Қазақша рефераттар

Мәтіннің интервалын өзгерту батырмасын көрсет

Сабақтың тақырыбы

Информатика (6-сынып): «Мәтінді пішімдеудің негізгі әдіс-тәсілдері»

Сабақтың түрі

Ашық сабақ, жаңа сабақты меңгерту

Әдіс-тәсілдері

Түсіндірмелі-демонстрациялау, сұрақ-жауап, топпен жұмыс

Көрнекілігі

Интерактивті тақта, слайд, оқулық, жұмыс дәптері, компьютер, WordPad, флипчарт, таратпа қағаздары

Сабақтың мақсаты

Білімділік

Microsoft Word бағдарламасымен жұмыс істеуді үйрету; мәтін абзацын пішімдеу, туралау және жоларалық интервалды өзгерту дағдыларын қалыптастыру. Оқушылардың білімін жүйелеп, жетілдіре отырып, өз бетінше жұмыс жасауға және компьютерлік сауаттылыққа баулу.

Тәрбиелік

Оқушыларды компьютерлік мәдениетке, ұлттық танымға, уақытты тиімді пайдалануға, жүйелі ойлауға, ұқыптылыққа және шапшаңдыққа тәрбиелеу.

Дамытушылық

Өз бетінше және топпен жұмыс істеу қабілетін дамыту; іскерлік пен шығармашылық ойлауды және компьютерлік сауаттылықты жетілдіру. Теориялық білімді тәжірибе жүзінде орындау дағдыларын ойын элементтері арқылы нығайту.

Сабақтың барысы

I. Ұйымдастыру кезеңі

3 минут

  • Оқушылармен амандасу, түгендеу.
  • Сабақтың тақырыбы мен мақсатын таныстыру, назарларын сабаққа аудару.
  • Стикерлер арқылы топқа бөлу, топ басшысын сайлау.
  • Өзін-өзі бағалау парақтарын тарату.

II. Үй тапсырмасын тексеру

4 минут

«Түймедақ құру» ойыны

Оқушыларға қиынды таратпа қағаздар арқылы өткен тақырып бойынша әртүрлі сұрақтар беріледі. Дұрыс жауаптарды пайдаланып, топ болып «түймедақ» құрастырады.

III. Жаңа сабақ

10 минут

Оқушыларға флипчарт, түрлі түсті маркерлер, желім және Microsoft Word интерфейсіне қатысты суреттері бар қиынды қағаздар таратылады. Әр оқушы кітаптан тақырыпты оқып, қиынды қағаздарды жапсырып, әр элементтің атқаратын қызметін жазады. Жұмыс жеке, жұптық және топтық форматта ұйымдастырылады.

Оқушылар өздері тапқан ақпаратты топқа түсіндіреді, қажет болса қосымша мәліметпен толықтырады. Тақырып бойынша слайд көрсетіледі.

Пішімдеу панелі (негізгі мүмкіндіктер)

  • Стиль
  • Шрифт
  • Шрифт өлшемі
  • Жартылай қалың
  • Курсив
  • Асты сызылған
  • Ортасы бойынша туралау
  • Оң жақ шеті бойынша туралау
  • Екі жақ шеті бойынша туралау
  • Нөмірлеу
  • Маркер қою
  • Мәтін түсі / бояу

Ең жылдам пішімдеу тәсілдері

Пішімдеуді жылдам қолдану үшін панельдегі негізгі батырмалар пайдаланылады: жартылай қалың, курсив, асты сызылған.

Мәтінді пішімдеу дегеніміз не?

Мәтінмен жұмыс кезінде символдардың әлпетін (жартылай қалың, курсив, асты сызылған және т.б.) таңдауға болады. Осындай өзгерістер енгізу процесі пішімдеу деп аталады.

IV. Компьютерде тәжірибелік жұмыс

8 минут

Сергіту сәті

1 минут

Тәжірибелік жұмыс

7 минут

V. «Кім білгір?» ойыны арқылы бекіту

5 минут

  1. Пішімдеу дегеніміз не?
  2. Парақтың түсін ауыстыру командасы қандай?
  3. Enter пернесінің қызметі қандай?
  4. Курсордың алдындағы символды қай перне өшіреді?
  5. Мәтіннің түсін қалай өзгертеміз?
  6. Қатар қосу үшін қандай батырманы қолдануға болады?
  7. Мәтіндік редактор файлының кеңейтілімі қандай?
  8. Соңғы әрекетті болдырмау командасы қандай?
  9. Мәтіннің интервалын өзгерту батырмасын көрсет.
  10. Пернетақта көмегімен қию, көшіру, қою әрекеттерін ата.

VI. Бағалау

3 минут

Оқушылар өзін-өзі бағалайды. Топ басшылары бағалау парақтарын мұғалімге тапсырады. Мұғалім өз бағасын қойып, қорытынды нәтижені жариялайды.

VII. Үй тапсырмасы

2 минут

4.8 тақырып. 66–68-беттерді оқып келу.

VIII. Рефлексия

2 минут

Оқушылар сабақтан алған әсерлері мен ұсыныстарын стикерлерге жазады. «Екі жұлдыз — бір тілек» әдісі бойынша кері байланыс береді.