Әлияның ерлігі
Әдебиеттік оқу · 2-сынып
Сабақтың тақырыбы: «Әлияның ерлігі» (Ж. Жұмақанов)
Бұл сабақ жоспары мәтін мазмұнын терең түсінуге, негізгі идеяны ашуға және оқушылардың өз ойларын дәлелдеп айтуына бағытталған.
Жалпы мақсат
- Мәтін мазмұнын түсіну және идеясын ашуға мүмкіндік беру.
- Оқушылардың танымдық мүмкіндіктерін дамыту.
- Мәтіндегі ой түйінін анықтап, қорытынды жасау.
Күтілетін нәтиже
- Әлия туралы толық мәлімет алады.
- Мәтін идеясын аша отырып, өмірде қолдана біледі.
- Мәтіндегі ойға сыни тұрғыдан қарап, пікір білдіреді.
Негізгі идеялар
- Шағын топта жұмыс арқылы бірін-бірі оқыту.
- Тапсырма орындауда өмірлік тәжірибеге сүйену.
- Өздігінен білім алу дағдысын қалыптастыру.
Сабақтың барысы
1) Ұйымдастыру кезеңі
Оқушылардың назарын сабақтың мақсатына аудару, топқа бөлу.
Көңіл күйді анықтау
Смайликтер арқылы оқушылар өз көңіл күйін белгілеп, дәптерлеріне жапсырады.
2) Үй тапсырмасын тексеру
Activote көмегімен тест тапсырмалары арқылы үй жұмысы тексеріледі.
3) Жаңа сабақ
Қызығушылықты ояту: «Мастер-класс»
Бейнефильм көрсетіледі. Оқушылар белгісіз кейіпкерді анықтайды: ол — Әлия.
Тақырыппен жұмыс
Оқушылар жаңа тақырыпты дәптерлеріне жазады.
Автор туралы
Жекен Жұмақанов туралы қысқаша мәлімет беріледі.
Мағынаны тану: топтық жұмыс
Топтарға үзінділер таратылады. Әр топ өз үзіндісін іштей оқып, талдайды.
І топ
І үзінді
ІІ топ
ІІ үзінді
ІІІ топ
ІІІ үзінді
Киноүзіндімен байланыс
«Әлия» фильмінен үзінді көрсетіледі. Әр топ фильмдегі көріністің өз үзіндісінің мағынасына сәйкес келетін тұсын тауып, пікірін білдіреді.
Әр топ мәтіндегі Әлияның бойындағы қасиеттерді анықтайды.
Оқулықпен жұмыс
Мәтінді мәнерлеп оқу.
Сөздік жұмыс
Түсіндірілетін ұғымдар: «Автор орындығы» және т.б.
Сергіту сәті
Қысқа қимыл-қозғалыс жаттығулары.
Жұппен жұмыс: «Жұптас — ақылдас — талда»
Әр жұп берілген рөлдік тапсырма бойынша жұмыс істеп, нәтижесін қорғайды.
І жұп — Сілтеме табушылар
Мәтіндегі негізгі ойды ашатын және оқиғаның ең қызықты тұсын табады.
ІІ жұп — Сұрақ қоюшылар
Мәтін бойынша мазмұнды сұрақтар құрастырады.
ІІІ жұп — Ізденушілер
Тақырыпқа қатысты қосымша ақпарат ұсынады.
IV жұп — Сипаттаушылар
Кейіпкерлерді танып, мінездеме береді.
V жұп — Сөз тапқыштар
Әлияға хат жазады.
VI жұп — Дәнекер жұп
Мәтіндегі оқиғаны қазіргі өмірмен байланыстырады.
VII жұп — Бейнелеушілер
Тақырыпқа байланысты сурет салады.
VIII жұп — Ақындар жұбы
«Бес жолды өлең» немесе қысқа өлең құрастырады.
Ой қорыту: «Блум таксономиясы» бойынша сұрақтар
Бүгінгі сабақта нені өттік?
Әлия туралы оқытудың мақсаты қандай?
Ақын-жазушылар оқушыға қандай үміт артады?
Сендердің өз мақсаттарың қандай?
Халқың сенен нені күтеді деп ойлайсың?
Бүгін қойған оқу мақсатымызға жеттік пе?
Сабақтың аяқталу сәті қалай өтті деп бағалайсыңдар?
Батырлық пен ерлік туралы өлеңдердің бүгінгі таңда маңызы бар ма?
Бағалау
Өзін-өзі бағалау
Смайликтер арқылы оқушы өз жұмысын бағалайды.
Топ басшысының бағалауы
Топ жұмысы бойынша кері байланыс береді.
Қорытынды баға
Мұғалім «гүл» әдісі арқылы қорытынды бағасын қояды.
Үй тапсырмасы және рефлексия
Үй тапсырмасы
Мәтін бойынша берілген тапсырмаларды орындау (мұғалім нақтылап береді).
Рефлексия
Оқушылар стикерге сабақтан алған әсері мен ой қорытындысын жазады.