Бәйтерек идеясының авторы кім

Сабақ туралы мәлімет

Сынып

8-сынып (орыс сыныбы)

Сабақтың түрі

Саяхат сабағы

Сабақтың әдісі

Сыни тұрғысынан ойлау стратегиялары

Көрнекіліктер

Суреттер
Үлестірмелі қағаздар
Бейнеүзінді
Слайд

Сабақтың мақсаты

Оқушылардың «Астаналар» тарауы бойынша алған білімдерін тексеру, есте сақтау қабілеттерін дамыту және жаттығу жұмыстарын жүйелі орындату.

Күтілетін нәтиже

Қазақстан тарихындағы астаналарды біледі.
Әр астананың даму тарихын меңгереді.
Грамматикалық тақырыптарды практикада жүйелі қолдана алады.

Сабақта қолданылатын форматтар

«Кім жылдам?» ойыны

Септіктерді, сұрақтарын және жалғауларын ретімен құрастыру.

«Автор орындығы»

Идея ұсыну және өз жұмысын қорғау.

«Бес жолды өлең»

Тақырыпты қысқа әрі мағыналы жинақтау.

Тест жұмысы

Білімді қорытынды тексеру.

Сабақтың барысы

I. Ұйымдастыру кезеңі

Оқушыларды түгендеу.
Оқу құралдарын тексеру.
Оқушыларды екі топқа бөлу.
Топ басшысын сайлау және бағалау парағын тарату.

II. Үй тапсырмасын тексеру

«Астана — жас қала» тақырыбында шығарма жазу.
105-беттегі деңгейлік тапсырмаларды орындау.

III. Қызығушылықты ояту: «Кім жылдам?» ойыны

Екі топ оқушыларына конвертке салынған септіктердің атаулары беріледі. Оқушылар 7 септікті ретімен орналастырады. Кейін септіктің сұрақтары мен жалғаулары жазылған парақтарды да дұрыс ретке келтіреді. Үш тапсырма аяқталған соң, астана болған қалалардың атауларын септейді.

Септік	Сұрақтары	Жалғаулары
Атау септік	кім? не?	0
Ілік септік	кімнің? ненің?	-ның, -нің, -дың, -дің, -тың, -тің
Барыс септік	кімге? неге?	-ға, -ге, -қа, -ке, -на, -не, -а, -е
Табыс септік	кімді? нені?	-ды, -ді, -ты, -ті, -ны, -ні, -н
Жатыс септік	кімде? неде?	-да, -де, -та, -те, -нда, -нде
Шығыс септік	кімнен? неден?	-нан, -нен, -дан, -ден, -тан, -тен
Көмектес септік	кіммен? немен?	-мен, -бен, -пен

I топ

Орынбор, Алматы

II топ

Қызылорда, Астана

IV. Нәтиже сабақ: «Астанаға саяхат»

Бүгінгі сабақ ерекше: біз «саяхат сабағын» өткіземіз. Өткен сабақтарда Қазақстан астаналары туралы таныстық. Енді сол қалалардың ішіндегі елордаға айналған Астанаға саяхат жасаймыз.

Саяхатқа қажет

Карта. Мұғалім «саяхат картасын» таратады, ал оқушылар бір-біріне сәттілік пен нәтижелі жұмыс тілейді.

Саяхат картасы (аялдамалар)

1. Вокзал
2. Бәйтерек
3. Пирамида
4. Ақ Орда
5. Думан
6. Хан Шатыр

1-аялдама. Сөздік алқабы

Жаңа сөздерді 1 минут оқып, тақта жабылған соң қазақшасын жатқа айту.

Қазақша	Орысша
ғимарат	здание
аялдама	остановка
көрікті	красивый
жаға	берег
орталық	центр
ойын-сауық орталығы	развлекательный центр
жеделсаты	лифт

Тапсырма: жаңа сөздерді қолданып, әр оқушы бір сөйлем құрайды.

2-аялдама. Бәйтерек

1) Бейнеүзінді көру

Бәйтерек туралы қысқа бейнематериал көрсетіледі.

I топ

«Бәйтерек кешенінің авторы мен болсам…» тақырыбында ой ұсыну және сурет салу.

II топ

«Бәйтерек» тақырыбында шағын шығарма жазу немесе «Бес жолды өлең» құрастыру.

3-аялдама. Пирамида

I топ

Мәтіннен септік жалғауы жалғанған сөздерді теріп жазыңдар.

II топ

Мәтіннен көптік жалғауы жалғанған сөздерді теріп жазыңдар.

Мәтін: Бейбітшілік пен келісім сарайы

Бейбітшілік пен келісім сарайы — 2006 жылы көрнекті британдық сәулетші Норман Фостер салған ерекше пирамида. Оның биіктігі 62 метр. Пирамиданың табанында 1,5 мың орынға арналған опера залы, ал жоғары бөлігінде ғимараттың негізгі бөлмесі бар. Онда Қазақстан Ассамблеясының кеңселері, мұражайлар және көрме залдары орналасқан.

4-аялдама. Ақ Орда

Тапсырма: әр топ мәтін бойынша сұрақтар әзірлеп, бір-біріне қояды.

Мәтін: Ақ Орда

Ақ Орда — Қазақстан Республикасы Президентінің резиденциясы. Ол Есіл өзенінің сол жақ жағалауында орналасқан. Ғимараттың жалпы ауданы 36 720 шаршы метрді құрайды. Резиденция жанында ҚР Парламенті, ҚР Үкімет үйі, ҚР Жоғарғы соты және ҚР Министрліктер үйі орналасқан.

5-аялдама. Думан

I топ

«Ғимарат» сөзіне фонетикалық талдау жаса.

II топ

«Өзен» сөзіне фонетикалық талдау жаса.

Мәтін: Думан ойын-сауық орталығы

«Думан» ойын-сауық орталығы елорданың сол жағалауында салынған. Орталықта 3D кинотеатры, «Джунгли» аттракционы, боулинг, көпфункционалды зал, қонақ үй кешені, сондай-ақ сауда залдары мен балаларға арналған ойын алаңдары бар. «Думан» — ересектер мен балалардың сүйікті демалыс орындарының бірі.

6-аялдама. Хан Шатыр

I топ

Берілген сөздерді құрамына қарай талда: сарайының, тұрғындары.

II топ

Берілген сөздерді құрамына қарай талда: өздерінің, уақыттары.

Мәтін: Хан Шатыр

«Хан Шатыр» — Бейбітшілік пен келісім сарайы желісін жалғастыратын сауда және ойын-сауық орталығы. Биіктігі шамамен 200 метр болатын кешен қаланың ең зәулім нысандарының біріне айналды. Зәулім шатырдың ішінде қалалық саябақ, дүкендер, кинотеатрлар және концерт алаңы бар. Астана тұрғындары бос уақыттарын осы жерде тиімді өткізе алады.

V. Толғаныс: тест жұмысы

Оқушылар тест сұрақтарына жауап береді.

1) Берілген сөйлемдегі күрделі сөздің түрін табыңдар:

Арыс өзенінің Сырдарияға құяр аралығында ежелгі Отырар жатыр.
- A) біріккен сөз
- B) қос сөз
- C) қысқарған сөз
- D) тіркескен сөз
2) Берілген қатардағы қалалардың қайсысы ортағасырлық қала?
- A) Астана
- B) Орынбор
- C) Отырар
- D) Ақмешіт
3) Орта ғасырдағы Исфиджаб қаласы кейін қандай атпен белгілі болды?
- A) Сайрам
- B) Суяб
- C) Фараб
- D) Отырар
4) ХХ ғасырдағы Қазақстан астаналарының ішіндегі ең алғашқы астана қайсы?
- A) Алматы
- B) Ақмешіт
- C) Астана
- D) Орынбор
5) Қызылорда қаласы қай уақыт аралығында астана болды?
- A) 1922–1929 жж.
- B) 1922–1928 жж.
- C) 1922–1927 жж.
- D) 1922–1926 жж.
6) Алматы қаласы қай уақытқа дейін еліміздің астанасы болды?
- A) 1996 ж.
- B) 1997 ж.
- C) 1998 ж.
- D) 1999 ж.
7) Қызылорда қаласы қандай дақыл өсірді?
- A) астық
- B) жүгері
- C) күріш
- D) көмір
8) Бәйтерек идеясының авторы кім?
- A) Ерболат Төлепбай
- B) Нұрсұлтан Назарбаев
- C) Әбіш Кекілбаев
- D) Тоқтар Әубәкіров
9) Ақмола қаласына қай уақытта «Астана» атауы берілді?
- A) 1997 ж.
- B) 1998 ж.
- C) 1999 ж.
- D) 2000 ж.
10) Астана қай өзеннің бойында орналасқан?
- A) Ертіс
- B) Іле
- C) Есіл
- D) Талас

Жауап кілті

1 — A

2 — C

3 — A

4 — D

5 — A

6 — B

7 — C

8 — B

9 — B

10 — C

VI. Үй тапсырмасы

Өткен тақырыптарды қайталау.
Ережелерді жаттау.

VII. Бағалау

Бағалауды топ басшылары бағалау парағы арқылы жүргізеді.

Аты-жөні	Үй жұмысы	«Кім жылдам?»	Сөздік жұмысы	Бәйтерек	Пирамида	Ақ Орда	Хан Шатыр	Тест	Қорытынды баға
Кестені сабақ барысында толтырыңыз.