Қазақша рефераттар

Қайшыны ашық тастама

Сабақтың тақырыбы

Ұсақ тастардан мозаика құрастыру

Еңбек сабағы Оза оқыту технологиясы Light mode

Сабақтың мақсаты

Оқушыларға ұсақ тастардан әртүрлі жұмыстарды жасау тәсілдерін үйрету.

Дамытушылығы

Еңбек сабағында логикалық ойлау қабілетін дамыту, құрастыру дағдыларын жетілдіру.

Тәрбиелік мәні

Жұмысты ұқыпты, қауіпсіз әрі шапшаң орындауға тәрбиелеу.

Көрнекілігі

  • Ұсақ тастар
  • Шыны (әйнек) сынықтары
  • Қатырма қағаз, ермексаз, желім

Сабақтың жүру барысы

I. Ұйымдастыру бөлімі

Сыныптың дайындығын тексеру, құрал-жабдықтарды реттеу, қауіпсіздікке назар аударту.

II. Үй тапсырмасын тексеру

Алдыңғы сабақ материалын сұрақ-жауап арқылы пысықтау.

  1. 1. Сабаннан құрақ жасау мен жіптен құрақ жасаудың айырмашылығы неде?
  2. 2. Сабаннан тағы қандай бұйымдар жасауға болады?
  3. 3. Мысықтың жейтін азығы қандай?
  4. 4. Шеберлер деп кімді айтамыз?

III. Жаңа сабақ

Тастан құрастырылған мозаикалар үй құрылысында және жолдарды безендіруде жиі қолданылады. Мозаика — ұсақ тастардан, мата мен қағаз қиықтарынан, сондай-ақ шыны сынықтарынан құрастырылатын өрнек немесе сурет.

Мозаика құрастырудың реті

  1. 1

    Бейненің сұлбасын белгілеу

    Қай бөліктің қай жерде орналасатынын алдын ала жоспарлау.

  2. 2

    Негізін дайындау

    Қатырма қағаздың үстіне бір қабат ермексаз төсеп, бетін тегістеу.

  3. 3

    Негізгі сызықтарын айқындау

    Суреттің контурын және басты бөліктерін анық көрсету.

  4. 4

    Балықтың сыртқы көрінісін өрнектеу

    Тастарды түстері мен өлшеміне сай орналастырып, композицияны толықтыру.

IV. Қауіпсіздік ережелері

Құралдарды дұрыс қолдану — сапалы жұмыс пен қауіпсіздіктің кепілі.

  • 1 Қайшыны жолдасыңа сабынан (сап жағымен) ұсынып бер.
  • 2 Инені киімге қадауға болмайды.
  • 3 Қайшыны ашық күйінде қалдырма.
  • 4 Желімді ауызға салма, иіскеме және артық жақпа.

V. Өз бетінше жұмыс

Тапсырма

Ермексаз негізіне балық бейнесін мүсіндеу және оны ұсақ тастармен мозаика түрінде безендіру.

Нәтиже критерийлері

  • Композицияның ұқыптылығы
  • Түстер мен пішіндердің үйлесімі
  • Қауіпсіздік ережелерін сақтау
  • Жұмысты уақытында аяқтау

VI. Топтастыру әдісі

Оқушылар жұмыстарын топ ішінде талқылап, ұсақ тастардан мозаика құрастыру тәсілдерін салыстырады: қандай материал тиімді, қандай орналастыру әдемірек көрінеді, композицияны қалай жақсартуға болады.

Қорытынды: әр топ өз жұмысының шешімін түсіндіріп, қысқаша кері байланыс береді.