Қазақша рефераттар

Есептің жаңа түрімен таныстыру, берілген есепке кері есептер құра білу дағдыларын қалыптастыру

Сабақтың тақырыбы

Белгісіз азайтқышты табуға берілген есептер

Мұғалім

Бастауыш сынып мұғалімі Кайболда Сарымолдаев

Мақсаты

  • Білімділік: есептің жаңа түрімен таныстыру; берілген есепке кері есептер құра білу дағдыларын қалыптастыру.
  • Дамытушылық: оқушылардың ой-өрісін, танымын, біліктілігін, есте сақтау қабілетін және қызығушылығын арттыру.
  • Тәрбиелік: таза, ұқыпты жазуға баулу; ұйымшылдыққа, адамгершілікке, сыйластыққа тәрбиелеу.

Әдіс-тәсілдері

Түсіндіру Сұрақ-жауап Деңгейлік тапсырмалар

Сабақ түрі

Ертегі сабағы

Пәнаралық байланыс

Әдебиет

Көрнекілігі

  • Оқулық
  • Кестелер
  • Суреттер

Сабақтың барысы

I. Ұйымдастыру кезеңі

  • Кезекшілердің мәліметі
  • Психологиялық дайындық

Өлең жолдары

Шырылдады қоңырау,

Біз сабақты бастаймыз.

Табыс тілеп тек қана,

Өзара көз тастаймыз.

Жаңа білім алуға,

Алға қадам аттаймыз.

II. Үй тапсырмасын тексеру

Үйге берілген №4 тапсырма ауызша оқыту арқылы сұралып, тексеріледі.

III. «Ой шақыру» арқылы өткен сабақты бекіту

  1. 1 9 бен 5-тің қосындысы.
  2. 2 40 пен 20-ның айырмасы.
  3. 3 Қандай геометриялық фигураларды білесіңдер?
  4. 4 Қосудың компоненттерін ата.
  5. 5 Азайтудың компоненттерін ата.

IV. Жаңа сабақ

Кіріспе әңгіме

Мұғалім: Балалар, біз білетін «Бауырсақ» ертегісін есімізге түсірейікші. Ол қалай басталатын еді?

Оқушылар: (Оқушылар жауап береді.)

Мұғалім: Қараңдаршы, Бауырсақ домалап келе жатыр еді. Оның алдынан кім шықты?

Оқушылар: Қоян.

Мұғалім: Қоян Бауырсақты жеп қоюы мүмкін. Сондықтан оны құтқарып қалайық. Көмектесеміз бе?

Тапсырма: белгісіз азайтқышты тап

Теңдеулердегі белгісіз азайтқышты табыңдар.

16 − … = 8

12 − … = 7

18 − … = 9

10 − … = 5

15 − … = 7

16 − … = 8

Нұсқау: Белгісіз азайтқыш = азайғыш − айырма.