Толықтауыш туралы түсініктерін қалыптастыру

Тұрлаусыз мүшелер. Толықтауыш
Сабақтың мақсаты:
Білімділік: Толықтауыш туралы түсініктерін қалыптастыру.
Дамытушылық: Түрлі әдістерді қолданып оқушының ойлау қабілетін, сөздік қорларын, шығармашылық қабілеттерін дамыту.
Тәрбиелік: оқушыларды іздемпаздыққа тәрбиелеп, тапқырлыққа баулу, шығармашылық қасиеттерін қалыптастыру.
Сабақтың түрі: жаңа білім беру сабағы.
Сабақтың әдістері: оқу құралдарымен жұмыс және дидактикалық материалдармен жұмыс т. б.
Сабақтың көрнекілігі: кесте.

Сабақтың барысы:
Ұйымдастыру кезеңі
Өткенді еске түсіру.
1. Сөйлем мүшелері дегеніміз не?
2. Сөйлем мүшелері құрамына қарай нешеге бөлінеді? Әрқайсысына мысал келтір.
3. Сөйлем мүшелері атқаратын қызметіне қарай нешеге бөлінеді? Ережесін айт.
4. Бастауыш пен баяндауыш арасына қойылатын сызықша.

Жаңа сабақты түсіндіру
1. Сабақтың мақсатымен таныстыру.
2. Сөйлемдегі амал - әрекетті, іс - оқиғаны заттық жағынан сипаттай толықтыру үшін жұмсалатын, баяндауышпен байланыста болатын тұрлаусыз мүше. Толықтауыш атау мен ілік септігінен басқа барыс, табыс, жатыс, шығыс, көмектес септіктерінің бірінде тұрып заттық нысанды танытып, меңзеп тұрады. Кейде толық мағыналы сөзге туралы, жөнінде, жайында деген септеулік шылаулардың тіркесіп, түрленуі арқылы жасалады. Байланысу түрі меңгеру мен жанасу. Жасалу жолдарын кесте арқылы түсіндіріп, мысал келтіру.