастырады және өз тәжірибесі бойынша қарапайым әңгіме айтады.
Сабақтың ортасы
Жаңа білімді меңгерту және қолдану
Жаңа сөздер
Сөздер хормен қайталанады.
- Қазақша
- Сәби
- малыш
- Қазақша
- Ұйықтайды
- спит
- Қазақша
- Жылайды
- плачет
- Қазақша
- Сүт ішеді
- пьет молоко
- Қазақша
- Ойнайды
- играет
Бейнематериалмен жұмыс
Оқушылар «Балалар қалай өседі?» мультфильмін тамашалайды. Кейін мұғалім сұрақтар қояды:
- «Бұл мультфильм не туралы?»
- «Сәбилер не істей алады?»
Мұғалім суреттегі балалардың іс-әрекеттерін атап, оқушылардың жауаптарын толықтырады.
Тірек суреттер бойынша сөйлем құрастыру
Мұғалімнің көмегімен оқушылар тірек суреттерге сүйеніп сөйлемдер құрайды және өз пікірін қарапайым түрде білдіреді.
Сәби ұйықтайды.
Сәби жылайды.
Сәби сүт ішеді.
Сәби ойнайды.
Кластер және әңгімелеу
Мұғалім дайын кластер бойынша өзінің сәбилік кезеңі туралы қысқаша айтады. Оқушыларға сол үлгімен кластерге сүйеніп өздері туралы әңгімелеу ұсынылады.
Фокус
Этика нормаларын сақтай отырып, сұхбаттасқа жауап беру және өз ойын анық айту.
Жұптық жұмыс және жазылым
- Оқушылар жұппен бір-біріне өзінің сәбилік кезі туралы айтып береді.
- Сөйлемдерді құрастырып, тақтаға және дәптерге жазады:
Мен ұйықтадым.
Мен жыладым.
Мен сүт іштім.
Мен ойнадым.
Оқушылар сынып алдында өз әңгімелерімен бөліседі. Бұл тапсырмалар айтылым мен жазылымды қатар дамытады.
Ребус шешу
Оқушылар ребус шешіп, сөзді табады.
Жауабы
сәби
Бұл жұмыс оқылым арқылы өлең, жұмбақ және ертегіні ажырату дағдысын бекітуге ықпал етеді.
Сергіту сәті
Оқушылар өлеңді тыңдап, қимыл-қозғалыс арқылы орындайды. Бұл тыңдалымда «тыңдау–түсіну–әрекет ету» байланысын күшейтеді.
Бала, бала, баламыз,
Бақшаға барамыз.
Күні бойы қызыққа
Батамыз да қаламыз.
Өсеміз біз күліп-ойнап,
Он саусақтың саласындай,
Өсеміз біз күліп-ойнап,
Бір адамның баласындай.
«Қазір не істей аласың?» сұрағы
Мұғалім: «Сендер өстіңдер. Ал қазір не істей аласыңдар?» Оқушылар ана тілінде өз әрекеттерін сипаттайды:
Өлең оқу
Сенің атың балапан,
Менің атым балақан.
Балапандар шоқуда,
Балақандар оқуда.
(М. Жаманбалинов)
Тапсырма оқылым дағдысын жетілдіруге және мәтін түрлерін ажыратуға бағытталған.
«Доп» сөздік ойыны
Мұғалім сөздің орысшасын айтады да, допты оқушыға лақтырады. Оқушы допты қағып алып, сөздің қазақшасын айтып, допты мұғалімге қайтарады. Осылайша барлық сөздер қайталанады.
Көп сөз меңгерген оқушы «алғыр» атанады.
Бұл ойын тыңдалым арқылы «тыңдау–түсіну–дұрыс әрекет ету» дағдысын бекітеді.
Сабақтың соңы
Рефлексия, қорытынды, бағалау
«Клубочек» әдісі
Балалар шеңберде тұрып, өздерінің нәрестелік кезеңі туралы бір сөйлемнен айтады.
Рефлексия сұрақтары:
«Көңіл күйлерің қандай?»
«Бәрі де сондай ойда ма?»
Қорытынды ән
Сабақ соңында балалар бірге ән айтады:
Әрқашан күн сөнбесін!
Аспаннан бұлт төнбесін!
Қасымда болсын мамам!
Болайын мен де аман!
Бағалау және үй жұмысы
Бағалау
Оқушылардың белсенділігі, сөйлем құрастыруы, сөздікпен жұмысы және жұптық сөйлесім мәдениеті ескеріледі.
Үй жұмысы
Төмендегі сұрақтарға жауап беру:
- «Сәбилер не істей алады?»
- «Сендер қазір не істей аласыңдар?»