Эстафеталық сайыс

Эстафеталық сайыс.
Құрметті әріптестер бүгінгі еңбек күніне байланысты Еңбек түбі - береке атты эстафеталық сайысымызға қош келіпсіздер! Сайысымызды бастамас бұрын Ақбота балабақшасының директоры ----------------------- сөз кезегін береміз.

Жүргізуші: Бір анадан туғандай,
Бір ұядан ұшқандай.
Бір аспанның астында,
Береке болсын ұжымда - деп ортамызға педагог қызметкерлер мен тәрбиешілерді қарсы алайық.
Жүргізуші: Енді сайысқа қатысушылардың әділ бағасын беретін әділқазылар алқасымен таныстырайық.
1.___________________________
2.___________________________
3.___________________________

Жүргізуші: Сайысымыз 6 бөлімнен тұрады.
1) Мергендік сайысы
2) Кенгурумен секіру сайысы
3) Ептілік сайысы
4) Ойлан тап сайысы
5) Тез қимылда сайысы
6) Арқан тарту сайысы

Ендеше I - бөліміміз Мергендік сайысын бастаймыз.
Ойын шарты: Едендегі кругтан - кругқа қос аяқтап секіріп, соңғы кругтың ішінде тұрып, жердегі уақ допты алып, шелекке лақтырып салу.
(Құралдары: Кругтар, шелек - 2, уақ доптар).
Жүргізуші: Әділқазылар алқасы I - ші бөлімнің бағасын берейік.
Жүргізуші: Бір, екі, үш,
Шынығайық қане біз.
Жүгір, секір қалыспай,

Жарысайық бәріміз - деп II - бөліміміз Кенгурумен секіру сайысын бастаймыз.
Ойын шарты: Кеглилер арасымен кенгуру арқылы секіріп, межеден айналып қайту.
(Құралдары: кеглилер, кенгуру добы).
Жүргізуші: Әділқазылар алқасы осы сайысымыздың бағасын берейік.
Жүргізуші: Өздерінің шапшаңдылығын ұғындырып,
Көрсетер көп еңбектенген мығымдылық.
Келесі бұл сайыстың жоспарында,
Қай топтың ептілігін анықтайық –

деп Ептілік сайысын бастаймыз.
Ойын шарты: Сөреде тұрған шелектен үлкен қасықпен суды, келесі жақта тұрған шыны ыдысқа тасу керек. Суды төгіп алмауы керек. Су өлшенеді.
(Құралдары: Шелек, су, үлкен қасық, сызғыш).
Жүргізуші: Әділқазылар алқасы Ептілік сайысының бағасын берейік.

Жүргізуші: Ақыл - ой парасаты,
Ой көгіне жүгінеді.
Еңбектенген жұмысын,
Өз ісіне жарасады – деп

Ойлан тап сайысына кезекті береміз.
Ойын шарты: Кеглилер арасымен жүгіріп кезекпен - кезек межеде тұрған тапсырмаларды орындау.
Жүргізуші: Осы Ойлан тап сайысындағы тапсырмалардың бағасын берейік.

Жүргізуші: Әрі қарай Тез қимылда сайысын бастаймыз.
Ойын шарты: Орналастырылған тунельдің арасынан еңбектеп өтіп, жердегі қапшықпен межеден айнала секіріп, кері тунельден өту.
(Құралдары: Геометриялық пішіндер, қапшық).
Жүргізуші: Әділқазылар алқасы Тез қимылда сайысының бағасын берейік.

Жүргізуші: Ең соңғы сайысымыз Арқан тарту .
Ойын шарты: Екі топ мүшелері арқанның 2 жағынан ұстап, өз топтарына қарай арқанды тартады.
Жүргізуші: Ең соңғы сайысымыздың қорытындысын берейік.
Жүргізуші: Жеңсек біз жеңдік деп тасымаймыз,
Жеңілсек біз жеңілдік деп жасымаймыз.
Жығылсаң жер көтереді деген екен,
Реніш, өкпелеуге қосылмаймыз - деп әділқазылар алқасына сөз кезегін береміз.
Осымен бүгінгі еңбек күніне байланысты эстафеталық сайысымыз өз мәресіне жетті.
Қош сау болыңыздар!

Маңғыстау облысы, Түпқараған ауданы, Баутин ауылы
"Ақбота" балабақшасының дене шынықтыру нұсқаушысы
Ермекбаева Аманкул Ерсайыновна