Қазақша рефераттар

Тұрлаулы мүшелер

Сабақ туралы мәлімет

Бұл жоспар қазақ тілі сабағында сөйлемнің негізгі ойын білдіретін тұрлаулы мүшелерді таныстыруға және оларды сөйлем ішінен табуға бағытталған.

Сабақтың мақсаты

Оқушыларға сөйлемдегі негізгі ойды білдіретін тұрлаулы мүшелер туралы түсінік беру және топтық жұмыс барысында оларды сөйлем ішінен таба білуге бағыттау.

Оқу нәтижелері

  • Сөйлем ішінен тұрлаулы мүшелерді (бастауыш, баяндауыш) таба алады.
  • Топ ішінде бірлесе жұмыс істеу дағдыларын дамытады.
  • Берілген тапсырмалар арқылы өз ойын дәлелдеп, жауаптарын нақтылайды.

Түйінді идеялар

Сабақта жағымды психологиялық ахуал қалыптастырылады. Оқушылар топқа бөлінген соң, бұрынғы білім мен жаңа білімді ұштастырып, слайд пен видео сияқты көрнекіліктер арқылы тапсырмалар орындалады.

Түрлі тапсырмалар оқушыларды сыни ойлауға жетелейді, топтық жұмысты ұйымдастыруға мүмкіндік береді. Сабақ соңында жиынтық бағалау жүргізіледі.

Белсенді стратегиялар

Диалог арқылы оқыту Сыни тұрғыдан ойлауға үйрету Бағалау Талантты және дарынды оқушылармен жұмыс АКТ қолдану Жас ерекшеліктеріне сай оқыту Басқару және көшбасшылық

Сабақ барысы

1) Ұйымдастыру кезеңі

  • Психологиялық дайындық.
  • Оқушыларды 1, 2, 3, 4 сандарын санау арқылы 4 топқа бөлу.

2) Үй тапсырмасын тексеру және қорыту

58-жаттығу — «Кір жаятын жіп» стратегиясы арқылы тексеру.

«Конверт-сұрақ»: әр топ 3 сұрақ дайындап, көрші топқа ұсынады.

3) Жаңа сабақ

Жұмыс форматы: сұраққа толық жауап беру, күннің жадын жазу.

1-топ: Мұғалім сұрайды: «Балалар, мен не істедім?» Оқушылар: «Мұғалім жазды». Бастауыш пен баяндауышты тапқызып, сөйлемді күрделендіреді.

2-топ: «Қаражорға» биінің видеосы көрсетіледі. Оқушылар: «Құрылысшылар биледі» → «Құрылысшылар далада қаражорға биін биледі».

3-топ: Бір оқушыға телефон соғылады. Оқушылар: «Телефон шырылдады» → «Асылайдың телефоны шырылдады».

4-топ: Бір оқушы орнынан тұрғызылады. Оқушылар: «Дильназ тұрды» → «Дильназ орнынан тұрды».

Екі сөйлемді салыстыру арқылы сөйлемдегі негізгі ойды және оны білдіретін тұрлаулы мүшелерді анықтайды.

Оқулықпен жұмыс: 60-жаттығу.

  • 1-топ сұрақты оқиды.
  • 2-топ жауапты оқиды.
  • 3-топ түсіндіреді.
  • 4-топ тақырыпты ашады.

Тақырып тақтаға жазылады: «Тұрлаулы мүшелер».

4) Бекіту тапсырмалары

61-жаттығу (ауызша)

3 топ бір-бір сөйлемнен оқиды, тұрлаулы мүшелерді табады. 4-топ «сарапшылар» ретінде дұрыстығын тексереді.

62-жаттығу

Сөйлемдерді оқып, тыныс белгілерін қояды, көшіріп жазады және тұрлаулы мүшелерді анықтайды.

63-жаттығу

Мақалды оқып, жатқа жазады; мағынасын түсіндіреді:

  • 1-топ 1-мақалды жатқа айтады, 2-топ мағынасын түсіндіреді.
  • 3-топ 2-мақалды жатқа айтады, 4-топ мағынасын түсіндіреді.

Жатқа жазғаннан кейін көршісімен тексеріс жүргізіледі (жұптық жұмыс).

65-жаттығу

Сурет бойынша әңгіме құрастыру, әңгімеге ат қою, тұрлаулы мүшелерді табу. Топпен постер қорғау.

Деңгейлік тапсырма

Тақтада сөйлемдер беріледі. Әр топтан оқушылар өз деңгейіне сәйкес сөйлемді таңдап, тұрлаулы мүшелерін анықтайды.

5) Қорытындылау, бағалау және кері байланыс

Тақырыптық түйінді сөздер: «Сөздер банкісіндегі» кәмпиттің ішіне салынған сөйлемдерді оқып, бүгінгі тақырыпқа қатысты сөйлемдерді «Біздің тақырып банкісіне» орналастырады.

Бағалау

«Бағдаршам» әдісі арқылы қалыптастырушы бағалау.

Кері байланыс

Стикер арқылы пікір қалдыру.

Жиынтық/қорытынды баға

Дескриптор бойынша топ басшылары бағалайды.

Үй тапсырмасы: 64-жаттығу.