Қазақша рефераттар

Достарың кім

Сайыс форматы Командалық Жылдам жауап

«Тапқыр достар» сайысы

Құрметті ұстаздар мен оқушылар! Бүгінгі сайысымызға қош келдіңіздер. Бұл сыныптан тыс жұмыс оқушылардың жан-жақты ақпараттануына, алған білімін өмірде қолдана білуіне, сондай-ақ ұжыммен жұмыс істеу мәдениетін қалыптастыруға бағытталған.

Мақсаттары

Білімді өмірде қолдану

Жан-жақты ақпараттануға үйретіп, алған білімді тәжірибеде қолдану шеберлігін арттыру.

Тәрбиелік бағыт

Ұйымшылдыққа, достыққа, қарым-қатынас мәдениетіне, адамгершілікке тәрбиелеу; ана тілін қадірлеуге баулу.

Зияткерлік қабілеттер

Тапқырлық, шапшаңдық, дарындылық, есте сақтау қабілетін шыңдау.

Тілдік дағдылар

Сөздік қорды молайтып, ойды нақты әрі сауатты жеткізуге дағдыландыру.

Достық туралы

Сайысты бастауға арналған шумақ:

Достық — әдеп, сыйласым,

Дос — өмірлік қимасың.

Дос — арыңдай қымбатты,

Достық сезім тым тәтті.

Достық — игі жақсылық,

Достық — ниет, жақсы үміт.

Достық жасап адамға,

Достаса біл әмәнда.

I тур. Таныстыру

Әр топ өз командасын таныстырады: атауы, ұраны, мүшелері және қысқаша сипаттамасы.

II тур. «Сөз тапқанға қолқа жоқ»

Ұстаным

Қиыннан қиыстырып, әріптен сөздер құраймыз. Қай топ епті екенін осы бөлімде сынаймыз.

1-топқа сұрақтар

  1. 1Заттар нелерден құралады?
  2. 2Қандай физикалық денелерді білесің?
  3. 3Мыс сымы электр тогын өткізеді ме?
  4. 4Ай бетіне бірінші болып барған кім?
  5. 5Қандай физикалық құбылыстарды білесің?
  6. 6Жылуды жақсы өткізетін қандай материалдар бар?
  7. 7Қыста киіз үй жылы бола ма? Неліктен?
  8. 8Болашақта кім болғың келеді?
  9. 9Бізді қоршаған орта деген не?
  10. 10Достарың кім?

2-топқа сұрақтар

  1. 1Күн жүйесінде неше планета бар?
  2. 2Қандай физикалық шамаларды білесің?
  3. 3Қандай физиктерді білесің?
  4. 4Қандай физикалық құралдарды атай аласың?
  5. 5Жылу өткізбейтін заттарды ата.
  6. 6Қандай қар тез ериді: таза ма, әлде кір ме? Неліктен?
  7. 7Қыста ағаш өсе ме?
  8. 8Жарық көздерін ата.
  9. 9Достарың кім?
  10. 10Кітап оқисың ба?

III тур. «Ойлан, тап!»

Екі топқа бір сөз беріледі. Сол сөзден мағыналы сөздер құрастыру қажет.

Берілетін сөз: өткізгіштер

IV тур. «Сен білесің бе?»

Бұл турда әр топқа 4 жұмбақ беріледі. Жауабын үш тілде айту керек. Жылдам ойлау — тамаша қасиет; ұшқыр ой осы жерде байқалады.

1-топ жұмбақтары

  1. Мұз жарғыш жүзіп келеді, бауыры қызып келеді. Абайла — ойып түсер, ондайлар бұзық келеді.

    Жауабы: үтік / утюг / Bügeleisen

  2. Бойы екі қарыс, сиып тұр 25 арыс.

    Жауабы: сызғыш / линейка / Lineal

  3. Күміс қанат сұңқары көкке еркін сүңгейді. Бұлттан да тым әрі кеткен жанды кім дейді?

    Жауабы: ұшқыш / лётчик / Flieger

  4. Кең әлемді кернейді, бірақ көзің көрмейді.

    Жауабы: ауа / воздух / Luft

2-топ жұмбақтары

  1. Орақ болып туады, табақ болып тұрады.

    Жауабы: ай / луна / Mond

  2. Тілі бетінде, сөзі шетінде.

    Жауабы: сағат / часы / Uhr

  3. Көліктің қаншасын жанынан өткізген, іргеден басталып, алысқа жеткізген.

    Жауабы: жол / дорога / Weg

  4. Екеуі қатар тұрса да, бірін-бірі көрмейді.

    Жауабы: көз / глаза / Auge

V тур. «Кім көп біледі?»

1 минут ішінде қойылған сұрақтарға мүмкіндігінше көп әрі дұрыс жауап беру керек.

1-топқа

  1. 1Диффузия дегеніміз не?
  2. 2Термометр қандай құрал?
  3. 3Судың қайнау температурасы қандай?
  4. 4Булану қандай құбылыс?
  5. 5Жылу берілу түрлерін ата.
  6. 6Өткізгіштерге мысал келтір.
  7. 7Жылу мөлшерін есептеуге арналған формула қандай?
  8. 8Температура қандай әріппен белгіленеді?

2-топқа

  1. 1Заттың агрегаттық күйлерін ата.
  2. 2Жылулық қозғалыс дегеніміз не?
  3. 3Конвекция дегеніміз не?
  4. 4Кебу қандай құбылыс?
  5. 5Термодинамиканың бірінші заңы қандай?
  6. 6Диэлектриктерге мысал келтір.
  7. 7Мұздың еру температурасы қандай?
  8. 8Меншікті жылу сыйымдылығы қандай әріппен белгіленеді?

VI тур. «Кім тапқыр?»

Интербелсенді тақтада 8 ұяшықтың астында сурет жасырылған. Әр ұяшықта сұрақ бар. Сұрақтарға жауап бере отырып, жасырылған суреттің атауын табу керек.

Ұпай қою тәртібі

  • 1 1 ұяшық ашып тапса — ұпай толық беріледі.
  • 2 2 ұяшық ашып тапса — ұпайдың жартысы беріледі.
  • 3 3 ұяшық ашып тапса — ұпайдың ⅓ бөлігі беріледі.

VII тур. Қорытынды: қолқа салу

Жеңген топ жеңілген топқа қолқа салады: шағын тапсырма, өнер көрсету немесе достыққа негізделген әзіл-тапсырма ұсынады. Мақсат — бәсекені сыйластыққа ұластыру.

Негізгі қағида: әділдік, мәдениет және бірлік.

Қатысушыларға ескерту

  • Уақытты тиімді пайдалану.
  • Топ ішінде міндеттерді бөлісу.
  • Қарсы топқа құрмет көрсету.

Жүргізушіге қысқаша нұсқаулық

  • Әр турдың ережесін анық әрі қысқа айту.
  • Ұпайды ашық жүргізу.
  • Белсенділікті қолдау, талас туса әділ шешу.