Қазақша рефераттар

Өлеңді оқып жатқа жазу

Сабақтың мақсаты

  • Етістік туралы берілген білімді жетілдіру, талдау, бекіту.
  • Сауатты, көркем жазуға төселдіру; оқушылардың сөздік қорын молайтып, тілін және шығармашылығын дамыту.
  • Әдептілікке, татулыққа және өз тілін құрметтеуге тәрбиелеу.

Сабақтың түрі

Жарыс сабақ

Көрнекілігі

Суреттер, сызба: бұлт, ағаш, күн.

Сабақтың барысы

I. Ұйымдастыру кезеңі

Әр топ бүгінгі күнге тілек айтады.

II. Үй тапсырмасын тексеру

Өткен тақырып бойынша орындалған тапсырмалар тексеріледі.

III. Білімді жан-жақты тексеру

Сұрақ-жауап

  • Қандай сөз таптарын білесіңдер?
  • Өткен сабақта қандай сөз табын қайталадық?
  • Етістік

Ендеше, «етістік» сөзінен баспалдақ құрастырайық.

Етістік дегеніміз не? Ережесін сұрау және қысқаша талдау.

IV. Жаңа сабаққа даярлық

Әңгімелеу сұрақтары

  • Балалар, қазір жылдың қай мезгілі?
  • Көктемде қандай өзгерістер болады?

Сабақтың сюжеті

Бүгін күніміз әлі жарқырап, шуағын шашпай тұр, өйткені күннің бетін бұлт торлаған. Бұлттардың ашылуы үшін олардың тапсырмаларын орындаймыз.

V. Жаңа сабақ

1-тапсырма — 7-жаттығу

Топтық жұмыс

1-топ: жұмбақ шешу

Түнде жортады,

Жарықтан қорқады.

Жауабы: жапалақ

2-топ: «Құстар қалай ұшады?»

Көп нүктенің орнына етістік қойыңдар:

  • Қарға ұшар …
  • Шағала ұшар …
  • Үйрек ұшар …
  • Қаз ұшар …

2-тапсырма

Берілген етістіктерді сұрақтарына қарай бөліп жазыңдар: «Не істеді?» және «Не қылды?».

1-топ

«Не істеді?»

2-топ

«Не қылды?»

Сергіту сәті — ойын «Үш қапта»

Әр топтан бір оқушы шығып, қимылды көрсетеді. Екінші оқушы сол қимылды сөзбен тақтаға жазады. Мақсат — қимылды дұрыс білдіретін етістікті табу.

3-тапсырма — «Төрт түлік»

1-топ: малдың төлдеуін айту, етістікті табу

  • Қой — қоздайды.
  • Сиыр — бұзаулайды.
  • Жылқы — құлындайды.

2-топ: малдардың дыбыстауын айту, етістікті табу

  • Қой — маңырайды.
  • Сиыр — мөңірейді.
  • Жылқы — кісінейді.
  • Ешкі — маңырайды.

4-тапсырма — ұйқасын табу

Тастан тасқа секіріп,

Жем тереді …

Жауабы: кекілік

Айбат шегер алыстан,

Аң патшасы …

Жауабы: арыстан

5-тапсырма — өлеңді оқып, жатқа жазу

Әр топтан бір оқушы өлеңді жатқа айтады. Топ мүшелері өлең ішіндегі етістіктерді тауып, олардың қай сөзбен байланысып тұрғанын анықтайды.

Сөздік жұмысы

Төскей — таудың қия беткейі.

6-тапсырма — шығармашылық жұмыс

1-топ

Көктем туралы өлең шығару.

2-топ

Көктем туралы шығарма жазу.

VI. Қорытынды

«Етістік ағашына» етістік туралы білгендерімізді жазайық. Балалар, сендер бұлттардың барлық тапсырмаларын дұрыс орындадыңдар — міне, күніміз жарқырап шыға келді.

VII. Бағалау

Топтық және жеке жұмыс нәтижелері бойынша бағалау жүргізіледі.

VIII. Үйге тапсырма

Үй тапсырмасы сабақ соңында нақтылап беріледі.