Саптық жаттығу
Технологиялық карта №39
Сабақтың мақсаты
- Биікке сатылып көтерілу және түсуді үйрету.
- Негізгі қасиеттерді — шапшаңдық пен ептілікті дамыту.
- Бір-біріне деген сыйластық сезімін қалыптастыру.
Мотивациялық-қозғаушылық кезең
3 минутҰйымдастыру
- Балаларды бір-бірден сапқа тұрғызу.
- Амандасу.
- Сұрақ қою: «Балалар, бүгін сабақта не істейміз?» (суреттерді көрсету).
Әңгімелесу: «Денсаулық деген не?»
Тәрбиеші балалардан: «Денсаулық дегеніміз не? Қалай түсінесіңдер?» — деп сұрайды (балалардың жауаптары тыңдалады).
«Біздің денсаулығымыз өзімізде: менің де, сенің де, бәріміздің ішімізде. Ендеше бір құпияны ашайын: денсаулықты көп сәулелі күнге ұқсатайық».
Сұрақ: «Күшті болу үшін не істеу керек?» Жауап: «Денені шынықтыру керек».
Саптық жаттығулар
- Оңға, солға бұрылу.
- «Сол иықпен алға — бас!» командасымен саптық қозғалыс.
Ұйымдастырушылық-ізденістік кезең
13 минут1) Жүріп орындалатын жаттығулар
- Қолды көтеріп, аяқтың ұшымен жүру (зал бойымен 0,5 айналым).
- Қол желкеде, өкшемен жүру (зал бойымен 0,5 айналым).
- Қол белде, тізені көтеріп жүру (зал бойымен 0,5 айналым).
- Таяқпен сырғанауды қайталау.
- Жүгіру: 2 айналым.
- «Шар үрлеу» — тыныс алу жаттығуы.
Сұрақ: «Балалар, бұл тыныс алу жаттығуын не үшін жасаймыз?» (балалардың жауаптары тыңдалады).
2) Жалпы дамыту жаттығулары
- 1 — басты алға; 2 — басты артқа; 3–4 — қайталау.
- Қайталау: 3–4 рет.
- 1–2 — басты оңға және солға бұру; 3–4 — қайталау.
- Қайталау: 3–4 рет.
- 1–4 — қолды айналдыру (шеңбер бойынша).
- Қайталау: 3–4 рет.
Алға — жоғары — жан-жаққа.
Негізгі бөлімге өту
Балалардың қауіпсіздігін сақтай отырып, беткейге сатылып көтерілу және түсу әрекеттерін көрсету, ретімен орындату және бақылау.